डास

माझे बालपण मुंबईत गेले. त्यामुळे मुंबई उपनगरात किंवा पुण्यात राहणारे नातेवाईक जेव्हा मच्छरांच्या त्रासाबद्दल बोलायचे तेव्हा असे वाटायचे की राईचा पर्वत करत आहेत. किती तो क्षुद्र जीव. आला समोर, मारला एका टाळीत, आणि टाकला वाळीत.

दारू पिल्यावर डास जास्त चावतात का ?
दारू पिलेल्या माणसाला डास चावला तर कळतं का ? कुणा दारू पिलेल्याला हा प्रश्न विचारलाय का ? त्याला सकाळी आठवेल का ?

हा प्रश्न पडण्याचे कारण,
अमेरिकेच्या जर्नल ऑफ मॉस्क्विटो कंट्रोल असोसिएशनच्या 2002 मधील अहवालानुसार, दारू प्यायलेले असाल तर, तुम्हाला डास चावण्याची शक्यता अधिक वाढते.

काल रात्री पार्कींगमध्ये कार पार्क केल्यावर एकाबाजूची काच चुकून उघडी राहीली. आज सकाळी ऑफिसला जायला निघालो तर काय कारमध्ये खूपच डास शिरलेले दिसले. सगळी दारं उघडून फडक्याने डास घालवण्याचा प्रयत्न केला, बरेच गेले पण बरेच या सीट खालून त्या सीट खाली, दाराला असलेल्या सामान ठेवायच्या खोबणीत जाऊन बसू लागले.