निसर्गाच्या गप्पा (भाग २२)

ते जायफळ असेल तर लालबुंद आहे ती जायपत्री.. एकाच झाडापासून दोन मसाले मिळतात. शिवाय त्या फळांचे लोणचेही करतात.

ते जायफळ असेल तर लालबुंद आहे ती जायपत्री.. एकाच झाडापासून दोन मसाले मिळतात. शिवाय त्या फळांचे लोणचेही करतात.<< व्वा... ही नविनच माहिती मिळाली मला.

जायफळाचाच भाऊ. हे रानजायफळ आहे. knema attenuata. याचा उपयोग आपल्या मसाल्यातल्या जायफळासारखा करतात का ते माहिती नाही.
हा फोटो ताम्हिणी घाटातल्या काळकाईच्या देवराईतला आहे.

मग त्याला वायफळ किंवा मायफळ असा शब्द असणार. मला शंका होती कारण खर्‍या जायफळाचे कवच ( फळ ) जाड असते आणि ते एकाच बाजूने उकलते.

वायफळाचा मळा, अशा शब्दप्रयोगही आहे मराठीत.

वायफळ....

मायफळ वेगळे असते हे नक्की . लहान बाळाचे पोट बिघडले तर त्याच्या गुटीत जायफळ आणि मायफळाचा एक वेढा जास्त उगाळतात. आमच्य घरी गुटीत होतं ते.
आत्ता गूगलवर पाहिलं तर मायफळ म्हणजे oak gallnut असं दिसतंय.

हो ते, काटे मायफळ.

इतकं गोड वायफळ असेल तर वायफळ हा शब्द का पडला हे शोधायला लागेल.

आणि हीच फुल चिमटीमधे पकडुन 'रावणा तु सितेला का पळवुन नेलस, तुझ मुन्डकच तोडीन' अस म्हणुन नखाने ते फुल खुडुन टाकायचो++++ अगदी आम्ही सुद्धा हेच खेळायचो

जायपत्री मस्त...
ज्याला तुम्ही टणटणी म्हणता त्याला इकडे कळलावी म्हणतात...

जिप्सी अभिनंदन

जिप्सी अभिनंदन>>>>>कशाबद्दल?

अन्जू, बहुतेक त्याचा काही उपयोग नसणार म्हणून. जायफळात पण नर मादी अशी वेगवेग़ळी झाडे असतात ना ?
कदाचित, नर झाडाला वायफळ म्हणत असावेत.. असा आपला अंदाज.

जिप्स्या, कुणी अभिनंदन केलं तर आभार मानावेत, उगाच नस्त्या चौकश्या करू नयेत.

दिनेशदा बर्रर्
सायली, धन्यवाद (स्वगतः पण कशाबद्द्ल?)

Thanx दिनेशदा.

जिप्सी, फेसबुक वर मेल आलाय तुम्ही काढलेल्या बाप्पांच्या प्र.चि चा
दा

जिप्सी, फेसबुक वर मी सहसा नसते, म्हणुन इथे दाखव.

मायफळ ,वायफळ खुप सुंदर .

ही फळे कशाची! ओळखा पाहु!

हिरव्या चाफ्याची किंवा बकुळीची का ?

अगदी बरोबर दा.. बकुळीची आहेत.. आमच्या परिसरात एक झाड आहे, सकाळी वॉकला गेले तेव्हा हे दिसले..
अन्जु

मला पण बकुळीची वाटली, कधी नव्हे ते ओळखलं.

Mimusops elengi म्हणजे बकुळ - Family(कुळ) : Sapotaceae, मोह , चिक्कू - याच कुळातले

Mimusops elengi म्हणजे बकुळ >>

ग्रीक भाषेत mimo म्हणजे माकड आणि ops म्हणजे सारखे दिसणारे. Mimusops म्हणजे मकडासारखे दिसणारे.
इतक्या गोड फुलाकडे पाहून माकडाचे तोंड ज्याला आठवले तो धन्य होय

लोणावळ्याकडून राजमाचीकडे जाणार्या वाटेवर बकुळीची खूप झाडे आहेत. उन्हाळ्यात राजमाचीला रात्रीचा ट्रेक केला तर ती रानवाट कुड्याच्या आणि बकुळीच्या वासाने घमघमत असते. उन्हाळ्यातल्या एका पौर्णिमेच्या रात्री राजमाचीला गेलो होतो तेव्हा एका वळणावर बकुळीचा घमघमाट आला. पुढे गेलो तर वाटेवर नुकत्या उमललेल्या बकुळीचा सडा पडलेला आणि वार्‍याच्या झुळुकेसरशी बकुळीची फुलं टपटप आमच्या अंगावर पडत होती! आम्हाला तर वेड लागायचंच बाकी राहिलं होतं.

सगळच सुंदर. काय काय म्हणुन सांगू ?
इकडे इतकी नवीन नवीन महिती मिळते ना ! छान वाटतं वाचायला.

मोह , चिक्कू - याच कुळातले +++ अरे व्वा नविनच..

आदिजो... खुप छान माहिती..
वार्‍याच्या झुळुकेसरशी बकुळीची फुलं टपटप आमच्या अंगावर पडत होती!++++ काय सुरेख अनुभव !
आणि दुसरा फोटो तर खुप सुंदर आलाय... जमिनीवर बकुळीची फुलं कीती तेजस्वी दिसतायत! खुप छानः)

मला बकुळ हा असा कधीच 'अनुभवायला' मिलत नाही.
एख्दं दुसरं फुल हातात येत कधी तरी
फळ तर आजतागायत एकदाच पाहिलंय मी . खाल्लेली चव पण आठवत नाही.
एवढंस बुटुक ४ जणांमधे खाल्ल होतं

सुंदर अनुभव.. रात्री फुले खुप ताजी आणि शुभ्र असतात.. सकाळी त्यावर तपकिरी झाक येते.

एवढंस बुटुक ४ जणांमधे खाल्ल होतं +++ आम्ही अजुनही अस खातो कधी कधी... एक चिंच ओढणीत ठेवुन दातानी चार तुकडे करुन ४ जणांनी वाटुन खायचे... (चिमणीच्या दातानी :)) अस खायला मज्जा येते

सायली मी बकुळीच्या फलाला बुटुक म्हणतेय

रिया मला कळलं ग ते... पण मी चिंचेबद्द्लच सांगते आहे... किवा एकच चोकलेट असेल तरी अस खायला मज्जा येते..

बकुळ ही चिकूच्या कुटूंबातली आहे काय?

गेल्या भेटीत राणी बागेतल्या एका बकुळीच्या झाडावर सपोटा असे लिहिलेले वाचलेले आणि त्यावर मी व जिप्सीने ब-याच काथ्याकुट केलेला. सपोटा म्हणजे चिकु हे आमचे सामान्य ज्ञान. राणीबागेतली मंडळी आमच्यापेक्षा हुशार असल्याने त्यांनी झाडावर फॅमिली नाव लिहुन आमच्या डोक्याला उगीच हा भुंगा लाऊन दिला बहुतेक