आला श्रावण श्रावण

आला श्रावण श्रावण
पावसाची रिमझिम
बरसल्या श्रावण-धारा
जुई झाली चिम्ब चिम्ब
चम्पा चमेली शेवन्ती
चाफा लपे पानोपानी
रंगी बेरंगी गुलाब
ताठ गर्वाने अंगणी
झाले बन तुळशीचे
उभा दारी पारिजात
केतकीचा रंग खुले
नव वधुच्या वेणीत
लाल मेंदी हातावरती
हळ्दीकुंकू लाह्या फुले
झुलताती डोलताती
नागपंचमीचे झुले
फुटे हंडी ग दह्याची
अंगी रोमांच दाटले
असा श्रावण बरसतो
फळे फुले सणा संगे
उन्ह पावसाचा खेळ
नित्य चाले लपाछ्पी
इन्द्रधनुष्याचे सात
रंग रंगले आकाशी

टीपः सगळेच नवीन असल्यामुळे ही कविता पोहोंचेल याची खात्री नाही हा एक फक्त प्रयत्न आहे.