सुगरणीचा खोपा

सुगरणीचा खोपा

येता पावसाच्या सरी, पसरते हिरवय
सुरु होते मंग सुगरणीची धावपय !

गुतवून गवताचे पात्याले पाते
जुळवाले पायते पिरेमाचे नाते !

सुगरण बुवा सजते हयद लाऊन
सुगरणीन जाते खोप्यात डोकावून !

खोप्याचा आकार जसा भोपया टांगला
एका खोलीचा महाल आगाशी बांधला !

खोलीत सतरंजी गवताच्या पात्याची
मऊशार गादी म्हातारीच्या कापसाची !

उन, पाऊस, वादळाची जान सुगरणीले
देते गाट्याचा लेप खोप्याच्या वयचनिले !

झोडपणार वादळ, पाऊस पश्चिम दिशेले
बांधते साजरे घरटे पूर्व दिशेले !