धार्मिक धंदा,...?
भक्तांना मोहात पाडण्या
हवी तितकी हळवी आहे
अंधश्रद्धेनं बळावलेली ही
निव्वळ भुलवा-भुलवी आहे
धर्माच्या नावानं धंदा करणं
हा प्रकार काही नवा नाही
कसं सिध्द कराल की हा
नौटंकी प्रकार कावा नाही
एकामागुन एक प्रकारही
आता समोर येऊ लागले
अन् स्वयंघोषित धर्मगुरू
स्वयंदुषित होऊ लागले
विशाल मस्के
सौताडा, पाटोदा, बीड.
मो.९७३०५७३७८३
राजकीय कृपा
तीच्या विनासनद प्रकरणाला
त्यांनी मुद्दाम कानाडोळा केला
तीच्या अवांच्छितेतर वाढीचाही
त्यांनीच पुन्हा हुरसुळा केला
अनधिकृत बिल्डींगची अशी
शहरी कुजबुज झाली होती
तीच्या नियमबाह्य वाढण्याला
राजकीय कृपा केली होती,..?
विशाल मस्के
सौताडा, पाटोदा, बीड.
मो.९७३०५७३७८३
माणसांच्या जीवनात
माणसांकडून चाललेली
माणूसकीची फरफट आहे
आपुलकीच्या नात्यातली
आपुलकीही झिरपत आहे
विचार बदलुन गेलेत सारे
वागणे सुध्दा बदललेत
माणसांच्या या जीवनामध्ये
अवगुण कुणाचे ओघळलेत,.?
विशाल मस्के
सौताडा, पाटोदा, बीड.
मो.९७३०५७३७८३
गेलेले दिवस
सुखासाठी तर कधी कुणाच्या
दु:खासाठीही नवस असतात
कधी चांगले तर कधी वाईट
जीवनामधले दिवस असतात
वाईट काळातील दिवस हे
पराकाष्टेनं रेटवले जातात
तर गेलेले दिवस मात्र
पुन्हा-पुन्हा आठवले जातात
विशाल मस्के
सौताडा, पाटोदा, बीड.
मो.९७३०५७३७८३
भक्ती,...!
आहेत भक्त भोळे म्हणून
हवे तसे भुलवले जातात
भक्तांच्या भोळे पणावरच
कुठे उद्योग चालवले जातात
कित्तेक श्रध्देच्या ठिकाणीही
भोंदूगीरी सादरलेली आहे
वाढत्या दांभिक प्रकरणांमुळे
भक्ती मात्र भेदरलेली आहे,...
विशाल मस्के
सौताडा, पाटोदा, बीड.
मो.९७३०५७३७८३
प्रयोग फसले,...!
कृत्रिम पावसाच्या प्रयोगासाठी
ढगही होते उत्सुकलेले
खडसावताहेत आज तुम्हाला
हे प्रयोग सारे फसलेले
जखमेवरती मीठ चोळल्याने
आमचे डोळे कसे हो पुसायचे,.!
प्रयोग नियंत्रणाखाली आहे म्हणून
तुम्ही नियंत्रणावर का बसायचे,.?
विशाल मस्के
सौताडा, पाटोदा, बीड.
मो.९७३०५७३७८३
गाव गुंड्या
कुणी सहजच ठकले जातात
कुणी पैशांत विकले जातात
ग्रामपंचायती राजकारणात
टोलेजंग डाव टाकले जातात
कुणाचे डाव साधतात तर
कुणाचे डाव फसुन जातात
मात्र गावच्या गाव गुंड्या
निकालातंच दिसुन येतात
विशाल मस्के
सौताडा, पाटोदा, बीड.
मो.९७३०५७३७८३
भविष्यात,...
दिवसें-दिवस टेक्नॉलॉजीत
नव-नविन बदल घडू लागले
हे मान्यच करावं लागेल की
माणसंही पाऊस पाडू लागले
कदाचित संपेल गरज टँकरचीही
भविष्यात बदल फिरू लागतील
कृत्रिम पावसाच्याच मागण्याही
पाण्यासाठी लोक करू लागतील
विशाल मस्के
सौताडा, पाटोदा, बीड.
मो.९७३०५७३७८३
कृत्रिमतेत
जस-जशी गरज भासु लागेल
तसा निसर्ग झुलवु लागतील
निसर्ग चक्रात चालता-चालता
माणसं निसर्ग चालवु लागतील
नैसर्गिक नाही झाले तरीही
माणसं कृत्रिम ओले होतील
गरज भासेल तेव्हा-तेव्हा
ढगांचे सिझर केले जातील
विशाल मस्के
सौताडा, पाटोदा, बीड.
मो.९७३०५७३७८३
काल संध्याकाळी नेहमीप्रमाणे ऑफिसमधून निघाले. थोडा वेळ होता म्हणून नरिमन पॉईंट ते व्हीटी चालत आले. कुर्ला स्टेशनवर उतरून भाजी घेण्यासाठी बॅगमध्ये वॉलेट शोधू लागले तर वॉलेट गायब. मी ट्रेनमध्ये दरवाज्याजवळ उभी राहते आणि बॅगवर कायम लक्ष ठेवून असते त्यामुळे बॅग मधून काढणेही कठीण होते. ऑफिसमध्येच राहून गेले असावे म्हणुन ऑफिसमध्ये फोन केला तर त्यांनी डेस्क वर काहीच नाहीये असे सांगितले. म्हणजे ते ड्रॉवर मध्ये राहिले असावे असा विचार मनात आला. पण कदाचित तिथे नसेल तर , मी बँकेत गेले होते तिथे तर राहिले नसेल ना, त्यानंतर ऑफिस समोरच्या फूड जॉइंटवर इडली खाल्ली होती तिथे विसरले असेन तर...
