कारभार ऑनलाइन
कोणीही करू शकतो
कोठूनही करू शकतो
हवा असलेला व्यवहार
ऑनलाइन फिरू शकतो
नको वाटणार्‍या विलंबासह
होणारे खेटेही घटले जातील
अन् सरकारी कामं करण्यासाठी
ऑनलाइन ऑफिस थाटले जातील
विशाल मस्के
सौताडा, पाटोदा, बीड.
मो.९७३०५७३७८३
वास्तव
कुठलीही येजना असुद्या
घोटाळ्याविना ठेवत नाहीत
गुन्ह्याने हात माखले तरी
आरोप अंगी लावत नाहीत
भांडाफोड होताच मग
शिकारी हीच सावज असते
बोट वाकडे केल्यावरती
लोणी सुध्दा सहज फसते
विशाल मस्के
सौताडा, पाटोदा, बीड.
मो.९७३०५७३७८३
चौकशीचं घोडं
इकडून तिकडं फिरतंय
तिकडून इकडं फिरतंय
कित्तेकांचा तर दावा आहे
तिथे पाणी नक्कीच मुरतंय
आरोप आहेत, पुरावे आहेत
अजुनही का थांबतंय थोडं,.?
कळतंय तरी पण वळत नाही
चौकशीचं का अाडतंय घोडं,.?
विशाल मस्के
सौताडा, पाटोदा, बीड.
मो.९७३०५७३७८३
मेळावे
नव-नव्या विचारांनुसार
नवे-नवे खेळ असतात
वेग-वेगळ्या मुहूर्तावर
नवे-नवे मेळ असतात
नव-नवे मेळ घालण्यासाठीही
नव-नवे खेळ खेळावे लागतात
शक्ती-भक्ती तपासण्यासाठी
कधी मेळावे घोळावे लागतात
विशाल मस्के
सौताडा, पाटोदा, बीड.
मो.९७३०५७३७८३
किंमत
यश प्राप्ती करण्यासाठी
ते सर्वमान्य लुटता आलं
पण ज्याला सोनं म्हटलं
तेच आज आपटा झालं
प्रत्येकाला संधी मिळणे ही
ज्या-त्या वेळची गंमत असते
ज्याची-त्याची,ज्याला-त्याला
त्या-त्या वेळीच किंमत असते
विशाल मस्के
सौताडा, पाटोदा, बीड.
मो.९७३०५७३७८३
अविश्वासी खंजीर
टोचणाराची कमी नाही
खेचणारांची कमी नाही
असे कोण असेल सांगा
ज्याला खुम-खुमी नाही
याची-त्याची जीरवण्याला
जो-तो म्हणे खंबीर असतो
मात्र सर्वात धक्कादायक
अविश्वासी खंजीर असतो
विशाल मस्के
सौताडा, पाटोदा, बीड.
मो.९७३०५७३७८३
चौकशी
विहिरी पासुन शेतापर्यंत
योजना सुध्दा झिरपतात
लाट आली तरी देखील
टिपके-टिपके टिपकतात
नक्की पाणी कुठं मुरतं,.?
कळून देखील दिसत नाही
जिथं मुरतं पाणी तिथे
चौकशी आत घूसत नाही
विशाल मस्के
सौताडा, पाटोदा, बीड.
मो.९७३०५७३७८३
पोस्टरवाली बात
लोक पहायला आहेत म्हणून
लावायलाही बरे वाटते
पुराव्यानिशी असेल तर
पाहणारालाही खरे वाटते
वादंगी वनवा भडकवणारी
कधी ती छोटी वात असते
कधी पटणारी,कधी खटकणारी
पोस्टरवाली बात असते
विशाल मस्के
सौताडा, पाटोदा, बीड.
मो.९७३०५७३७८३
जल वॉर
इकडचं तिकडं जायला हवं
तिकडचं इकडं यायला हवं
गरज भासेल तेव्हा-तेव्हा
पाण्याचं स्थलांतर व्हायला हवं
माणसांशी वागताना हल्ली
माणूसपणही सोडलं जातंय
प्रांतीय सीमांच्या आकुंचनात
पाणी सुध्दा आडलं जातंय
विशाल मस्के
सौताडा, पाटोदा, बीड.
मो.९७३०५७३७८३
अच्छे दिनची चुणूक
खाणं महाग झालंय इथे
जीणं महाग झालं आहे
अच्छे दिनचं वारं सांगा
कुण्या दौर्‍यात गेलं आहे
वेग-वेगळे स्वप्न दाखवून
जनता इथली ठकवली आहे
अच्छे दिन ची चुणूक मात्र
तुर डाळीने दाखवली आहे
विशाल मस्के
सौताडा, पाटोदा, बीड.
मो.९७३०५७३७८३
