उंबरा दमदम्या गायदरा आणि जाखमाता
बहुतेक गेल्या वर्षी आमचे सह्यमित्र ‘दिलीप वाटवे’ यांचे उंबरा घाटाचे फोटो पाहिले. मग फोनवर त्यांच्याशी उंबरा घाटाबद्दृल बरीच चर्चा, अगदी तेव्हा पासून भीमाशंकर सिद्धगड भागातला हा घाट करायचे हे मनात होते. मागे त्यानुसार दारा घाटासोबत याला जोडायचे या तयारीनिशी निघालो सुद्धा पण त्या वेळी काही जमून आले नाही. नंतर याच उंबरा बद्दल एक घटना संवेदनशील मनाला चटका लावून गेली.
चावंड - कुकडेश्वर - ढाकोबा - दुर्ग - आहुपेघाट - गोरखगड - सिद्धगड - नारीवली घाट - भीमाशंकर
चावंड - कुकडेश्वर - ढाकोबा - दुर्ग - आहुपेघाट - गोरखगड - सिद्धगड - नारीवली घाट - भीमाशंकर
मनात कितीही ठरवले तरी प्रत्यक्षात ते उतरणे बरेचदा कठीण होउन बसते.. सिद्धगडाबद्दलही तेच झाले.. पावसाळ्यात अनेक छोटे-मोठे धबधबे पोटाशी बारगळणारा हा गड यंदाच्या पावसात तरी सर करण्याचे ठरवले होते.. पण काही जमत नव्हते..शेवटी जायच्या आदल्यादिवशी ठरले एकदाचे.. मी आणि जो (गिरीश जोशी).. पण दुकट्याने ट्रेक करणे धोक्याचे त्यात हा जंगलाने वेढलेला गड असे ऐकून होतो सो पुन्हा संध्याकाळी हा ट्रेक रद्द करण्याचे मनात आले.. तीला सांगितले तर तीसुद्धा 'नाही जायचे' करू लागली.. म्हटले जाउदे नको करूया ट्रेक !! तोच पुन्हा जो चा फोन आला.. " यो, चल रे जाउ.. रिस्क न घेता जिथपर्यंत जमेल तितके जाउ. नि परत येऊ..
