श्रावण

हिरवी बाजीगरी

पाऊस सरता ऊन्हे कोवळी रेशीम धाग्यांपरी
दंवबिंदूंची झालर उमटे हिरव्या पात्यांवरी

नेत्रसुखद रंगांची उधळण कडे पठारांवरी
भिरभिरणारी अातषबाजी चित्र करी साजिरी

शीळ मधुर पक्ष्याची अलगद येता कानांवरी
सुंदरतेला नाद लाभला दूर दूर अंबरी

वाटा भिजल्या, हिरव्यारंगी कातळही गहिवरी
मुक्त मनाने श्रावण परते काळजात हुरहुरी

हिरव्यारंगी रंगवूनी मन देत उभारी खरी
सतेज करते पुन्हा सृष्टीला हिरवी बाजीगरी

श्रावण

शब्द सरी बरसल्या
मन चिंबचिंब झाले,
श्रावण महतीने कसे
मन श्रावणमय झाले !

प्रथम, श्रावण स्वागता
व्रत नागपंचमी आले,
जाणिवेने सण व्रतांच्या
मन उल्हासित झाले !

व्दीतीय, नारळी पौर्णिमा
श्रीफळ रत्नाकरा अर्पिले,
टिकविण्या नाते जन्माचे
रक्षाबंधना भाऊराय आले !

तृतीय, मंगळागौर सणाला
नव्यानवरींनी अंगण सजले,
झिम्मा फुगडया खेळांनी
जागरण खेळता रंगले !

चतुर्थ, गोकुळी अष्टमीला
सावळे श्रीकृष्ण जन्मले,
नंतर बाळगोपाळ एकत्र
दहिहंडी साठी खेळले !

हल्ली श्रावण येतोय म्हटलं की ................... लोकांना पहिली गटारी सुचते.

किंवा असेही बोलू शकतो की गटारी आहे म्हणून काही जणांना श्रावण कधी येतोय आणि कधी जातोय याचा पत्ता तरी राहतो.

पण इथला विषय गटारी नाहीये आणि हेच सांगायला वरच्या दोन ओळी खर्चल्या आहेत.

विषय आहे श्रावण पाळण्याच्या आणि या कालावधीत सामिष भोजन वर्ज्य करण्याच्या नियमाबाबतचा.
विषयाचे ज्ञान इथे मी देणार नाहीये, तर मला पडलेले प्रश्न सोडवण्यासाठी हा धागा उघडला आहे.

तर, सर्वप्रथम कोणी मला सांगेल का, श्रावण या महिन्यात मांसमटणमच्छी का खात नाही? नेमके कारण?
चला ते गूगाळून मिळेलही,