aschig यांचे रंगीबेरंगी पान

२०१२ च्या उपक्रमच्या दिवाळी अंकात प्रसिद्ध झालेला माझा लेखः http://diwali.upakram.org/node/191

ओध्येमठाची निर्मिती आणि मराठी बाण

'मराठीमध्ये काही राम राहिलेला नाही' असे बरेचदा ऐकायला मिळते. मराठीचा प्रसार व्हायला हवा, मराठी जिवंत रहायला हवी वगैरे पण. हा जीव वेगवेगळे लोक मराठीत वेगवेगळ्या प्रकारे ओतू पाहतात. मराठी बाण्याची गरज का आहे, याबद्दल मतभेद आहेत. पण ती गरज आहे यावर मराठी न वापरणार्‍या लोकांचे सोडून इतरांचे एकमत आहे. आमच्या मते, मराठीकडे होतकरूंना आकर्षित करण्याकरता कसरती वापरायला हव्या (अर्थात शाब्दिक). शब्दखेळच नव्हे तर आवश्यकता भासल्यास (आणि ती आहेच) शब्दच्छलही योजावा.

फेसबूक ईस्टाईल काही दुवे द्यायचा विचार आहे - भारतियांशी किंवा भारताशी संलग्न.
त्यावर अधीक विचार लिहायला आवडतील. वेळेअभावी कसे/किती जमेल ते पाहुया.

कोणीतरी मध्यंतरी एक आकडा दिला. तिथे गेलो तर सांगीतलेला विषय नव्हता. ऐकण्यात चूक झाली असावी म्हणून आजुबाजूचे आकडे धुंडाळले. शेवटी एकदाचे हवे ते गवसले. पण ध्येया पर्यंतचा प्रवासही अल्हाददायक होता (मनोरंजक असे वाचावे).

या कसरतीमुळे मायबोलीवर दोन परस्परविरोधी अत्यावश्यक फिचर्स नाहीत हे जाणवले. ते प्रशाशनाच्या निदर्शनास आणून देण्याकरता केलेला हा खटाटोप.

(१) पुढील आकडा, मागील आकडा अशी बटणे प्रत्ये पानावर असावीत म्हणजे हरवलेल्यांचा प्रवास सुकर होईल
(२) रॅण्डम आकडा असे एक बटण असावे. ज्यांना मायबोलीचे वैविध्य चाखायचे आहे अशांना मदत होईल

बनवले मीच असे एक "बटण":

योग्य जागा न सापडल्याने रंगीबेरंगी मधे लिहीतो आहे. अनेकदा शिक्षणाच्या बाबतीत गैरसमजुती असतात. उदा. स्मरणशक्ती वाढवायला हे करा, किंवा वैविध्यता आणायची असेल तर फलाना गोष्टींपासुन दूर रहा वगैरे. बहुतांश वेळी अशा गोष्टी ऐकीव असतात आणि त्या खर्‍या असतीलच याची काही खात्री देता येत नाही.

(१) एका अमेरीकन माणसाने मुहम्मदवर एक चित्रपट काढला. त्यात मुसलमानांच्या दृष्टीने अतिशय हीन प्रकारे मुहम्मदचे चित्र उभे केले गेले.
(२) गुगलने यु ट्युब वरील त्या चित्रपटाचे भाग काढुन टाकण्यास नकार दिला.

(३) त्या चित्रपटामुळे अनेक मुस्लीम देशांमधे निदर्शने झाली. काश्मीरमधे पण. या निदर्शनांमधुन, खासकरुन त्यात जेंव्हा जाळपोळादि प्रकार होतात, तेंव्हा ती नेमकी कुणाविरुद्ध असतात आणि ते नुकसान त्यांच्यापर्यंत कसं पोचतं हा प्रश्न मला नेहमीच पडतो.

असिम त्रिवेदीवर झालेला हल्ला आपल्या सर्वांवरच झाला आहे. त्याच्या व्यंग्यचित्रांच्या प्रती नेट वर आहेतच, पण त्याला समर्थन दर्शविण्याकरता इतरही अनेक व्यंग्यचित्रंकार पुढे येताहेत.

१९७६ मध्ये अशीच मुस्कटदाबी सुरु होती. सध्या India after Gandhi चा आणिबाणीचा भाग वाचतो आहे. कार्टुनिस्ट शंकर पिल्लईचं तेंव्हाचं वाक्य आहे: 'Dictatorships cannot afford laughter. In all the years of Hitler, there was never a good comedy, not a good cartoon, not a parody, or a spoof'.

अजुन बरंच लिहायला हवं, लिहायचं आहे, ... लवकरच.

13 Oct 2012 LAMAL
विषय: गरज

जरग - जनण्याची, रमण्याची, गमण्याची

गरगरीत वाढे जन्मदाते ।
रग बहुत लागे जन्मकाळे ।।
गज आदि हरि रमती ।
जगण्यात सर्व रमती ।।
जर शेवट केवळ गच्छणे ।
रज तम सत्व फुका गणले ।।

क्युरिऑसिटी साधारण १२ तासांपूर्वी मंगळावर अवतरले. मंगळाचे एक वर्ष कार्य करु शकेल इतपत उर्जा या मंगळाचराला प्लुटोनियम द्वारे उपलब्ध आहे. ताशी ३० मिटर गतीने सरकत, अडीच फुटांपर्यंतचे अडथळे पार करत क्युरिऑसिटी या लाल ग्रहाची माय्क्रोब्सना सहन करण्याची वृत्ती आजमावेल. पण हे विज्ञानाबद्दलच नाही तर अर्थकारणाबद्दलही आहे.

ग्रहांशी माझे (फार)काही देणेघेणे नाही, पण यावर कोणीही काहीही न लिहिलेले पाहून राहवले नाही. म्हणून हा आल्प खटाटोप. सगळीकडे याबद्दल बरेच काही अर्थातच उपलब्ध आहे.

या पुर्वी: विज्ञानिका - ४ (सापेक्षता - काळाची) http://www.maayboli.com/node/35019

(लमाल १६ जून २०१२ ओळख)
आशिष महाबळ

निर्विचारी: मोदी पंतप्रधान झाल्यास ..
अविचारी: मोदीच का?
निर्विचारी: वाक्य तर पूर्ण करु देशील?
अविचारी: बरं, बोल.
निर्विचारी: मोदी पंतप्रधान झाल्यास देशात बरेच बदल होतील.
अविचारी: गुजरातची झाली तशी देशाचीही भरभराट होईल.
निर्विचारी: मी तसं म्हणणार नाही. माझा रोख मोदीच्या हिंदुत्ववादी अजेंड्याकडे आहे.
अविचारी: मोदी केवळ कॅपिटलीस्ट आहे. म्हणूनच हिंदुत्ववादी मोदीच्या विरोधात आहेत. कॅपिटलीझमच भारताला तारु शकेल.
निर्विचारी: अचानक कॅपिटलीझमचे गुणगान? ठिकाय, हिंदुत्ववादी नाही तर मुस्लीमविरोधी मताबद्दल मला बोलायचं आहे.