कविता -'सखी '
Submitted by Dr.ShubhanginiM... on 27 April, 2023 - 04:12
"सखी"
उड्या मारत चिऊताई अंगणात आली .
अन म्हणाली ,
उरले नाही मला घरदार .
जागा शोधुन मी दमले फार.
झाडं नाहीत की जंगल नाही .
घर बांधायची काही सोयच नाही .
छोटीशीच जागा शोधली प्रयत्नाने ,
त्यावरही कब्जा केला त्या 'काळ्या ' कावळ्याने .
कधी मिळते ,
पण गावापासून फार दूर असते.
दाणापाणी जमवून आणताना जीवाला फार दमवते .
कधी बांधकामाच्या साईटवर मिळतो एखादा कोपरा .
मात्र ,मजूर उचलून फेकतात घराला, समजून कचरा .
विषय:
शब्दखुणा:
