लेखन

उपक्रम २ - एकारंभ अनंत अर्थम् – भक्त – शर्मिला र.

बाकीचे अजून आले नव्हते. गाडी यायला तसा वेळच होता. तेवढ्यात त्याचे लक्ष तिच्याकडे गेले....."
ती त्याच्या दिशेनेच येत होती.
“आकांक्षा इथे?” मनात कुठेतरी दिलासाही वाटला त्याला.
“खरच जाणार तू..” तिने विचारले.
“हो.. म्हणजे.. तसं ठरलंय नं आता?” तो जरा चाचरला.
“मनापासून..?”
त्याच्याकडे उत्तर नव्हतं.

बाकीचे अजून आले नव्हते. गाडी यायला तसा वेळच होता. तेवढ्यात त्याचे लक्ष तिच्याकडे गेले.....

ही तीच आहे नं, जी दहावीत असताना आपल्या शुद्धलेखनाच्या चुका काढायची. आता मायबोलीवर लिहिते म्हणे. बोलू का हिला का इथेही 'वाचनमात्र' राहू.

बाकीचे अजून आले नव्हते. गाडी यायला तसा वेळच होता. तेवढ्यात त्याचे लक्ष तिच्याकडे गेले.....

तो मान वळवणार तितक्यातच तिनेही त्याच्याकडे पाहीले…. नजरेला नजर भिडली….. तिने एका नजरेत त्याच्या डोळ्यातले भाव वाचले… तिला त्याचयवेळेस कळून चुकले की ती ज्या क्षणांची ईतकी वर्षे वाट पहात होती तो क्षण आज आला आहे….

त्याने हळूच प्लॅटफॅार्मच्या ज्या बाजूला कोणी नसते त्या दिशेला चालायला सुरुवात केली. एक अनामिक सुखद लहर तिच्या अंगात फिरली. ती लगोलग त्याच्या मागोमाग चालायला लागली…..

युगानुयुगे

बाकीचे अजून आले नव्हते. गाडी यायला तसा वेळच होता. तेवढ्यात त्याचे लक्ष तिच्याकडे गेले.....

शून्यात बघत बसलेली ती... सावळा वर्ण.. लांबसडक मोकळे केस.. साधीशी साडी..
तिच्यात त्याला काहीतरी ओळखीचे वाटले. तो तिच्यासमोर गेला.

“तू.. तुम्ही..”
“मी पांचाली.” तिच्या डोळ्यात अपरंपार वेदना होती.
“पांचाली..? म्हणजे.. ?” हेच ओळखीचं वाटतंय का?.. त्याने अविश्वासाने तिच्याकडे बघितले.
“तीच..ती.. अनंतकाळापासून असलेली.. मला मरण नाही .. ” डोळ्यातील वेदना तिच्या आवाजातही होती.
“कसं शक्य आहे..?”

बाकीचे अजून आले नव्हते. गाडी यायला तसा वेळच होता. तेवढ्यात त्याचे लक्ष तिच्याकडे गेले...

ती आजही कॅालेजला असताना दिसायची तशीच अगदी सुंदर दिसत होती….. पण आता गळ्यात मंगळसुत्र होतं. चेहऱ्यावरच्या चकाकी लग्न मानवल्याची साक्ष देत होती.

क्षणात त्याच्या डोळ्यासमोरून कॅालेजचे ते जादुई दिवस तरळून गेले. सोबत फिरणं, हॅाटेलिंग, शॅापिंग….. नंतर आपल्याशी ब्रेक अप झाल्यावर तिने केलेलं ॲरेंज मॅरेज…..

जाऊ दे… गेले ते दिवस…

चला, बाकीचे येतील तेव्हा येतील, आपला चहा झाला, आपण कशाल ऊगाच वेळ वाया घायवायचा……

स्थळ!

बाकीचे अजून आले नव्हते गाडी यायला तसा वेळच होता. तेवढ्यात त्याचं लक्ष तिच्याकडे गेलं..

साडेसातची लोकल..
डोळ्यात राग उतरला..
कॉलेजला जाताना नेहमी पहायचा तो तिला. एकंदरच तिचं डॅशिंग व्यक्तिमत्व आवडायचं त्याला.
एकदा गर्दितून वाट काढताना नकळत त्याचा धक्का लागला. पण तिने परतून त्याच्या नाकावर जबरदस्त ठोशा मारला आणि पळाली.
तो धावला मागे. पण गायबच झाली. आणि आज पाच वर्षांनी दिसली. वाटलं जावं..

वेड!

बाकीचे अजून आले नव्हते गाडी यायला तसा वेळच होता.
तेवढ्यात त्याचं लक्ष तिच्याकडे गेलं..

ती त्याच्या ऑफिसमधली मधु होती.
मधु नावाप्रमाणेच गोड होती.
कितीजण भिरभिरायचे तिच्याभोवती..

पण शेजारी फिरोज आला आणि ती त्याच्याभोवती भिरभिरायला लागली.

एक दिवस अचानक फिरोज ऑफिस सोडून गेला आणि मधुला ऑफिसमध्येच वेडाचा झटका आला.
ती फिरोजलाच विचारत होती.
मैत्रिणींनी कसंबसं घरी पोहोचवलं.
नंतर ती ऑफिसला आलीच नाही.
तिचा राजीनामा आला.

या गोष्टीला आठेक वर्ष झाली असतील.

उपक्रम २ - एकारंभ अनंत अर्थम् - तिचं आयुष्य तेवढंच - बिपीन सांगळे

स्त्री असणं म्हणजे... आपल्याच मालकीच्या घरात आपल्याला काडीची प्रायव्हसी नसणं
स्त्री असणं म्हणजे... आपण एक बारीक भांडं आणि एक चमचा एवढंच वापरून जेवण बनवलं तरी 'किती पसारा केलाय' अशी टेप ऐकणं
स्त्री असणं म्हणजे... ती गाडी घेऊन बाहेर गेली म्हणजे आपण काळजीने व्याकूळ होणं.......गाडीच्या
स्त्री असणं म्हणजे... सहा वाजताच्या फंक्शनसाठी आपण साडेपाचला तयार होऊनसुद्धा फायनली साडेआठला निघणं
स्त्री असणं म्हणजे... आपल्या बेडरूममधले यच्चयावत डिटेल्स आपल्या सासूला माहित असणं
स्त्री असणं म्हणजे... सिंगल तरुणाहून जास्त 'ब्रह्मचर्य' भोगणं

" बाकीचे अजून आले नव्हते. गाडी यायला तसा वेळच होता. तेवढ्यात त्याचे लक्ष तिच्याकडे गेले....."
कपाळावर ठसठशीत कुंकू, सुरकुतलेला, तेजस्वी आणि मायाळू चेहरा, विरलेले नऊवारी पातळ, बाजूला शेरडं, वासरं, लहान मुलं, पुढे करवंदाचे द्रोण.
"कितीला मावशे?" -
"दे समजून उमजून" -
"बरं! हे घे २००, चार द्रोण दे"
"देवीला जणू?"-म्हातारी
"होय आमचं कुलदैवत आहे." - तो
"जपून जा तीघं. बस आली जा बिगीबिगी. सांभाळून ग पोरी." - म्हातारी
बसमध्ये –
"तीघं????" - तो चक्रावलेला.