प्रशासन

प्रिय प्रवाशांनो

प्रवासातील सुरक्षेकडे
लक्षपुर्वक लक्ष द्यावे
स्वत:च्या काळजीसह
इतरांसाठी दक्ष रहावे

कितीही घाई असली तरी
नियम तोडून जाऊ नये
जीवन अनमोल देण आहे
जीवनाला चुना लावु नये

विशाल मस्के
सौताडा,पाटोदा,बीड.
मो.९७३०५७३७८३

मंत्रीमंडळ विस्तारात

कुणाला भलतं महाग जातं
तर कुणाला पडतं सस्त्यात
कुणा-कुणाची वर्णी लागणार
सारं गुपितही गुलदस्त्यात

ज्यांची वर्णी लागेल त्यांचा
भविष्यकाळ हसु शकतो
तर मंत्रीमंडळ विस्ताराचा
कुणाला झटका बसु शकतो

विशाल मस्के
सौताडा,पाटोदा,बीड.
मो.९७३०५७३७८३

क्रांतीसुर्य ज्योतिबा फूले

स्री-पुरूष समानतेचे
आज येऊ लागले नारे
नारींच्याही यशकिर्तीचे
आता वाहू लागले वारे

स्री शिक्षणाला जागृत झाला
हा समाज तुमच्या मुळे
आजही तुम्हा नमन करतो
क्रांतीसुर्य ज्योतिबा फूले

विशाल मस्के
सौताडा,पाटोदा,बीड.
मो.९७३०५७३७८३

जेल पार्टी

मोबाइल चा वेगळा दर
चार्जिंगचा वेगळा दर
गांज्या आणि पार्टीसाठी
ठरलेला वेगळा दर

वेळो-वेळी लक्षपुर्वक
कैद्यांची उठाठेव होती आहे
कळंबा जेलची अशी
दुर-दुरवर ख्याती आहे

हॉटेल सारखेच जेल देखील
स्टार वाले ठरू लागतील
"जेल-पार्टी" करण्यासाठी
लोक गुन्हेही करू लागतील

विशाल मस्के
सौताडा,पाटोदा,बीड.
मो.९७३०५७३७८३

* सदरील वात्रटिका ऑडीओ स्वरूपात ऐकण्यासाठी व्हाटस्अप नंबर :- 9730573783

खरा दोष

डान्स-बार बंदी उठल्याने
कुणी सुखावले-कुणी दुखावले
डान्स बारकडे वळतील म्हणे
इथले कित्तेक रंगेल पावले

कित्तेकांच्या बरबादीचाही
डान्स-बार वर रोश असतो
मात्र तो डान्स-बारचा नाही
तिथे जाणारांचा दोष असतो

विशाल मस्के
सौताडा,पाटोदा,बीड.
मो.९७३०५७३७८३

गती

त्यांनी छो म्हणताच
कित्तेक धावले जातात
त्यांनी "हो" म्हणताच
ब्रेकही लावले जातात

मात्र छो-हो म्हणायला
इथे विशेष निती असते
दुसर्‍यांच्याच इशार्‍यावर
कित्तेकांची गती असते

विशाल मस्के
सौताडा,पाटोदा,बीड.
मो.९७३०५७३७८३

आमचे संविधान

स्वातंत्र्य समता बंधुत्वाचा
चरा-चरात मिळतो मान
अभिव्यक्ती स्वातंत्र्याचा
इथे मिळतो हो बहूमान

धर्मनिरपेक्षता समाजवादी
आहे एकात्मतेचा प्राण
मानवतेच्या कल्याणासाठी
जगात भारी आमचे संविधान

विशाल मस्के
सौताडा,पाटोदा,बीड.
मो.९७३०५७३७८३

सहिष्णूतेसाठी

संभ्रमात मन घूटमळल्यास
मुद्दा पटत नाही पटणाराही
बोलणार्‍याचं बोलणं ऐकताना
भानावर असावा ऐकणाराही

तेव्हाच मनातील गैरसमज
भुर्रर्र करत उडुन जातील
अन् देशभरात सहिष्णूतेचे
वातावरणही घडून येतील

विशाल मस्के
सौताडा,पाटोदा,बीड.
मो.९७३०५७३७८३

ऐका जरा

ज्यांना जायचे असेल
त्यांना खुशाल जाऊ द्या
ज्यांना रहायचे असेल
त्यांना बिंधास्त राहू द्या

त्यांच्या अभिव्यक्ती स्वातंत्र्यावर
विनाकारण वादंग बडवू नये
आपल्या वागण्यानेच देशात
असहिष्णूता घडवू नये

विशाल मस्के
सौताडा,पाटोदा,बीड.
मो.९७३०५७३७८३

सुरक्षिततेसाठी

आपला आपला विचार घेऊन
एकेक आवाज उठु लागलाय
पाण्याचाच धोका आजकाल
माशालाही वाटू लागलाय,..?

पाण्यात संकट आले म्हणून
त्याने पाण्याबाहेर घसरू नये
पाण्याविना सुरक्षितता नाही
हे माशाने कदापी विसरू नये

विशाल मस्के
सौताडा,पाटोदा,बीड.
मो.९७३०५७३७८३