चित्रपट कसा वाटला -९

अ मॅन कॉल्ड ओटो - फायनली बघितला.
आवडला.
तरी पुस्तकाची मजा दसपटीने जास्त आहे

ओटो आणि त्याच्या मित्राची गाड्यांची एकंदर आवड, वेगवेगळ्या ब्रॅन्ड्सवरचं प्रेम, इतर ब्रॅन्ड्स त्यापुढे अगदी फालतू हे एकमेकांना पटवण्याची एकही संधी न सोडणे - या मुद्द्यांवरून पुस्तकात खूप बारीकसारीक subtle मजा मजा आहे. ते वाचायल धमाल येते. त्यांची मैत्री त्यातून दिसते. त्यामुळे त्यांच्यातला अबोलाही भिडतो आणि शेवटी ओटो त्याच्या पाठीशी उभा राहण्यामागची त्याची भावनाही भिडते. ते सिनेमात नीटसं आलेलं नाही (किंवा घेतलेलं नाही)

ओटोचा ग्रम्पीनेस सुद्धा सिनेमात थोडा टोन-डाऊन केल्यासारखा वाटला.

Merry Christmas पाहिला नेफिवर..
छान आहे...थोडा वेगळा...संवाद फार नाहीएत...एका रात्रीत घडतो पिक्चर... बॅकग्राऊंड म्युझिक जुन्या काळात असायचं तस आहे...
विजय सेतुपती आवडतोच...पण कतरिना ही छान....
मला तिची छोटी मुलगी फार आवडली specially तिचे मोठे मोठे डोळे..

अश्विनी, 'मेरी ख्रिसमस' बघायचा होता. आता सेतुपती आवडायला लागला आहे आणि संप्रति यांनी आचार्यांच्या एका धाग्यावर उल्लेख केला होता. धन्यवाद.

'अ मॅन कॉलड् ऑटो' मलाही आवडला.

दो पैसे की धूप चाराने की बारीश >>> खूपच आवडला. अस्मिता, रेकोबद्दल धन्यवाद.

मनिषा कोयराला आजपर्यंत कधी आवडली नव्हती. यात मात्र खूप सुंदर अभिनय केलाय, त्या सटल मेकअपमध्ये सुंदर पण दिसली आहे. रजीत कपूर नेहमीच आवडतो, पण या सिनेमात सगळ्यात जास्त आवडला तो काकू! नुसता चेहरा वापरून या वयात अभिनय करणे कठीणच असते. मुद्दाम त्याच्याकरता क्रेडीट्स बघितली - सनज नवल म्हणजे दिप्ती नवलचा मुलगा आहे का?

उलट मळकट आहे. >>> म्हणून जास्तच आवडला. उगाच चकाचक करायच्या नादात हल्ली सामान्यपण सिनेमात अभावानेच पहायला मिळतं. आणखी एक जाणवलं म्हणजे अंधार, सावल्या यांचा वापर. सिनेमा हा छायाप्रकाशाचा खेळ असतो पण हल्ली प्रकाशाच्या लखलखाटात सावल्या अभावानेच दिसतात.

सनज नवल म्हणजे दिप्ती नवलचा मुलगा आहे का?
>>>> दीप्ती नवलच्या भावाचा मुलगा आहे बहुतेक.

छान वाटले वाचून, माधव. दुसऱ्या परिच्छेदासाठी अनुमोदन.

माधव, मागे तू 'द आऊटफिट' बद्दल लिहिलं होतंस, तेव्हा नाव नोट करून ठेवलं होतं.
नुकताच तो पाहिला. आवडला. त्याची स्टोरीच भारी आहे.
एखाद-दुसरा दुकानाच्या बाहेरचा शॉट सोडला तर सगळा सिनेमा इनडोअर्स आहे, अमिताभच्या 'आंखें'सारखा.
त्यामुळे ते विंटरी वातावरण खूप परिणामकारक वाटतं.
पाश्चात्य देशांमधल्या विशेषत: कडक हिवाळ्याचा कथानकात असा वापर करून घेतलेला मला फार आवडतो.

मी पण बघितला आहे हा सिनेमा. पूर्णपणे डोक्यावरून गेलेला.

Merry Christmas पाहिला नेफिवर -? राघवन कडुन अजुन अपेक्शा होत्या. जोनी गद्दार, एक हसीना थी, अन्धाधुन च्या तोडिचा नाही वाटला.

मी पण Merry Christmas पाहिला. ठीक आहे वन टाइम वॉच. प्लॉट मधली एक विशिष्ट आयडिया कुठून तरी सुचल्यानंतर त्याच्या भोवती बळेच बाकी कथा विणली असावी असे वाटते.

डबल.

नेटफ्लिक्स -
मेरी ख्रिसमस मलाही नाही आवडला. अतिशय संथ आहे, तासभर तर पकडच घेत नाही. कटरीनाला एका मर्यादेपर्यंतच अभिनय येतो, तिनं जीव तोडून प्रयत्न केलेत पण मजा येत नाही. सेतुपती चांगले काम करतो. ९६ सारखं इथेही रात्रभर हिरोईन सोबत गावभर हिंडतो आहे. लूप होल्स भरपूर आहेत. जमला नाही सिनेमा.

स्पेसमॅन (ॲडम सॅन्डलर) बघू नका. एकतर ॲडम सॅन्डलर कायम हायस्कूल ड्रॉप आऊट, उथळ, फ्लर्ट वाटत आलेला आहे. इथं बुद्धिमान, विचारी, गंभीर, फक्त बायकोवरच निरतिशय प्रेम करणारा- ती दुरावल्यावर व्यथित होऊन तिची आर्जवं करणारा ॲस्ट्रॉनॉट आहे. तो प्रांत टॉम हॅन्क्सचा, ॲडम सॅन्डलर तर पटापट 'मूव्ह ऑन' होणारा वाटतो. त्याला फार तळमळताना बघणं अनैसर्गिक वाटत होतं. काहीच झेपलं नाही. शिवाय सिनेमाही अतिशय विचित्र आणि कंटाळवाणा आहे. पार्श्वसंगीत चांगलं आहे, psychedelic वाटलं. पण तेही Interstellar च्या तोडीचं नाही.

मला सुरुवातीला अ‍ॅडम सँडलरचं अ‍ॅक्टिंग आवडल्याचं आठवतं आहे आणि मग कधीतरी तो आवडेनासा झाला.

मला त्याचा हातखंडा असलेल्या कॉमेडी जॉन्रात तो आवडतोच. तो आणि अक्षय कुमार सारखेच वाटतात. दोघांनाही नेटफ्लिक्सने दत्तक घेतले आहे.

मी सँडलरचा एकच सिनेमा बघितलाय, uncut gems. त्यात त्याची गंभीर भूमिका आहे, आणि काम चांगले केले आहे त्याने.

यातही काम वाईट आहे असे नाही पण सिनेमा विचित्र आहे. Uncut gems बघितलेला नाही.

ॲडम सॅन्डलरचा ‘Spanglish’ पाहिला नसेल तर माझ्याकडून शिफारस.

बघितला आहे, तीनदा.

नाही बघितला, बघतो.

स्पेसमॅन बद्दलच विचारणार होते, डाळ शिजली नाही हे कळले, तर पुढे पाहु की नको? बरं झालं सांगितलंत.

ओपानहायमर पहाताना कंटाळा आला.

एव्हढ्या सबस्क्रीप्शन्स आहेत पण युट्यूबवर डब्यात गेलेले सिनेमे बघतो. >>> माझंही असं होतं बर्‍याचदा. काल सगळे इतर पर्याय सोडून "सौ साल बाद" हा रामसे-पट (किंवा तत्सम) पिक्चर पाहणार होतो. हा "बीस साल बाद" च्या पाचपट हॉरर असेल तर मजा येइल.

९६ सारखं इथेही रात्रभर हिरोईन सोबत गावभर हिंडतो आहे >>> काहीकाही कॉमेण्ट्स ओळखायला आयडी चेक करावा लागत नाही, तशीच ही आहे

सॅण्डलर बद्दल सहमत आहे (मी स्पँगलिश बघितल्याचे आठवत नाही). उद्या गोविंदाला संजीव कुमारचा रोल दिला तर तो करेलही नीट पण आपल्यालाच तो अवघडल्यासारखा वाटेल सॅण्डलर बद्दल माझे मत बिग डॅडी (२-३ वेळा), हॅपी गिल्मोअर किंवा वॉटरबॉय - दोन्हीपैकी कोणता पाहिला आहे ते आठवत नाही, मि. डीड्स, ५० फर्स्ट डेट्स, क्लिक असले पिक्चर बघून झालेले आहे. आता त्याचा कोठेतरी मी न पाहिलेला एकदम ऑस्करवर्दी रोल असेलही. माहीत नाही.

९६ सारखं इथेही रात्रभर हिरोईन सोबत गावभर हिंडतो आहे
>>>>>>

नुसते हिरोईन नाही तर दुसऱ्याच्या बायकोसोबत

शेवट झाल्यावर मला क्षणभर कळलेच नाही की पिक्चर संपला.. रात्रीचे तीन वाजले होते. मला वाटले माझा डोळा लागला की काय.. म्हणून मागे नेऊन पुन्हा पाहिला. मग कळले की हाच शेवट होता. आपण समजून जायचे काय ते..

गोविंदाला संजीव कुमारचा रोल
>>> 'किसी डिस्को में जायें' संजीव कुमार वर चित्रित झालेलं कल्पनेत बघूनही थरकाप उडाला. अशा वेळी इलाकातल्या स्पष्टतेचं महत्त्व पटतं. इलाकाची थट्टा केल्याने अद्दल घडली.

दुसऱ्याच्या बायकोसोबत>>> तेच तर, निघाला आपला. तिचा हेतू होता, हा आपला उगाच. मला तर रिव्हर्स करूनही कळलं नाही बरंच.

- स्पॉइलर अलर्ट -
..

मला कळले ते असे की तो आपल्याकडे असलेले पाकीट दाखवतो म्हणजे आरोप स्वतःवर घेतो. कतरिनाला वाचवतो. त्याबदल्यात ती त्याची रिंग आणि त्याचे प्रेम स्वीकारते. पुन्हा सात वर्षे सजा भोगून आल्यावर म्हणजे टोटल चौदा वर्षे वनवास भोगून कतरीनाशी लग्न करेल..

मेरी ख्रिसमस बद्दल सेम टू सेम
येस ऋन्मेष मी ही तसाच अर्थ काढला.
किती संथ आहे पण सिनेमा. फारच रटाळ होतो मधेमधे. नाही आवडला एवढा.