बालकविता

क्काऽय म्हणू बई बई माझ्या फर्गेट्फुल्नेस्ला
सांगितलंच नाही की मी चाल्ले दुबईला !

बाबा आणि आजोबांचे जॉब्स आहेत जिथं
आई म्हण्ते आपण पण आता र्‍हायला जायचं तिथं

व्हीसा बीसा काय म्हण्तात ते बाबानी काढ्लंय
आणि एरोप्लेनचं त्यांनी तिकीटहि पाठवलंय

मज्जा वाट्ते काहो प्लेनमध्धे बसायला?
माझ्या तर बई पोटात उठलाय हा मोठ्ठा गोळा

म्हणतात, बांधुन ठेवतात आत सीटशी पट्ट्यानी
हात पण काढायचा नस्तो विण्डोबाहेर कुणी

वाटेत भेटला मून तऽर मग शेकहॅण्ड करणार कसा?
कान हालवतानाच दिस्णार काहो तिथ्ला ससा?

कर्जत लोणावळ्यासारखी लाग्तात का हो स्टेशन्स
सॅण्डविच, वडा नि चिक्कीसाठी धरायला लागेल पेशन्स?

http://www.maayboli.com/node/8395 इथुन पुढे चालू..

जय भवानी जय शिवाजी...

कोवळ्या पोरांनी घेतली तलवार हाती
ती निघाली रक्षिण्या आपुल्या देशा..
हर हर महादेव.. हर हर महादेव.. गर्जना
लांधती क्षितीजावरल्या रेषा...

सोनार, चांभार,लोहार, मराठा मिटले सारे भेद
अठरा पगड जातींना लागले स्वराज्याचे वेध

माया ममता सोडुन नाती
रक्ताची आहुती दिली रणा
स्वराज्याचे तोरण बांधले
जिंकला गड पहिला तोरणा

शहा़जी राजे होते अदिलशहाच्या दरबारी,
शिवबाचे कोवळे पंख घेती गरुड भरारी

आदिलशहा खुप कोपला
म्हणाला मारतो तुझ्या बापाला

शहाजी राजे आदिलशहाच्या तावडीतुन सुटतील हे स्वप्न देखील न पडत कोणाला

(कधी उघडतात हो?)

(येतायत की नाही मालकिणबाई आणि वाढपी?)

(चल ये सुरू करूया.)

(काय रे, बरं वाटलं का आजचं जेवण? )

(वा. मस्तच आहे की.)

बनुताई आता मित्रमैत्रिणींकडून नवीन नवीन पी जे शिकून येतात आणि आई, बाबा, आजोबा, सगळ्याना 'कॅप्टिव्ह ऑडियन्स' करून ऐकायला लावतात. शिष्टसंमत नसतील कदाचित पण बनुताईंच्या वयाची मुलं असले जोक्स खूपच एन्जॉय करतात हे मी पाह्यलंय. हा जोक सांगतानाचं बनुताईंचं अनकंट्रोलेबल खिदळणं ऐकून मला वाटलं, 'शिष्टसंमतीची ऐसी की तैसी' तुम्हाला हा जोक तिच्याच शब्दात सांगायलाच हवा.

बाबा, आत्ता बोला, चॅलेंज माझा घेता काय
कोडं घालणाराय मी उत्तर तुम्ही देता काय?

बघा हं उत्तर येत नस्लं तर उठाबशि काढायची
कोड्यात आहे स्टोरी (खि: खि:) एका मुलगीची

आई, तू नको ऐकू, आज तू आमच्यामध्धे नाहिस

एक मोठा हत्ती

एक मोठा हत्ती
सुपा एवढे कान
लांबडे लांबडे नाक
जणू जिराफाची मान

एक मोठा हत्ती
छोटे-छोटे डोळे
तोंडाबाहेर डोकावती
भले मोठ्ठे सुळे

एक मोठा हत्ती
अगडबंब पोट
अंगावर चढवलेला
कायम काळा कोट

एक मोठा हत्ती
पाय चार खांब
शेपूट मात्र एवढीशी
हातभर लांब

एक मोठा हत्ती
आता काय म्हणू
एक मोठा हत्ती
जणू बाप्पा गणू

गीतरुप ११/१६/२००९

बनुताईंच्या घरी खूप पूर्वीपासून इंदूबाई नावाची एक हाऊसमेड आहे. वयस्कर आहे. बनूची आई लग्न होऊन घरात यायच्या कितीतरी आधीपासून इंदूबाई कामाला आहे. स्वयपाकात मदत, केरवारा, वगैरे खूप कामे करते. बनूवर खूप माया करते पण का कोणास ठाऊक बनुताईंची तिच्यावर भारी खुन्नस. काहीतरी कारण शोधून त्याना काढून टाकायला लावायचं असा बनुताईंचा प्रयत्न असतो.

आई, पैले इंदूबाईना कामावरनं काढ !
रोज गालगुच्चा घेतात, म्हणतात, "लईऽ ग्वाड"
हात किती खर्खरित, लाग्तात ना गं मला
सांगित्लं तर म्हणतात, "मग पप्पी देशीला?"

माझ्या रूममध्धे पण लुडबूड त्या करतात
चांगले पसरून ठेवलेले गेम्स आवरतात

अशी हवी शाळा जिथे मुळीच नको परिक्षा
नको वह्या, पुस्तक ,नको अभ्यासाची शिक्षा

अशी हवी शाळा जिथे असतील भरपूर खेळ
टीचरना ही गोष्टी सांगायला भरपूर मिळेल वेळ

अशी हवी शाळा जिथे डब्यात चालेल खाऊ
रोज रोज पोळीभाजी चा च मुळीच नसेल बाऊ

अशी हवी शाळा जिथे किल्ल्यावर पिकनिक नेतील
महाराजांच्या गोष्टी टीचर किल्ल्या वरच शिकवतील

अशी हवी शाळा जिथे होमवर्क देणार नाहीत
अभ्यास केला नाही तरी टीचर पनीश करणार नाहीत

खरच अशी मिळेल का "तोतो चान" सारखी शाळा ?
मग कधी सुद्धा येणार नाही शाळेत जायचा कंटाळा.

.

रंगीबेरंगी फुलपाखराचे
पंख मिळाले तर?
कित्ती कित्ती मज्जा येईल
अस्से झाले तर!

उडून मग मी शाळेत जाईन
फुलांमधला मध मी खाईन
मज्जे मध्ये उडत राहीन
या शहराच्या वर
कित्ती कित्ती मज्जा येईल
अस्से झाले तर!

एका आथवड्यात तीन तीन
रवीवार आले तर
कित्ती कित्ती मज्जा येईल
अस्से झाले तर!

टॉम एन्ड जेरी तिनदा पाहीन
दिवस भर मी खेळत राहीन
पतंग भोवरे मज्जा घेऊन
घरच्या गच्चीवर
कित्ती कित्ती मज्जा येईल
अस्से झाले तर!

माझ्या डोक्यात अचानक
दोन मेंदू आले तर
कित्ती कित्ती मज्जा येईल
अस्से झाले तर!

दोन दोन कॉलेज डिगर्‍या घेईन
इंजिनियर आणि डॉक्टर होईन
देशासाठी डब्बल कामे

एग्झॅम माझी चालू होती, बर का वैशूमावशी
अभ्यासातनं मला नवती फुरसत म्हणुन कशी !

तश्शी, जशी आर्या होती बिझी, नाइ का तेव्हा ?
सांगा मं मी तुमच्याशी बोलणार होते केव्हा?

संपत आली आता, उद्या पेपर आहे लास्ट
उद्यानंतर असेन फ्री बोलायला बिन्धास्त

काल होता बर का माझा ड्रॉइंगचा पेपर
काढाय्चे होते शीवाजीम्हाराज घोड्यावर

तेवढे काढुन आणखिनपण काढला एक किल्ला
झेंडा सुध्दा काढुन त्याच्या रूफवर ठेवला

म्हाराजांना फायटिंगला जायची होती घाई
म्हणुन दारात उभ्या केल्या म्हाराजांच्या आई

म्हाराजांच्या तोंडापुढं काढला फुगा मोठा
आणि मग फुग्यात लिहलं "मासाहेब, टाटा"

बाबा, तुमी आकाशकंदिल कधी करणाराय?
आई, कानवल्याना सुर्वात कधी होणाराय?
ओऽ गॉड ! बाबा रोजच येतात उशीरा
कोण जाणे आईचा आळस कधी जाणाराय ! १

आजोबानाच सांग्ते आता कंदिल करायला
जग्गात त्तस्सा कुण्णाचाच नको असायला
सुचित्राच्या बाबानी विकत आणलाय, ईऽऽ
आजोबांचा कंदिल नंबर व्वन असणाराय ! २

आणि आई, माझा ड्रेस अजुन आला नाई
त्याच्यावर मॅचिंग पर्स पण हवी मला बाई
तुझ्यासारखी नथ पण घेशिल का ग मला?
मी पण घालुन नाकात ती मिरवणाराय ! ३

चकल्या करणारैस, पुडाच्या वडयांचं काय?
आजोबांच्या फेवरिट त्या, तुला पण माइताय
कोतंबीर निवडायला तुला मदत मी करीन
बघ हंऽ? केल्या नाईस तर मी कट्टी करणाराय ४