निसर्ग

चिऊची वेदना (हायकू)

झाडं कापली
इमारतींची गर्दी
निवारा गेला !

धान्य बाजार
मॉल मध्ये गायब
दाणे मिळेना !

किडेही गेले
फवारले जहर
खाऊ विषाक्त

काँक्रीट वन
साधा कोनाडा नाही
घरट्यासाठी !

गेल्या चिमण्या
कावळ्या पारव्यांचा
झाला सुकाळ !

चिऊचा खाऊ
घर घरटे वास
नेले लुटून !

उरला आता
चिऊ-काऊचा घास
पुस्तकामध्ये !

जाग मानवा
थांबव आता तरी
सृष्टी विनाश !

डॉ. राजू कसंबे

(दि. २० मार्च २०१९, जागतिक चिमणी दिवस)

Please delete this link.

Please delete this link.

चिऊची वेदना (हायकू)

झाडं कापली
इमारतींची गर्दी
निवारा गेला !

धान्य बाजार
मॉल मध्ये गायब
दाणे मिळेना !

किडेही गेले
फवारले जहर
खाऊ विषाक्त

काँक्रीट वन
साधा कोनाडा नाही
घरट्यासाठी !

गेल्या चिमण्या
कावळ्या पारव्यांचा
झाला सुकाळ !

चिऊचा खाऊ
घर घरटे वास
नेले लुटून !

उरला आता
चिऊ-काऊचा घास
पुस्तकामध्ये !

जाग मानवा
थांबव आता तरी
सृष्टी विनाश !

डॉ. राजू कसंबे

(दि. २० मार्च २०१९, जागतिक चिमणी दिवस)

(Image credit: Dr. Raju Kasambe)

टिटवीची ललकारी

माळरान शेत मैदान, इमारतीवर थाटे संसार
तुरुतुरु धावे, नाकात नथ घालून लाल सुंदर

घरटे अंडी पिल्लं, अवघा संसार उघड्यावरी
कुणास न लागे त्याचा थांगपत्ता जरी

जमिनीवरीचा संसार तिचा जसा गुप्त
हवाई हल्ल्याने देते शत्रूला शिकस्त

सुगरणीचा खोपा

येता पावसाच्या सरी, पसरते हिरवय
सुरु होते मंग सुगरणीची धावपय !

गुतवून गवताचे पात्याले पाते
जुळवाले पायते पिरेमाचे नाते !

सुगरण बुवा सजते हयद लाऊन
सुगरणीन जाते खोप्यात डोकावून !

खोप्याचा आकार जसा भोपया टांगला
एका खोलीचा महाल आगाशी बांधला !

खोलीत सतरंजी गवताच्या पात्याची
मऊशार गादी म्हातारीच्या कापसाची !

उन, पाऊस, वादळाची जान सुगरणीले
देते गाट्याचा लेप खोप्याच्या वयचनिले !

झोडपणार वादळ, पाऊस पश्चिम दिशेले
बांधते साजरे घरटे पूर्व दिशेले !

आयबीसबिलची पिलं

आला आला पाऊस आला

फुलपाखरांचे छायाचित्रण

फुला-फुलांवर स्वच्छंदी उडणारी रंगीबिरंगी फुलपाखरे सर्वांनाच आवडतात. त्या फुलपाखरांचे छायाचित्रण करायलासुद्धा म्हणूनच आपल्याला आवडते. फुलपाखरांची सुंदर छायाचित्रे काढून ती सोशल मेडियावर टाकून ‘वॉव’ मिळवायला तर प्रत्येकालाच आवडते. पण अनेकांना असा अनुभव आला असेलच की फुलपाखरे काही स्वस्थ बसत नाहीत. ती आपल्याला दिसतात तेव्हा फुलांवर पिंगा घालीत असतात. पंख फडफडवीत असतात. त्यामुळे त्यांना कॅमेर्‍यात कैद करणे सहजी सोपे नसते.