लतादीदी

असा सूर लागे जसा श्वास घेतो

असा सूर लागे जसा श्वास घेतो कळेना तरी दैवी की लाभला
सदा अंतरींच्या जशा सप्त तारा विशेषे तिन्ही सप्तका लागल्या

मना मोहवी, दुःखही मोह घाली असे सूर स्वर्गीय कोंदाटले
लडी रेशमाच्या वरी कर्णद्वारी ह्रदी येत ते सौख्य सामावले

अभिसारिका ती कधी विद्ध होई सखा पाहुनी लाली गालावरी
कधी साद घाली जरी ईश्वराला तरी दाह भावे इथे अंतरी

असे भाव सारे सुरा गुंफुनिया रसिका मनी सौख्यदा जाहले
पियूषा परी ते सदा निर्मळाचे शशी सूर्य तारे तसे नांदले

स्वरसम्राज्ञी लतादीदींच्या ९० व्या वाढदिवसानिमित्त लतादीदींना काव्यमय शुभेच्छा, माझे चित्रकार मित्र श्री.लीलाधर कोल्हे यांनी केलेल्या सुंदर रेखाटनासह-

लतादीदी

सरस्वतीच्या कंठी झुलतो
सुंदर मौक्तिक हार
लतादीदींच्या गळ्यातला
जणू संगीत सूरबहार

कोकीळकंठी मृदुभाषी
जगताची तू शान
प्रत्येकाच्या हृदयी वसली
घेऊन अढळ स्थान

आम्ही पोसलो तुझ्या सुरांवर
केलेस जीवन छान
कसे फेडावे उपकार तुझे
गाऊ किती गुणगान

मनी वाहे भरुनी आनंद ....

आज सकाळचीच गोष्ट. सकाळी सकाळीच कंपनीची बस पकडावी लागते. बसमधे जरा स्थिर-स्थावर झाल्यावर सवयीने मोबाईलला इअर फोन लाऊन कधी आकाशवाणी वरचे संगीत -सरिता इ. कार्यक्रम तर कधी मस्त मोबाईलवर डाऊन लोड केलेली गाणी ऐकणे असा कार्यक्रम असतो. कोणी हातात पेपर(वर्तमानपत्र) दिलाच तर जरा त्यातील बातम्यांवर नजर फिरत असते पण कानांवर काय पडतंय याची जास्त उत्सुकता असते. कारण आकाशवाणीच्या पुणे केंद्रावर सकाळी आठच्या सुमारास जी २-३ भक्तिगीते लागतात त्यात कधी कधी लॉटरीच लागते अगदी ...