निसर्गाच्या गप्पा (भाग-१३)

परवा बोरिवली नॅशनल पार्कच्या आवारात हे बहरलेले झाड दिसले. बहुतेक तामण असावे. फोटो मोबाईलबरुन काढले असल्याने नीट नाही आलेत.

हे एक नवीन झाड पाहिले. याची फुले वेगळीच होती. याचे नाव कोणाला माहिती आहे का?

गमभन, हे दुसरे झाड कळम नावाचं आहे. याची फुलं खूपशी कदंबाच्या फुलांसारखीच दिसतात. पण एक फरक आहे की कदंबा इतकी याची फुलं भरगच्च नसतात. आणि पानंही पातळ आणि फिकट हिरव्या रंगाची असतात. पण तरी सुद्धा याला कदंबाचा भाऊच मानतात

आणि हो, पहिले तामणच आहे मोबाईलवरून काढलाय तरी फोटो छान आलाय

परवा बोटेनिकल गार्डन मधे ही मेक्सिकन निवडुंगाची खासीयत लक्ष वेधून घेत होती
यातील कित्येक प्रकार मी पहिल्यांदाच पाहीले
प्रचि १

प्रचि २

प्रचि ३

प्रचि ४

प्रचि ५

प्रचि ६

प्रचि ७

प्रचि ८

टाईम प्लीज!!

इथे सर्वांची बोटेनिकल नावं लिहिलेली होती.. भारतीय नावं असतील तर टाकाच इथे..

शांकलीताई, मी डकवलेल्या फोटोतल्या फुलांच (झाडाचं) नाव का नाही सांगितलसं? साधनाताई, तामण असेल असं म्हणाली आहे, पण तिला मोदका सारख्या कळ्यांमुळे शंका वाटते आहे. नागपूरात ती झाड खुप ठिकाणी दिसली.

मानुषी,
कदाचित तो इंडिअन रॉबीन असेल.
दिसायला असा होता का?
http://en.wikipedia.org/wiki/Indian_Robin

त्याचे कॉल इथे ऐका.

http://www.xeno-canto.org/species/Saxicoloides-fulicatus?&view=3

आहा जागू. फुलं पाहून काय मस्त वाटलं.

स्निग्धा, अगं तो तामणच आहे, काल मी तामणाच्या कळ्या जवळुन पाहिल्या, असाच मोदकासारख्या असतात.

आधी नेहमी फुले येऊन गेल्यानंतरची गोल फळेच पाहिली होती त्यामुळे थोडे गोधळायला झाले होते.

अरे, खुप खुप धन्यवाद साधनाताई. आता इतक्या जवळून तामण पाहिला त्यामुळे कायम लक्षात राहील

जागू, ती फुलं पाहून खरंच प्रसन्न वाटलं

स्निग्धा, तो तामणच आहे.

या http://www.maayboli.com/node/34138 लिंकवरचा प्रचि २४ गुलाबी तामण बघा. त्याच्या कळ्या मोदकासारख्याच असतात.

जागु, मस्त आहेत गं फुले. मनातल्या मनात सुगंध हुंगला..

जिप्स्या, विपु बघत जा की.

मी पण आधीच्या पानावर तामण चा मोबाईलने काढलेला फोटो टाकला होता पण ती तामण थोडी वेगळी वाटतेय का?

खरचं की जिप्सी खुप खुप धन्यवाद.

पान क्र. २० वरील टि.आय.एफ.आर. मुंबई येथील झाड.... त्यावर नंतर बरीच चर्चा झाली.... गुलाबी टॅबेबुया...

या झाडाचा हा पूर्ण फोटो....

मी पण आधीच्या पानावर तामण चा मोबाईलने काढलेला फोटो टाकला होता पण ती तामण थोडी वेगळी वाटतेय का?

अगं तामणीत भरपुर रंग आहेत. शेजारीशेजारी दोन झाडे असतील तरी ती दोन्ही वेगवेगळी दिसतात रंगामुळे. काल मी एका झाडाचे फोटो काढले त्यात एकाच झाडावर जुनी फुले पांढरी झालेली आणि ताजी फुले मॉव रंगाची होती.

व्वा! व्वा! व्वा! सगळ्यांचे फ़ोटो, माहिती मस्तच. शिट्ट्या तर अप्रतिम.
दिनेशदा कुठे भूमिगत झालेत?

काल रजा होती ना ? आणि आमच्याकडे तसेही ४.३० तास उशीराच उजाडते

वर्षू, मस्त आलेत फोटो. मेहिकोत काही निवडुंग खातात पण !

गमभन, कळमाचे झाड राणीच्या बागेत गेंड्याच्या तलावाजवळ आहे, खुप बहरते ते. सिंहगडाच्या पायथ्याशी पण आहेत. अनेकांचा तो कुळवृक्ष असतो. लग्नात देवकासाठी फांदी लागते. पण कळम आणि कदंब वेगळे, हेच अनेकांना माहित नसते.

साधना, तामण आणि क्रेप या दोन्ही झाडांना अगदी गेल्या वर्षीच्या फळांचा पण मोह सुटत नाही.

तामणीत, गुलाबी, गडद गुलाबी, जांभळा, पांढरा असे रंग असतात. पिवळा मात्र खुपच दुर्मिळ आहे.

दिनेश दा.. थांकु..
कितीकिती छानमाहीती पुरवताय सतत..

साधना, तामण आणि क्रेप या दोन्ही झाडांना अगदी गेल्या वर्षीच्या फळांचा पण मोह सुटत नाही.

क्रेप?? हे कोण?? मला नाही भेटले कधी?????कुठे भेटतील?? मला तर तामणच क्रेपसारखी वाटते.

वर्षू मस्त आहेत सगळे कॅक्टसचे प्रकार!
स्वाती.......
मला जो काही दिसला तो ईन्डियन रॉबिन (तुझ्या लिन्कमधला) असावासं वाटतं. पण आजच सुनेचा खूप खुदुखुदु हसत फोन आला होता की.......... तो बुलबुलसारखा पक्षी असावा आणि तो चक्क आपल्या बाल्कनीत ल्या झाडात घरटं करतोय.
मी तिला म्हटलं की फोटो काढ. तर आता आमच्या घरातले निसर्गप्रेमी आणि तज्ञ(माझा लेक) हपिसातून आले की त्यांच्या म्हणण्याप्रमाणे पुढची स्टेप घेतली जाईल. कारण त्या पक्ष्याला डिस्टर्ब केलं तर तो घरटं बांधणार नाही.(असं तज्ञांनी फोनवर सांगितलं आहे.)
आणि त्याचा कॉल आत्ता ऐकता येत नाही. हपिसात आहे.

थांकु जागु,दिनेश दा,मानुषी..
तुमच्या व्यतिरिक्त अजून कुणाला नाही दिसलेत कॅक्टी..

अजून काही

कारळ आपल्याकडे भातशेतीच्या बांधावर लावतात. फारतर १०/१२ इंच वाढते ते. ते कुंडीत लावता येईल.
पण अळशी उंच वाढते. २/३ फूट तरी. त्याला एक तूरा येतो. त्यात मोठी निळी सुंदर फुले येतात. ते कुंपणाकडे लावता येईल.

माझ्या कॅमेराचे जास्तीचे डोळे मिळाल्याने, असे काय काय दिसत राहते मला. या फुलांच्या पाकळ्या जेमतेम ३ मि.मी. होत्या. पण तरी किती सुंदर रचना आहे पहा.

पाठीवर मानवी मुखवट्यासारखी रचना असणारा एक किटक.

काल सकाळी मुद्दाम जंगलात शिरलो तर पॅशनफ्रुटच्या कळ्या उमलल्याच नव्हत्या. मग जरा अंधार पडल्यावर परत गेलो आणि फुल तोडून आणले. पॅसिफ्लोरा कुळाची खासियत. अशी हि रचना. अनेक रंग असतात यात.
या वेलीची फळे वरुन पिवळी आणि आतून केशरी असतात.

जागु.. सुरणाचं फूल?? काय काय अनोख्या गोष्टी आहेत तुझ्या अंगणात... मस्त!!

दिनेश दा.. कीटकाचा रंग/ डिझाईन ही अजब आहे

अश्याप्रकारचं फूल मलाही दिसलं, कळ्यांसकट त्या गार्डन मधे.. मोठ्या झुडपांत लपलेलं होतं याचं नाजुकसं प्लांट