निसर्गाच्या गप्पा (भाग-१३)

हो.. त्याच बागेतली..

वा धागा सुंदर माहीती आणि सुंदर प्रचिं सोबत धावतोय.
ही एक बोगनवेली सारखी फुले, आकाराने बो.वे.हुन बरीच छोटी.
माळ्याला फुलांचे नाव विचारले तर माधवमंत्री अस काहीस पुट्पुटुन निघुन गेला.

नितीन, आईसक्रीम क्रीपर ना ती ? माळ्याने आपले नाव सांगितले कि काय ?

शांकली - शशांक कुठे आहेत ?
लेकीचा वाढदिवस होता एवढ्यात. आम्हा सर्वांतर्फे हार्दिक शुभेच्छा !

आईसक्रीम क्रीपर.. हां हे नांव आठवलं आत्ता वाचल्यावर आणी फोटो पाहिल्यावर फूल सुद्धा
ईनमीन तीन, काय सुर्रेख रंग आहे फुलांचा

माळ्याने आपले नाव सांगितले कि काय ? >>> दा मलापण तसच वाटतय.
आमच्या ऑफिसच्या आवारात बरीच आहेत नोनीची झाडे. >> ताई हमको भी प्रचि देखनेका है

शांकली - शशांक कुठे आहेत ?
लेकीचा वाढदिवस होता एवढ्यात. आम्हा सर्वांतर्फे हार्दिक शुभेच्छा ! >>> खुप शुभेच्छा !

जागू अगदी सागाच्या फुलोर्‍यासारखा दिसतोय. पण पाने छोटी आहेत म्हणजे साग नाही.

वर्षू, ८ नंबरचे प्रचि bromeliad आहे .
एक नंबर बहुतेक आर्टेमिसिआ असावे. आपला दवणा याच कुळातला. शिवाय (सु) प्रसिद्ध Absinthe पण याच कुळातल्या झाडापासून बनवतात.

शुभ सकाळ नि ग कर्स!!
छान माहिती मिळतेय.

गमभन, ते झाड पिंपरी चं आहे. एक गंमत सांगते, पुण्याजवळ जे पिंपरी नावाचं गाव आहे, तिथे पूर्वी ह्या झाडांचं रान माजलेलं होतं आणि त्यावरूनच त्याला पिंपरी नाव पडलं असं जुने लोक सांगतात. तसंच निगडी या गावाचं आहे. पूर्वी तिथे निर्गुडी/निगडीचं रान होतं. तसंच एरंडवणा( हे वन आहे) इथे एरंडाची प्रचंड झाडी होती त्यावरून एरंडवन हे नाव पडलं आणि त्याचा अपभ्रंश म्हणजे आजचे एरंडवणा !!

जागू, तू टाकलेला फुलोरा फणशी या झाडाचा आहे. खूप मोठा वृक्ष असतो हा. चांगला ३०-४० फूट उंच आणि याच दिवसांत फुलतो. फिकट जांभळा रंगाची गुच्छाने फुलणारी फुलं खूप उंचावर असल्याने पटकन लक्ष नाही वेधून घेत.

दा, नितीन धन्यवाद, लेकीला सांगते शुभेच्छांबद्दल..............:स्मित:

वर्षूतै, फार सुंदर आलेत सगळे फोटो!! खूप आवडले.

अबोल, काय कॅची कलर आहे फुलांचा!! हापूसचा रंग चोरलाय की काय या फुलांनी?????..........:डोमा:

@ गमभन

हो का.... मी नक्की जाण्याचा प्रयत्न करेन

जागू, तुझी लेक तुझ्यासारखीच कलाकार आहे!! मस्त दिसतिये कलाकुसर!!

शांकली,
त्या झाडालाच पिंपरणी असे पण म्हणतात. पिंपळाची छोटी आवृत्ती. या झाडावर गोलाकारात वाढलेली बांडगुळे पण बघितलीत आणि या झाडाने दुसर्‍या झाडाचा गळा घोटून स्वतःचा जम बसवलेला पण बघितल्या.
याची छोटी फळे पक्षी आवडीने खातात आणि वडा पिंपळासारखेच दुसर्‍या पानावर वृक्षलागवड करतात.
मग हे झाड वाढत वाढत, यजमानाचा गळा घोटते. ( प्रा. महाजन यालाच नांद्रुकी म्हणतात का ? त्यांची तिन्ही पुस्तके घरी राहिलीत बहुतेक देशी वृक्ष, भाग २ मधे आहे हे. )

गोव्याला महावीर उद्यानात आणि कोल्हापूरला रंकाळा उद्यानात अशी उदाहरणे आहेत.

जागु मस्त आलाय नोनी च्या फुला,झाडाचा फोटो.
आणी इतरही मस्त मस्त माहीती वाचायला मिळतीये..

हे नोनीच फळ बारतोंडी सारख दिसतय. फुलंपण तशीच आणि जरा बुचाच्या फुलांसारखी पण वाटतायत.

हे नोनीच फळ बारतोंडी सारख दिसतय>>>>>नोनी म्हणजेच बारतोंडी ना?

पिंपरीच नाव असावे त्या झाडाचे कारण पिंपळाशी खुप साधर्म्य आहे.

हो नोनी म्हणजेच बारतोंडी.>>अस आहे होय.

मस्त आलाय भारद्वाज

ते फळ पण १०/१२ फळांचे मिळून बनलेले असते म्हणून बारतोंडी हे नाव.
भारद्वाजचा आवाजही मस्त असतो. कूप कूप असा आवाज काढतो पण शक्यतो थोडेच अंतर जायचे असेल तर "चालत चालत" जातो. उडायचा कंटाळा करतो.

जागू, नोनी/बारतोंडीचे फोटो छान आलेत. पण ही फुलं अगदी शुभ्र पांढरी बघितलीयेत मी, ही जांभळी शिंपण असलेली नव्हती बघितली. पण ही छान दिसताहेत.

दा, नाही, नांदरूक/नांद्रूक वेगळं. नांद्रूकीच्या पारंब्या नाजुक असतात. प्रा. महाजनांच्याच पुस्तकात त्यांनी अरुंधती वर्तकांची एक ओळ कोट केलिये - "वडाच्या पारंब्या एखाद्या जटाधारी साधूसारख्या वाटतात; तर नांद्रुकाच्या एखाद्या युवतीच्या रुळणार्‍या बटेसारख्या दिसतात."..........:स्मित:

"चालत चालत" जातो. उडायचा कंटाळा करतो.>>>>>>>>>हे भारीये!!

कुणाला कशाची तर कुणाला कशाची.. शांकली, मला त्या पुस्तकांची फार आठवण येते !

साधनाला तामणीच्या कळ्या आणि बोंडे बघायची होती ना ? ही आहेत क्रेप / गुलमेंदीची पण अवतार तोच.

ही आहे आमच्या कॉलनीत ( माझ्या घरापासून केवळ ७ मिनिटात चालत जाता येईल अशा ठिकाणी ) तयार
होत असलेली बाग.

मागे दिसतेय ती माझी बिल्डींग

बराच मोठा विस्तार आहे बागेचा. तयार झाल्यावर छानच दिसेल. कदाचित बोटींग वगैरे पण असेल.
सध्या घरगंळणारी रेती संभाळत टेकड्या केल्या जात आहेत. रेती ओघळू नये म्हणून त्यावर गोणपाट टाकली आहेत आणि झाडे लावली आहेत. झाडे वाढली कि रेती टिकून राहील.

तरी सध्या अशी फुले आहेतच.

दिनेशदा, फारच छान आहे बाग ! ह्यानंतरचे गटग तिकडेच करू.

दा, मघाशी विचारायचं राह्यलंच!..........प्रा. महाजनांची ३ पुस्तकं कोणती? मला २ च माहितीयेत तिसरं नाही माहीत नाव सांगाल?

रच्याकने, बाग (होऊ घातलेली) मस्तच आहे. फुलाचा फोटो विशेष आवडला. फूल तर सुंदर आहेच्चे पण त्याच्यावर आलेल्या प्रकाशामुळे ते जसं दिस्तंय ना तो अँगल फार मस्त पकडलाय तुम्ही!

सध्या माझ्याकडेही गुळमेंदी फुललीय. असाच रंग आहे. पुण्यात राजेंद्रनगरमधे 'सचिन तेंडुलकर जॉगिंग पार्क' आहे ना तिथेही ही गुळमेंदी बागेला कुंपणासारखी लावलीये. जमिनीत लावल्याने ती चांगली २०/२५ फूट उंच वाढलिये. पानं जवळपास बोरासार्खी आणि फुलं तामणीची असं कॉम्बो मजेशीर दिसतं नै!!