प्रशासन

नगर सेवक

येणार्‍या आपत्तींचा देखील
आधीच घेतला जावा आढावा
नगराचा विकास करताना
कधी स्वार्थ मध्ये ना अडावा

दारिद्रयाची जावक करताना
विकासाची व्हावी सदा आवक
नगराचा विकास करण्यासाठी
निस्वार्थीच हवा हो नगरसेवक

विशाल मस्के
सौताडा, पाटोदा, बीड.
मो.९७३०५७३७८३

सत्ता

एकहाती सत्ता घेणासाठी
सारेच उतावळे असतात
वेगळी सत्ता मागण्यासाठी
कधी गोतावळे असतात

एक-मेकांना विरोध करत
हमरी-तुमरी जोरात असते
पण सत्ता आली तरी घरात
अन् गेली तरी घरात असते

विशाल मस्के
सौताडा, पाटोदा, बीड.
मो.९७३०५७३७८३

प्रचारात

मतदारांच्या वशीकरणा
जणू मायावी जाळे असतात
प्रचारांच्या तोफांमध्ये
अश्वासनीय गोळे असतात

कधी आरोप,कधी टीका
कधी गार्‍हाणे घातले जातात
तन-मन-धन देखील
प्रचारात ओतले जातात,...

विशाल मस्के
सौताडा, पाटोदा, बीड.
मो.९७३०५७३७८३

डाळ जप्ती

वाढल्या डाळीच्या भावाने
जनता इथली पीडली आहे
अन् कोट्यावधीची डाळ
गोदामांत पडली आहे,...!

जिथे भांडं फूटेल तिथे
म्हणे डाळीची जप्ती आहे
तरीही सांगा साठेबाजांना
नैतिकता का खुपती आहे,.?

विशाल मस्के
सौताडा, पाटोदा, बीड.
मो.९७३०५७३७८३

प्रिय नेत्यांनो

नेत्यांच्या वागणूकीने म्हणे
'नेता' शब्द शिवी झालाय
टोप्या घालण्याचा गुणधर्म
जणू नेत्यांची छवी झालाय

अती व्हि.आय.पी. वागणं
आता नेत्यांनी सोडून द्यावं.?
घेतलं कर्जही तत्परतेनंच
वेळो-वेळी फेडून घ्यावं

ज्याने गौरव व्हायला हवा
त्याने मान ना झूकायला हवी
अन् "नेता" शब्दाची लाजही
आता नेत्यांनीच राखायला हवी

विशाल मस्के
सौताडा, पाटोदा, बीड.
मो.९७३०५७३७८३

कर्जाळू जीणं

करपतंय पीक
रानही वाळतंय
दूष्काळानं सारं
काळीज पोळतंय

काळ्या मातीमधी
कसं पिकंल सोनं
ठरतंय जीवघेणं
हे कर्जाळू जीणं

विशाल मस्के
सौताडा, पाटोदा, बीड.
मो.९७३०५७३७८३

माणसांनो

माणसांशी हेवे-दावे
जोपासतात माणसं
माणूसकीत वैरपण
खुपसतात माणसं

आपण कसे वागतो हे
माणसांनो तपासा
माणुसकीने माणसांनो
माणसांना जोपासा

विशाल मस्के
सौताडा, पाटोदा, बीड.
मो.९७३०५७३७८३

अहो इलेक्शन,...!!!

विकासाचे मुद्दे देखील
कधी बाजुला ठेवले जातात
वैयक्तीक हेवे-दावे मात्र
जोमा-जोमाने तेवले जातात

सत्तेसाठीचा आटा-पीटाही
इथे कुणाचाच झाकत नाही
कारण इलेक्शन आल्याशिवाय
कूठलाच नेता झूकत नाही,.?

विशाल मस्के
सौताडा, पाटोदा, बीड.
मो.९७३०५७३७८३

दाल की बात

विकणारांची शिजु लागली
खाणारांची शिजणार कशी,.?
आता स्वयंपाकी भातावरती
वरणी डाळ सजणार कशी,.?

अपेक्षांचा चुराडा करत
'अच्छे दिन' वर हा घात आहे
सामान्यांना न परवडणारी
जणू ही "दाल की बात" आहे

विशाल मस्के
सौताडा, पाटोदा, बीड.
मो.९७३०५७३७८३

नाराजाचे मनोगत

आमचं मस्त चाललंय म्हणा
पण आम्हालाच टोचतं आहे
आमच्याच्याच वागण्यामुळे
आमचं मन खचतं आहे,...

आमच्याचीच कूट नीतीही
आम्हालाच ठकवते आहे
हि मनी पडलेली खंत मात्र
पुन्हा-पुन्हा सतावते आहे

विशाल मस्के
सौताडा, पाटोदा, बीड.
मो.९७३०५७३७८३