साहित्य

भाग २८ - https://www.maayboli.com/node/78213

दगा..!!
_________________________________________

हक्क सांगू..............

पावसावर हक्क सांगू की ढगावर हक्क सांगू ?
की उन्हाने जाळलेल्या वावरावर हक्क सांगू ?

ती मला बस् दे म्हणाली आणि मी देऊन बसलो
मी कसा आता स्वतःच्या काळजावर हक्क सांगू ?

पाहिजे आहेत तितके मोगरे आहेत भवती
मी कशाला रातराणीच्या फुलावर हक्क सांगू ?

धर्म, जाती, पंथ, भाषा यातल्या मिटवू दऱ्या अन्
शक्य झाले तर नव्याने माणसावर हक्क सांगू

लागली शर्यत कधी तर प्रश्न पडतो एक हा की
कासवावर हक्क सांगू की सशावर हक्क सांगू ?

भाग २७

https://www.maayboli.com/node/78162#new

माय मराठी

मराठी लळे लाविले माय ऐसे
मनाच्या तळी प्रेम धारा विशेषे
स्वये ज्ञानियाचे कृपादान जेथे
तुकाराम बोले विठू डोलविते

वीरा शाहिरीने रणा जागविले
जिथे लावणीने मना मोहविले
विविधा कळा नाटके नौरसीची
गुणा खाणिया व्यापी या जीवनाची

बहु थोर सारस्वता जन्मदात्री
विशेषे गुणे डोलते या धरीत्री
असे रांगडी माय सह्याद्रिकाची
विदर्भा तशी मोकळी मन्मनाची

किती स्वैरता धावता चौदिशांसी
प्रवाही गुणे भूषवी सर्व देशी
मना रंजवी ओवी बहिणा विशेषी
वरी सार ते दाविते जीवनासी

सुरक्षामंत्र

ऐक मानवा सांगतो मंत्र
जगण्याचे हे नवीन तंत्र
जीव सलामत, स्वप्न हजार
ठेव ध्यानी न होता बेजार

सत्य बोलणे टाकून द्यावे
गोड बोलणे तोंडी बाणावे
स्पष्ट बोलणे, उगाच ताण
मुखी त्यापरीस कुलूप छान

समाज माध्यमी लढू नये
उगाच भानगडीत पडू नये
रोष कुणाचा कधी घेऊ नये
अरिष्टां आमंत्रण देऊ नये

मुख कान डोळे बंद करावे
सरळ रस्ता कापित जावे
आपली मते आपल्यापाशी
बोलाल तर अद्दल खाशी!

मोगरा

बागबगीचा आठवणींचा
मनात जेव्हा फुलून येतो
मादक गंध प्रेमफुलांचा
दाही दिशांना दरवळतो

जाई जुई चंपा चमेली
गुलाब ही बागेत फुलतो
मनात माझ्या परि एकटा
गंध मोगऱ्याचा दरवळतो

रंगरूपाचा नाही तोरा
सर्वांगी परि शुभ्र गोरा
नाजूकसाजूक सुगंधित
मोगरा मज प्यारा प्यारा

मोगरफुला, मोगरफुला
स्वप्नी तुज बांधीन झुला
पापण्यांच्या झुल्यावरी
आनंदाने झुलविन तुला

नयनी तुज साठवीन फुला
रुजविन तुला माझ्या मना
आठवणींची बाग माझी
दरवळेल ना तुझ्याविना

प्रेमेच्छुकांना प्रेमदिनानिमित्त प्रेमपूर्वक-

हेच तर प्रेम नाही!

"तुझे डोळे खूप सुंदर आहेत."
"आय नो!" ती हसली.
"आणि तुसुद्धा..."
"येस हेही मला माहितीये."
"मग नवीन काय सांगू आज?" तो शांतपणे म्हणाला.
"काहीही"
"तुला रिलेशनशिपमध्ये असणं जरुरी आहे?"
"पाच वर्षे झालीत रे आता. त्याच्याशिवाय नाही जाऊ शकत दुसरीकडे."
"कळतंय पण वळत नाही असं झालंय माझं.
आणि मलाही कळतंय, तुझं माझ्यावर प्रेम आहे, पण मलाही एक चांगला मित्र सोडवत नाही."
"कधीकधी वैताग येतो ग, फक्त मित्र बनून राहण्याचा. असं वाटत, माझ्यातच काही कमी आहे."
"नाही वेड्या. उलट, कुठलीही मुलगी तुझ्यावर जीव तोडून प्रेम करेन."

पुन्हा जगायला मिळालं तर?