मोठ्ठी मोठ्ठी घरं, सारवलेलं अंगण आणि त्यावरची सुबकशी रांगोळी.. यथावकाश घरं आटोपशीर झाली, अंगणं हरवली, रांगोळीही काढण्या ऐवजी चिकटवता यायला लागली... पण रांगोळीची सुबकता कधीच कमी झाली नाही.
याच सुबकतेला माबोकरांसमोर मांडा आणि खेळा खेळ झब्बू रांगोळींचे.
नेमकं करायचंय काय? तर तुम्ही काढलेल्या, पाहिलेल्या,प्रसंगी बनवलेल्या देखील रांगोळींचे फोटोज इथे टाकायचेत आणि एकमेकांना झब्बू द्यायचेत.
हे लक्षात ठेवा :
१.फोटो ओरिजनल हवा, एडिट केलेला किंवा कोलाज नको.
२. ही स्पर्धा नाही. हा खेळ आहे.
पांढरा शुभ्र मोगरा असो वा लाल टपोरा गुलाब, फुलांकडे ना स्वतःचच एक सौंदर्य असतं...नुसत्या दर्शनाने मन सुखावाण्याची कला कोणाकडे असेल तर ती फुलांकडे...प्रत्यक्षात पहा किंवा प्रचिंमध्ये त्यांच सौंदर्य जराही कमी होतं नाही.
तुम्हाला हेच करायचय... फुलांच्या झब्बूंचे हार ओवायचेत...
हे लक्षात ठेवा :
१.प्रचि सोबत फुलाचं बोलीभाषेतील नाव आणि वैज्ञानिक नाव ही लिहायचय. माहीत नसल्यास माहीत नाही असा उल्लेख करावा, इतर खेळाडूही अशा फुलाचे बोलीभाषेतील आणि वैज्ञानिक नाव माहीत असेल तर सांगू शकतात
१. ही स्पर्धा नाही. हा खेळ आहे.
एस टी वाय म्हणजे स्पिन द यार्न!
धागा गुंडाळा.
थोडक्यात,एक सुरूवात देऊन मग बाकीच्यांनी आपापल्या कल्पनाशक्तीने एखादी गोष्ट थोडी थोडी पुरी करावी.
एकेक सीन देत.
लेखकः कवठीचाफा
कथा: सेव्ह द अर्थ
साल : ३०२२
स्थळ : सर्व्हाइवल आयलंड
गणपती बाप्पा मोरया!
"आमचा विन्या ना,गणेशचतुर्थीचा हो, म्हणून तर चांगलं विनायक नाव ठेवलंय"
"ह्या घराचं डील बघा, गणपतीच्या मुहूर्तावर झालंय. अगदी भाग्याचं ठरलंय हे आम्हाला"
"ती हो म्हणावी असा नवस केला होता, उत्सवाच्या मिरवणूकीतच होकार मिळाला"
"हा व्हाईट माऊस ना, मुलांनीच आणला मागच्या गणपतीत, आता गणपतीच्या दिवसांत उंदीरमामा नको कसे म्हणणार?"
या आणि अशा काही मनस्पर्शी, चटकदार किंबा मजेशीर गणपतीच्या दिवसांच्या आठवणी तुमच्याकडे असतील तर मायबोलीकरांना कळू द्या.
"सकाळी सकाळी पूजा, स्वयंपाक करून ऑफिसला जा म्हणतात? कसं जमणार? कोण समजावणार साबांना?"
"दहा कामं एका वेळेस करायला मी काय मशिन आहे? पण बॉसला कोण सांगणार?"
"मी शाळेत असताना कित्ती मारकुट्या होत्या या बाई! शाळा म्हणलं की काटा यायचा यांच्यामुळे! कोणी तरी सांगायला हवं यांना!"
कित्ती काही सांगायचंय
या हृदयीचं त्या हृदयी पोहचवायचंय
मनात साठलंय बरंच काही,
त्यांच्यापर्यंत नेणार नाही?
आलीय बरं का संधी नामी
मन करा हलकं, भार होईल कमी
गणेशोत्सव तर निमित्तमात्र
गणपती बाप्पा मोरया!
चला, आपला आवडता चारोळ्यांचा खेळ खेळूया!!
मात्र त्या आधी जरा नियमही समजून घेऊया!!! 
१. आधीच्या चारोळीतल्या शेवटच्या ओळीतला एक शब्द घेऊन नवी चारोळी रचायची आहे
२. तुम्ही घेतलेला शब्द तुमच्या चारोळीतल्या पहिल्या ओळीत यायला हवा.
३. केवळ स्वरचित चारोळ्या लिहाव्या.
४. एकाचवेळी दोन एंट्र्या झाल्यास पाहिजे ती एंट्री पकडून पुढे खेळ चालू ठेवता येईल.
उदाहरणादाखलं खालील चारोळ्या पहा -
तुझी ओळ माझी ओळ
ओळीत ओळ गुंफू या
भेंडी चढण्या आधीच
रंग! मोहकतेचं सुदरं रूप, आणि अशा मोहकतेला कमानीत बांधणारं इंद्रधनुष्य म्हणजे विधात्याने केलेली सुरेखशी आरास. हीच आरास वापरूया, चला खेळ खेळूया....
कुठला खेळ म्हणून काय विचारता.. तोच आपला तुपला लाडका झब्बूचा खेळ!
हे लक्षात ठेवा :
१. तुम्हाला अशी चित्र टाकायची आहेत ज्या मध्ये इंद्रधनुष्यातले सगळे रंग कव्हर झाले असतील.नुसत्या इंद्रधनुष्याचा फोटो किंवा फोटोतलं इंद्रधनुष्य चालणार नाही.
२.फोटो ओरिजनल हवा, एडीट केलेला किंवा कोलाज नको.
३. ही स्पर्धा नाही. हा खेळ आहे.
४. ह्या खेळात सहभागी होण्यासाठी आपल्याला 'मायबोली गणेशोत्सव २०१३' ह्या ग्रूपचे सभासद असणे गरजेचे आहे.
मायबोलीकर अवल, म्हणजेच आरती खोपकर सादर करतेय तिने स्वतः क्रोशाने विणलेला गणपतीबाप्पा, त्याचा उंदीर आणि मोदक. सोबतच तिचा ह्या विणकामाला प्रेरणा देणारा रोचक प्रवासही तिने लेखस्वरुपात दिला आहे.
----------------------------------------------------------------------------------------------
सकल कलांचा तू अधिनायक ...गणपतीचे किती समर्पक वर्णन ! या कलांच्या अभिनायकाला त्याच्याच रुपात साकार करण्याचा हा माझा छोटासा प्रयत्न .
१) ही स्पर्धा नाही, उपक्रम आहे. वयोगट - ६ ते १५
२) उपक्रमात आपल्या पालकांच्या आय डी नेच भाग घ्यायचा आहे.
३) हा उपक्रम फक्त मायबोलीकरांच्या मुलामुलींकरता आहे.
४) पत्र मुलांच्याच हस्ताक्षरात असावे.ते पत्र पालकांनी scan करून किंवा फोटो काढून sanyojak@maayboli.com या इ-मेल आयडी वर पाठवायचं आहे.
५) पत्र मराठी भाषेतच लिहिलेले हवे. पालकांनी मुलांकडून पत्र गिरवून घेतले तरी चालेल.
६) पालकांनी मुलांना मार्गदर्शन करावे पण मुख्य विचार व शब्द मुलांचेच असावेत.
छोटुकल्यांच्या पालकांनो, आधीचं चित्र बदलून छोट्या दोस्तांसाठी खास मोठ्या आकाराचा बाप्पा बनवला आहे, त्यांना रंगवायला सोपं जावं म्हणून. हा डिजे बाप्पा...गाण्यावर नाचतोय. त्याला आपण आपल्या "रंगी" नाचवूयात. म्हणजेच रंगवूयात, म्हणून तर गणराज ‘’रंगी’’ नाचतो . चला तर मग...करा सुरुवात!
१) हा छोट्या दोस्तांसाठीचा उपक्रम आहे, स्पर्धा नाही.
२) हा कार्यक्रम फक्त मायबोलीकरांच्या मुलामुलींकरता आहे.
३) कार्यक्रमात आपल्या पालकांच्या आय डी नेच भाग घ्यायचा आहे.
४) वयोगट - ४-१० चित्रं रंगवा.
