Submitted by महेश मोरे स्वच्छंदी on 28 February, 2021 - 00:31
हक्क सांगू..............
पावसावर हक्क सांगू की ढगावर हक्क सांगू ?
की उन्हाने जाळलेल्या वावरावर हक्क सांगू ?
ती मला बस् दे म्हणाली आणि मी देऊन बसलो
मी कसा आता स्वतःच्या काळजावर हक्क सांगू ?
पाहिजे आहेत तितके मोगरे आहेत भवती
मी कशाला रातराणीच्या फुलावर हक्क सांगू ?
धर्म, जाती, पंथ, भाषा यातल्या मिटवू दऱ्या अन्
शक्य झाले तर नव्याने माणसावर हक्क सांगू
लागली शर्यत कधी तर प्रश्न पडतो एक हा की
कासवावर हक्क सांगू की सशावर हक्क सांगू ?
देह नावाच्या घराचा एकटा भाडेकरू मी
एवढी औकात नाही की घरावर हक्क सांगू
©®- महेश मोरे (स्वच्छंदी), सातारा
9579081342
Groups audience:
Group content visibility:
Public - accessible to all site users
शेअर करा
