तत्त्वज्ञान

विचार-सरणी

गुन्हेगाराच्या गुन्हेगारीवर
सगळेच तोशेरे ओढतात
तर त्याच्या सांत्वनालाही
कधी-कधी बसेरे वाढतात

केल्या कर्माच्या मोबदल्याला
जैसी करणी-वैसी भरणी असते
मात्र प्रत्येक गोष्टीच्या पाहण्याला
वेग-वेगळी विचारसरणी असते

विशाल मस्के
सौताडा,पाटोदा,बीड.
मो.९७३०५७३७८३

कायद्याच्या कचाट्यात

माणसांसाठीच माणसांनी
बनवलेला कायदा असतो
माणसांच्या या कायद्याचा
माणसांनाच फायदा असतो

त्यांना शिक्षा तर होणारच
जे अपराधांत ओले आहेत
कारण कायद्याच्या कचाट्यात
भले-भले ना भले आहेत

विशाल मस्के
सौताडा,पाटोदा,बीड.
मो.९७३०५७३७८३

ना हिट,ना रन

बोला कीतीही खोटे कुणीही
सत्यापुढे ते ना भावते आहे
सांगा असत्य टिकेलच कसे
इथे "सत्यमेव जयते" आहे

कुणी ना थोरले,ना कुणी बारके
सर्वांसाठीच कायदा सम आहे
असुद्या कितीही "हिट" कुणीही
कायद्यापुढे ना त्याची "रन" आहे

विशाल मस्के
सौताडा,पाटोदा,बीड.
मो.९७३०५७३७८३

महापुरूषांचे विचार,...

इतिहासाचे पाठबळ घेऊन
वर्तमानात चालावं वाटतं
आपलं कार्यही कुणाला
इतिहासाशी तोलावं वाटतं

महापुरुषांच्या जाती घेऊन
हल्ली तर सारेच नाचतात
मात्र महापुरूषांचे विचार हे
आत्मसात करावे लागतात

विशाल मस्के
सौताडा,पाटोदा,बीड.
मो.९७३०५७३७८३

परिवर्तनाची बोंबा-बोंब

ठराविक-ठराविक वेळेला
ठराविक-ठराविक धडे असतात
सांगणारे सगळेच असले तरीही
आत्मसात करणारे थोडे असतात

सामाजिक परिवर्तनाच्या नावाखाली
कुठे बाजारीकरणाचाच जश्न आहे
परिवर्तन तर सर्वांनाच हवं आहे
मात्र करायचं कुणी हा प्रश्न आहे,...!

विशाल मस्के
सौताडा,पाटोदा,बीड.
मो.९७३०५७३७८३

माझ्या वडिलांनी बरेच अभंग लिहून छोटे पुस्तक छापले आहे. त्या पैकी काही इथे देत आहे .

१. भेटीची आस मोठी जिवाला !
कधी भेटीशी पांडुरंगा मला !!१!!
रात्रंदिवस जीव तळमळत आहे !
काही केल्या अुगी न राहे !! २! !
काय वृत करु कोणती साधने !
मन स्थिरावेल काय ती विधाने ! ! ३! !
संकल्प केला सिद्धि न जाये !
मनासारखे काही न होये ! ! ४! !
अंतःकरणातुनी पाचारीतो तूला !
लवकरी येई बा विठ्ठला ! ! ५! !
विठ्ठल दासा लागली तळमळ !
पांडुरंग भेटला गेली मळमळ ! ! ६!!

२. पूर्ण माझे मनोरथ झाले ! कामही सिद्धि गेले ! ! १! !
जे जे द्रुष्टी पड़े ! ते ते दिसे राम रुपडे ! ! २! !

यशाची उमेद

यशासाठी प्रयत्न असतात
अपयशानं हरायचं नसतं
प्रयत्नापासुन दूर कधीच
अपयशानं सरायचं नसतं

मिळालंच अपयश तरी
मनी नाराजी मिरवु नये
प्रयत्नांती यश मिळतंच
आपली उमेद हरवू नये

विशाल मस्के
सौताडा, पाटोदा, बीड.
मो.९७३०५७३७८३

संयम,...

कसं वागावं,कसं बोलावं
याच्याही पध्दती असतात
कुणाच्या वागण्या-बोलण्यात
सर्रास गुण उध्दटी असतात

मात्र "अति तिथे माती" हा
सर्वमान्य नियम असतो
सहनशिलतेच्या परिसीमेतच
प्रत्येकाचा संयम असतो

विशाल मस्के
सौताडा, पाटोदा, बीड.
मो.९७३०५७३७८३

छूप्या कँमेर्‍याचे सत्य,..!

कुणा-कुणाच्या नैतिकतेत
नको तितकी खोट असते
त्यांच्यामुळेच माणूसकीला
पून्हा-पून्हा गाल-बोट असते

जणू अनैतिकतेच्या परामर्शाने
विचारच त्यांचे नासवलेले असतात
म्हणूनच महा-कोडगांच्या औलादींनी
कुठे छूपे कँमेरे बसवलेले असतात,..

विशाल मस्के
सौताडा, पाटोदा, बीड.
मो.९७३०५७३७८३

कायद्याचा धाक,...

निवडणूका म्हटलं की
कुणाचा तोल जाऊ शकतो
कधी प्रचारातुन आचाराचा
संहिता भंगही होऊ शकतो

मात्र प्रसंगावधान बाळगत
वर्तनुकीत ना बाक पाहिजे
कायदा आणि सुव्यवस्थेसाठी
कायद्याचाही धाक पाहिजे

विशाल मस्के
सौताडा, पाटोदा, बीड.
मो.९७३०५७३७८३