वाटणी महाराष्ट्राची
आपले असुन परक्यावानी
आता आपलेच वागु लागले
स्वत:साठी वेगळी मागणी
जोर धरून मागू लागले
आपल्या हाताने विनाकारण
करू नये आपलीच छाटणी
ती विदर्भाची निर्मिती नव्हे
महाराष्ट्राची ठरेल वाटणी
विशाल मस्के
सौताडा,पाटोदा,बीड.
मो.९७३०५७३७८३
तडका - कांदिवली न्युज
सुखी चालल्या जींदगीला
अधोगतीचे बाक आहेत
आगीत फक्त संसार नाही
कित्तेक उमेदी खाक आहेत
जळले आहेत पंख तयांचे
आता झेप घेता येईल का,.?
मोडला संसार सावरण्याला
सरकार मदत देईल का,..?
विशाल मस्के
सौताडा,पाटोदा,बीड.
मो.९७३०५७३७८३
उमेदवारीचे सत्य
प्रत्येक प्रत्येक निवडणूक
हौसे-हौसेनं लढवावं वाटतं
पण "मन मे हा,मुह मे ना"
नाईलाजाने म्हणावं लागतं
मात्र उमेदवारी नाकारली तरी
खुश असल्याचं दाखवावं लागतं
अन् वाट्याला आलेलं दु:खही
हसतमुखाने पचवावं लागतं
विशाल मस्के
सौताडा,पाटोदा,बीड.
मो.९७३०५७३७८३
मनोगत घटक पक्षाचे
आम्ही कुठवर वाट पहावी
तुम्ही अजुन ना लाजता राव
सत्ता मिळवली आपण परंतु
तुमचीच पोळी भाजता राव
विस्ताराचा मुहूर्त लांबवुन
आमच्या मनी घालता घाव
सत्तेच्या या वाटा-घाटीत
तुम्ही चिडी खेळता डाव,.!
विशाल मस्के
सौताडा,पाटोदा,बीड.
मो.९७३०५७३७८३
चहापान आणि विरोधी पक्ष
अधिवेशन म्हटलं की
चहापान ठरलेलं असतं
पण प्रत्येकच चहापान
बहिष्कारानं घेरलेलं असतं
चहापान आणि बहिष्काराचं
हे अतुट नातं स्पष्ट आहे
चहापानावरील बहिष्कारास
विरोधी पक्ष एकनिष्ठ आहे
विशाल मस्के
सौताडा,पाटोदा,बीड.
मो.९७३०५७३७८३
ज्ञानसुर्य
ठरला जगभरात श्रेष्ठ
विद्वत्तेच्या जोरावर
महामानव या देशाचा
भिमराव आंबेडकर
त्याच्या कार्याचा लेखा-जोखा
शब्दांमध्ये ना मावत आहे
मावळला ज्ञानसुर्य तरीही
प्रकाश त्याचा तेवत आहे
विशाल मस्के
सौताडा,पाटोदा,बीड.
मो.९७३०५७३७८३
बळीचा बकरा
वेळ प्रसंग पाहून-पाहून
मान-सन्मान दिला जातो
बळीचा बकरा समजुनही
कुणाचा वापर केला जातो
तिथे सारे सावरले जातात
जिथे जिथे खतरा असतो
मग तिथे तिथे मुद्दामहून
पुढे बळीचा बकरा असतो
विशाल मस्के
सौताडा,पाटोदा,बीड.
मो.९७३०५७३७८३
क्रांतीची मशाल
अनिष्ठ रूढी परंपरांनी
ग्रासलाय समाज हा
आकुंचित मानसिकतेने
त्रासलाय समाज हा
तिमिरातुनी तेजाकडे येणेही
कुणाच्या मनाला पटत नसते
पण अनिष्ठ प्रथा मोडल्याविना
क्रांतीची मशाल पेटत नसते
विशाल मस्के
सौताडा,पाटोदा,बीड.
मो.९७३०५७३७८३
पिंगा-दंगा
बाजीराव मस्तानीतुन
नवे वर्म भेटत आहेत,.!
पिंग्यासह मल्हारीचे
हल्ली वारे पेटत आहेत,.?
मस्तानी आणि काशीबाईचा
सिनेमात पिंगा आहे
मात्र सिनेमातील पिंग्याचा
वास्तवात दंगा आहे
विशाल मस्के
सौताडा,पाटोदा,बीड.
मो.९७३०५७३७८३
ऊद्देश
जुना ताल धरून-धरून
नव्या-नव्याने नाचतात
मागे पडलेला मुद्दाही
ओढून-ताणून खेचतात
ते सतत धडपडतात
लोकांत धाडण्या संदेश
प्रकरण गार होऊ नये
एवढाच त्यांचा उद्देश
विशाल मस्के
सौताडा,पाटोदा,बीड.
मो.९७३०५७३७८३
