स्त्री
भावबंध रक्तबंध बंध रेशमातले
मूळरूप स्त्री स्वरूप या युगात पातले
तूच लेऊनी अनेक रूप भावदर्पणी
तू करांगुली जगास श्रेष्ठ तू समर्पणी
स्वामिनी तुझ्यामुळेच श्वास जीवनातले
माय कन्यका बहीण तीन भाव साजिरे
काळजात स्थान विश्र्वमोहिनीस गोजिरे
स्फूर्तिदायिनी प्रचंड गूढ तूच यातले
ब्रह्मदेव शोधतोय जे मनी तुझ्या वसे
आजही तयास हेच लागले पिसे असे
बापुडा मला न हे कळे तुझ्या मनातले
दोन पावलात चंद्रलोक पावलीस तू
अर्धपावली नभात झेप घेतलीस तू
वाटतेस, ते, जगास जे तुझ्या सुखातले
दरवर्षीप्रमाणे या वर्षीही महिला दिनी शुभेच्छांचा वर्षाव झाला होता ,whatsapp वर तर अशा मेसेजेसचा सुळसुळाट झाला होता. मी ही माझ्या जवळच्या लांबच्या अनेक मैत्रिणींना मेसेज पाठवले... अशा दिवशी मला हमखास तिची आठवण होते.
उद्या ८ मार्च. उद्या आहे ‘आंतरराष्ट्रीय महिला दिन’. उद्या आहे शुभेच्छांची देवाणघेवाण. उद्या आहे समस्यांची आकडेवारी आणि चिंता. उद्या काही भाषणं, काही लेख, आणि थोडे सुस्कारे. उद्या प्रगतीची काही उदाहरणं वाचून जागा होणारा आशावाद. उद्या रेडिओ, वर्तमानपत्रं, टीव्ही इकडं सगळीकडं झळकणारं अभिवादन, अभिनंदन आणि कौतुक. ‘महिलांसाठी अमुक इतका डिस्काउंट’ असा बाजाराचा गोंगाट. उद्या महिला मेळावे, ठेवणीतले कपडे घालून आलेल्या स्त्रियांचे एकत्र जेवणाचे कार्यक्रम. उद्या थोडं हसू, काही उद्विग्नता..
आधुनिक स्त्रियांचा स्त्रीवाद हा लेख मी काही दिवसापूर्वी लिहिला होता. त्यावर स्त्रियांच्या एक छोट्या समस्येबद्दल लिहिले होते. त्या लेखावर प्रतिसाद देणाऱ्या बऱ्याच लोकांच्या मते हा लख अपूर्ण होता. मलाही तसेच जाणवले आणि थोडा व्यापक विषय घेऊन काहीतरी लिहावे असे वाटायला लागले म्हणून सर्वसामान्य स्त्रियांना (विशेषत: भारतीय) साधारणपणे भेडसाविणाऱ्या मूलभूत समस्यांबद्दल लिहायचे ठरविले. हा लेख आकाराला येण्यासाठी आधीच्या लेखावरचे प्रतिसाद खूप मदत करून गेले.
नमस्कार मित्र मैत्रिणींनो,
दर वर्षीप्रमाणे याही वर्षी फोटो सर्कल सोसायटीने महिला दिनाच्या निमित्ताने 'विद्युल्लता' हे फोटोस्टोरी प्रदर्शन आयोजित केले आहे.
२०१५ साली महाराष्ट्रातल्या ठाणे, पुणे, जळगाव, सोलापूर, तुळजापूर, लातूर, औरंगाबाद अशा विविध भागातल्या, समाजासाठी उत्तुंग कार्य करणाऱ्या स्त्रियांच्या फोटोस्टोरी या प्रदर्शनात पहाता येतील. या प्रकाशचित्रांचे प्रदर्शन ६ मार्च २०१५ ते ८ मार्च २०१५ रोजी ठाणे कलाभवन, ठाणे येथे भरवले जाणार आहे.
तुम्हा सगळ्यांना या प्रदर्शनासाठी आग्रहाचे निमंत्रण.
पूर्वांचल - मातृशक्तीचे विराट दर्शन - ५ - अजून थोडे पेनुर्सला
३१- डिसेंबर - २०१३
पूर्वांचल - मातृशक्तीचे विराट दर्शन - ४ - धाडसी महिलांच्या गावात
३० डिसेंबर २०१३
रात्र तशी फारच कुडकुडत गेली होती. सकाळीच सामान आवरून, बॅगा घेऊन आम्ही तिघी बंगल्याच्या बाहेर आलो. थोड्याच वेळात इतर तिघेही आले आणि आम्ही आमचे सारथी गोविंदजी यांची वाट बघत थांबलो. सारथ्याचे नाव गोविंद असणे हा काय सुरेख योगायोग आहे पहा.
२९ डिसेंबर २०१३ - योक्सीची राणी लक्ष्मीबाई
प्रवासात असताना माझी झोप तशी पहाटे लवकरच मोडते. त्यामुळे भल्या पहाटे जाग आली, बाहेर किंचित तांबडं फुटलं असावं असं वाटलं, पण उठून पडदा उघडून कोण बघेल? . थंडीमुळे दुलईतून बाहेर यावेसे वाटत नव्हते. रात्री केव्हातरी मधेच उठुन मी ती निखारयाची शेगडी किचनमध्ये नेऊन ठेवली होती, बहुधा खोलीत कार्बन मोनोक्साईड जमेल या भितीने असावे. काही वेळाने उठले आणि माझं आवरायला घेतलं. गरम पाणी मिळण्याची शक्यता वाटत नव्हती त्यामुळे आंघोळीला बुट्टीच होती. बर्फासारख्या गार पाण्याने ब्रश केलं, हातपाय धुतले. कपडे बदलले की झाले फ्रेश! तोपर्यंत घरातले इतरही उठले होते.
पूर्वांचल - मातृशक्तीचे विराट दर्शन - २
विमानतळापासून निघून गुवाहाटी मधल्या धुळ भरलेल्या रस्त्यामधून आमचा प्रवास सुरु झाला. मध्ये मध्ये दिसणार्या ओळखीच्या वास्तू, युनिवर्सिटी यांची माहिती आशिष आम्हाला देत होते. मधेच युनिवर्सिटीच्या गेटजवळ त्यांचा एक मित्र त्यांना भेटायला आला होता. अरुणजींनी माझ्याकडे एक जाडजूड पुस्तक दिले होते, जे मी पहाटेच आशिषकडे देऊन टाकले होते. ते पुस्तक घेण्यासाठी तो मित्र आला आणि त्याने काही गरम कपड्यांची एक पिशवी गाडीत देऊन ठेवली! न जाणो आम्हाला लागली तर म्हणुन!
