निसर्गाच्या गप्पा (भाग-१३)

शुभ सकाळ नि ग कर्स!!
दिनेशदा, घर कुठे, भारतात्??(मुंबइ कि पुणे)

वर्षू,
निवडूंगाचे इतके प्रकार आहेत हे प्रथमच पाहायला मिळालं,सगळे फोटो छान !

जागु, गमभन,ईनमीनतीन सर्व फोटो अप्रतिम !
तामणीचा फोटो तर खासच !

दिनेशदा,
बागेचे फोटो छान आलेत, ही बाग तयार करत असताना तुमचा सल्ला त्यांनी घेतला तर ती आणखी फुलेल हे नक्की.

हे (गेल्या रविवारी) गावाकड्च्या बांधावरचे घेतलेले काही फोटो (फोटो काढणारा अजुन फोटोग्राफी शिकत आहे हे तुमच्या लक्षात येईलच.. :स्मित:)
१)

२) ??

३) हे भर उन्हात फुललेलं चंदनाच झाडं आणि त्याच्या बिया (चंदनबटका)

४) ??

५)
६)
७) ही चार्‍या बरोबरच पानमळ्याचं कुंपन मजबुत करणारी तुतीची (तुतु) झाडं,आंबट-गोड फळं,मुलांनी लगेच खिसे भरुन घेतले..

८) वाघाट्याची भाजी प्रथमच (आजीला खात्रीने विचारुन) खाल्ली...थोडी कडु लागली, ही भाजी खाण्याबद्दल आजी एकादशीचा संदर्भ देत होती

९) मला फक्त 'म्हातारी' हे एकच नाव लक्षात आहे.

१०) याचा उपयोग कपड्याचा साबण तयार करण्यासाठी होतो असं ऐकलयं..

११) ही चिंचेची कोवळी पाने मुलांनी खिशात घरी आणल्याने आणखी एक फोटो वाढला..

१२)ही गुळवेल ना ?

१३) ??

१४) घरच्या मागे असलेल्या या झाडांवर रोज संध्याकाळी यांची वर्दळ असते, फोटो घेताना मात्र लगेच फडफड ..

अनिल, अरे किती हि फळे. झाडावर लगडलेल्या कैर्‍या बघुन एक जमाना झाला. मायामित असतांना पाहिल्या होत्या. आणि गाभुळलेल्या विलायती चिंचा लहान पणी खुप खायचो. मी भारतात नेहेमी हिवाळ्यात येते, त्यामुळे ह्या फळांची मजा घेउ शकत नाही. तुझी मजा आहे.

अनिल...........विलायती चिंचा मस्तच! आणि मोरही चक्क! व्वा मजाहे!

अनिल... वॉव रे.. चक्क विलायती इमली... शहतूत..मस्त मस्त!!! ती करवंदं की काय??
आणी ते मोठंसं फळ काय आहे????

सुदुपार

सुप्रभात, अनिल, १३ नं. मधली शेंग गोकर्णीची आहे.
वर्षूताई, फुलांचा रंग काय गोड आहे

मस्तच फोटो आहेत सगळे. अनिल च्या फोटोत २ रा `फर्गेट मी नॉट' च्या फुलांचा आहे का ?
तुती म्हणजेच मलबेरी ना ? फार मस्त चव अस्ते त्यांची.

अनिल च्या फोटोत २ रा `फर्गेट मी नॉट' च्या फुलांचा आहे का ? >>> चित्रक आहे ते - भलते चिकट चिकट असते ते फुल .....

वर्षू काय सुरेख रंग आहे, मी या रंगाच्या प्रेमात आहे, खुप ड्रेसेस आहेत या रंगाचे (आजही हाच रंग घातलाय)

अनिल, विलायती चिंच एकदम मस्त. मोर नारळावर बसलाय म्हणजे उडतानाचा फोटो काढायची जबाबदारी आता तुझ्यावरच आहे

अनिल, आता खरंच कधी नेणार आहेस ते बोल, आम्हाला शेतावर ! आम्ही पण मुलंच कि !!

सुमंगल, हे घर अंगोला, पश्चिम आफ्रिकेत !

वर्षू, हि फुले ४२० असतात. ते पिवळे पुंकेसर दिसताहेत त्यावरचे परागकण चक्क फसवे असतात.

सुमंगल्,मानुषी,वर्षु,जागु,स्निग्धा ,रावी ,शशांक,दिनेशदा
धन्यवाद !

साधना,
धन्यवाद !
लवकरच मोराचा तसा फोटो मिळेल याची खात्री आहे ..

शशांकजी,
ती १२ नं. ची लाल फळे देखील मऊ आणि खुप चिकट होती

स्निग्धा,
या गोकर्णीचा उपयोग कशासाठी करतात ?

अनिल, आता खरंच कधी नेणार आहेस ते बोल, आम्हाला शेतावर ! आम्ही पण मुलंच कि !!
दिनेशदा,
नेहमीच स्वागत आहे, तुम्हीच दिवस, महिना ठरवा आणि मला सांगा, त्या प्रमाणे सगळी कार्यवाही होईल..

अनिल, ती लाल फळे बहुतेक रानद्राक्ष आहेत. गुळवेलीला अशी फळे येतात का याबद्दल मला शंका आहे.
( शांकलीकडच्या वेलीला फुले यायला वेळ आहे अजून )
आणि सगळ्यांचे नाही जमले तर मी एकटा येईनच.

शुभ सकाळ नि ग कर्स!!

दिनेशदा, तुम्ही अफ्रिकेतच स्थाइक होणार का? मला ऊगाचच भारतात परतायचे वेध लागले आहेत. २०२० पर्यंत रिटायर होइन. त्यानंतर भारतात परतावे म्हणतोय. कितपत जमेल देव जाणे.

अनिल, मलापण शेताचा अनुभव घ्यायचा आहे. माझा नंबर लागेल ना. कधितरी समर मधे आले तर ठरवु.

सुमंगल, सध्या तरी हे ठरवलेले नाही. आता सगळेच देश प्रिय वाटतात. निवृत्त झाल्यावर मात्र भारतभर फिरायचे आहे.

अनिल, मलापण शेताचा अनुभव घ्यायचा आहे. माझा नंबर लागेल ना. कधितरी समर मधे आले तर ठरवु.
सुमंगल,
नक्की ठरवा ! भारतात आल्यानंतर शेती घ्या आणि ऑरगैनिक शेती करा, नक्कीच फायदेशीर ठरेल
शेतीत केलेली गुंतवणुक नक्कीच फायदेशीर आहे याची खात्री आहे.

अनिल, तूला मिळाले तर इंगळहाळीकरांचे पुन्हा आसमंत हे पुस्तक बघ. सिंहगडाच्या पायथ्याशी त्यांनी केलेल्या शेतीचे प्रयोग आहेत त्यात. सगळा हौसेचा मामला पण पहिली काही वर्षे सोडली तर व्यवहार आतबट्ट्याच्या ठरला नाही.

त्यांना त्यांच्या शेतातील उत्पादने खपवताना पण फार मजेशीर अनुभव आले.

"सासुबाई, नको म्हणताहेत" असे कारण सांगूनही ते धान्य घ्यायला नकार दिला गेला.

वा अनिल मस्त फोटो
३ नं चे चंदन आहे का? असेच झाड मी पाहिले होते.

वर्षू नील, जागू मस्त फुलं

लिंबाच्या झाडाला बारीक लिंबू लागले आहेत पण अचानक झाडाच्या फांद्या वाळू लागल्यात, लिंबु पण सुकु लागलेत.
ही कुठल्या रोगाची लक्षणं आहेत?

सारीका, झाडावर किंवा पानामागे पांढरे किंवा काळे किडे दिसायला लागले आहेत का ? मूळाशी उंदराने बिळ केले आहे का ?
लिंबाच्या झाडाला पाण्याचा ताण सहज सहन करता येतो. त्यामूळे तो प्रॉब्लेम नसावा.

तुम्हीच दिवस, महिना ठरवा आणि मला सांगा, >>>>>>>>
अनिल मलाही !!!!

.

लोकमतच्या नाशिक पुरवणीत यंदाच्या पावसाबद्दल एक लेख आला होता, असं ऐकीवात आहे.
त्यात म्हटलं होतं की ग्रामीण ठोकताळ्यांप्रमाणे यन्दा कावळ्यांनी आता घरटी बांधायला सुर्वात केल्यामुळे पाऊस लवकर आहे.
त्यात हे ही म्हटलं होतं की कावळ्याने झाडाच्या सर्वात वरच्या भागात घरटं बांधलं तर कमी पाउस, मध्य भागात बांधलं तर मध्यम स्वरुपाचा पाऊस आणि खाली बांधलं तर भरपुर पाऊस होईल. गंमत वाटली हे वाचुन.
पण खरच असं होतं का?

यन्दा कावळ्यांनी आता घरटी बांधायला सुर्वात केल्यामुळे पाऊस लवकर आहे. >>
असे मी पण ऐकले आहे. तसेही पशू-पक्षांना निसर्गाचे ठोकताळे बरोबर कळतात, कारण तेच निसर्गाच्या खुप जवळ असतात.

मुंग्यांची धान्याची बेगमी करतानाची घाई दिसली की पाऊस जवळ आला असे समजतात.

चितमपल्लींनी हे खुप वर्षांपुर्वी नोंदवले होते. त्यांनी बाभळी / बोरी असल्या काटेरी झाडांवरच्या घरट्यांवरून पण आडाखे बांधलेले होते. मगरीने अंडी घातली कि बरोबर २१ दिवशी नदीला पूर येतो, असे पण लिहिले आहे.

हि निसर्गाची लेकरे कायम त्याच्याच सानिध्यात असतात. पिढ्यांपिढ्यांचे आडाखे त्यांच्या जीन्समधून पुढच्या पिढीत जात असतील.

आपल्या डॉ. उज्ज्वला दळवींनी एका लेखात लिहिले होते कि डि.एन.ए. सारखे माहीती साठवण्याचे दुसरे साधन नाही. ते तंत्र जर आपल्याला वापरता आले, तर जगातली सगळी माहिती अगदी थोड्या जागेत साठवता येईल.

आहाहा.. मन प्रसन्न कलर आहे तुझ्या फुलाचा.. जागु..