काव्यलेखन : शब्दखूण | Page 7

कितीदा तुज पाहुनी मन माझे झुरावे
कधी तुला गुज माझ्या मनीचे कळावे
का तु समोर येता ओठ माझे मिटावे
का मुखातून माझ्या शब्द ही न फुटावे
का प्रितीच्या फुलाने आपल्या न फुलावे
का फुलण्या आधीच ते कोमेजून जावे
स्वप्नांत अलगद जशी येतेस तू अवचित
आयुष्यात ही माझ्या तू का न तसेच यावे
कितीदा तुझ्या आठवांचे क्षण येता
का डोळ्यांतून माझ्या आसवांनी झरावे
प्रेमात तुझ्या मिळाले फक्त दुःख पदरी
का तरीही मी वेदनेस या बिलगून राहावे

गुरुवार १८/७/२०२४ , ११:०६ PM
अजय सरदेसाई (मेघ)

विषय:

साहित्य

काव्यलेखन

शब्दखुणा:

झुरावे

प्

आठवती...

Submitted by अनन्त्_यात्री on 17 July, 2024 - 12:49

आठवती ओले पायठसे
मृद्गंध भारली सांज
नभी मेघमृदंगा साथ करी
रिमझिमती पाऊसझांज

नभ तोलून धरल्या क्षितिजाला
झगमगत दुभंगे वीज
ढग पापण्यात दडण्याआधी
अनिमिष जागतसे नीज

सृजनाची हिरवी हाक जरी
भवतालातून दुमदुमते
ओथंबून येता नभ अवघे
अवचितसे दाटून येते

विषय:

काव्यलेखन

मायबाप माझा, विठू हरी

Submitted by कविन on 17 July, 2024 - 11:14

सावळ्या विठूची, प्रीतही सावळी
धरीतो सावली, पित्यापरी

दीपस्तंभापरी, वाट दाखवाया
उभा राही विठू, विटेवरी

लेकराची चूक, पोटात घेऊन
चाले सोबतीने, वाटेवरी

शांतावते मन, पाहून सावळ्या
मायबाप माझा, विठू हरी

विषय:

काव्यलेखन

मायबोली

तू सोबत हवी होतीस

Submitted by अभिषेक_ on 16 July, 2024 - 12:08

मरगटलेला वृक्ष होतो मी
तू चैत्राची पालवी होतीस
आज पुन्हा एकटाच मी
तू सोबत हवी होतीस..

पाणी नव्हते घोटभर जिथे
तू पावसाची धार होतीस,
दुःखाच्या पुरात बुडताना
तूच माझा आधार होतीस,
दुःखात जीवन कंठत होतो
तू सुखाची चावी होतीस,
आज पून्हा एकटाच मी
तू सोबत हवी होतीस..

वाट चूकलेला वाटसरू मी
तूच माझी दिशा होतीस,
वाट तापली उन्हानं तेव्हा;
तू थंडगार निशा होतीस,
जूनाटलेल्या मनास माझ्या
तू झळाळी नवी होतीस,
आज पुन्हा एकटाच मी
तू सोबत हवी होतीस...

विषय:

काव्यलेखन

शब्दखुणा:

#कविता