तत्त्वज्ञान

यशाची उमेद

यशासाठी प्रयत्न असतात
अपयशानं हरायचं नसतं
प्रयत्नापासुन दूर कधीच
अपयशानं सरायचं नसतं

मिळालंच अपयश तरी
मनी नाराजी मिरवु नये
प्रयत्नांती यश मिळतंच
आपली उमेद हरवू नये

विशाल मस्के
सौताडा, पाटोदा, बीड.
मो.९७३०५७३७८३

संयम,...

कसं वागावं,कसं बोलावं
याच्याही पध्दती असतात
कुणाच्या वागण्या-बोलण्यात
सर्रास गुण उध्दटी असतात

मात्र "अति तिथे माती" हा
सर्वमान्य नियम असतो
सहनशिलतेच्या परिसीमेतच
प्रत्येकाचा संयम असतो

विशाल मस्के
सौताडा, पाटोदा, बीड.
मो.९७३०५७३७८३

छूप्या कँमेर्‍याचे सत्य,..!

कुणा-कुणाच्या नैतिकतेत
नको तितकी खोट असते
त्यांच्यामुळेच माणूसकीला
पून्हा-पून्हा गाल-बोट असते

जणू अनैतिकतेच्या परामर्शाने
विचारच त्यांचे नासवलेले असतात
म्हणूनच महा-कोडगांच्या औलादींनी
कुठे छूपे कँमेरे बसवलेले असतात,..

विशाल मस्के
सौताडा, पाटोदा, बीड.
मो.९७३०५७३७८३

कायद्याचा धाक,...

निवडणूका म्हटलं की
कुणाचा तोल जाऊ शकतो
कधी प्रचारातुन आचाराचा
संहिता भंगही होऊ शकतो

मात्र प्रसंगावधान बाळगत
वर्तनुकीत ना बाक पाहिजे
कायदा आणि सुव्यवस्थेसाठी
कायद्याचाही धाक पाहिजे

विशाल मस्के
सौताडा, पाटोदा, बीड.
मो.९७३०५७३७८३

काढून टाकले काढून टाकले काढून टाकले काढून टाकले काढून टाकले काढून टाकले काढून टाकले

सन्मान,...

चांगले काम करण्याच्या
प्रत्येकाला संधी असतात
अन् प्रत्येकाच्या कार्याच्या
इथे सर्व नोंदी असतात

त्यांच्या सत्कार्याचा भाग
देशाचीही शान होतो
अन् प्रत्येकाच्या सत्कार्याचा
सन्मानानं सन्मान होतो

विशाल मस्के
सौताडा, पाटोदा, बीड.
मो.९७३०५७३७८३

निवडणूकातील निवडचुका

निवडणूका म्हटलं की
कुणाला धास्ती असते
तर कुणा-कुणाला इथे
हर्षभरित मस्ती असते

मात्र फिरवायच्या म्हणून
आता वारंवार फिरवू नयेत
निवडणूकातील निवडचुका
पुन्हा-पुन्हा गिरवू नयेत

विशाल मस्के
सौताडा, पाटोदा, बीड.
मो.९७३०५७३७८३

तुम्ही दु:खात आणि ताणतणावात असाल तर शक्यतो कुणाला सांगू नका. कारण दु:खावर खरी सहानुभूती देणारे तुम्हाला भेटणार नाहीत किंवा खूपच कमी भेटतील. उलट तुम्ही दु:खी मन:स्थितीत किंवा समस्यांनी वेढलेले आहात हे पाहून तुम्हाला आणखी त्रास देण्याचा प्रयत्न जरूर होईल. त्या मन:स्थितीचा फायदा घेतला जाईल. उदाहरण द्यायचे झाले तर आधीच चोळामोळा झालेला कागद रस्त्यावर पडलेला असला तर त्याला आणखी पायाखाली दाबून किंवा आणखी चोळामोळा करणारे आणि समुद्रात फेकून देणारे लोक जास्त असतील.

आरक्षणाचा विचार,...

आरक्षणाच्या बाबतीत
हलगर्जीपणा नसावा
विकासाच्या वाटेवरून
कुणी सुध्दा उणा नसावा

उगीच विचार करू म्हणत
टाळा-टाळीचा प्रकार नसावा
आता आरक्षणाच्या मागणीचा
विचारपुर्वक विचार असावा

विशाल मस्के
सौताडा, पाटोदा, बीड.
मो.९७३०५७३७८३

हे जग निसर्गनियमानुसार चालते. म्हणजे जे पेरले ते उगवते. तसेच पुन्हा पुन्हा पेरले की पुन्हा पुन्हा उगवते. त्या नियमानुसार कोणतीही गोष्ट करण्यासाठी कधीही वेळ "निघून गेलेली" नसते. वेळ/काळ परत परत येत राहतो. जीवन आपल्याला पुन्हा पुन्हा संधी देत असते. ती आपल्याला फक्त दिसली पाहिजे. जीवनाकडे सकारात्मक दृष्ट्या पाहिल्यास काहीही अशक्य नसते. प्रयत्न करीत राहावे आणि फळ निसर्गावर सोडून द्यावे. चांगल्या गोष्टी पेरत जाव्या. निसर्ग नियमानुसार फळ मिळतेच. चांगल्या कर्माचे फळ चांगले मिळते आणि वाईट कर्माचे फळ वाईट मिळते. चांगले कर्म करा आणि चांगल्या फळाची अपेक्षा जरूर करा.