कैरी-आंब्याच्या गुजगोष्टी / आम्रचर्चा

.

आंबट रसाचे आंबे पाठवावेत का ? ....त्या आंब्याचे सासव करतील की.

ग्राफिक धमक्या आवडल्या
और आने दो

धन्यवाद सर्वांना.
युवी तुम्ही बरोबर ओळखलेत, मराठवाडा.

अनिंद्य, तुम्ही पण 'लोणचं टेस्टर' !! आता आपण लोणचं गेट टुगेदर करून भेटायलाच हवे.

ग्राफिक धमक्या!

https://www.maayboli.com/node/69518

अस्मिता मस्त आठवणी.
ग्राफिक धमक्या

आंबट रसाचे आंबे पाठवावेत का ? >>>> पाठवा !पाठवा !काहीतरी पाठवा!... अनिंद्य,आमच्याकडे अजून कैरी महोत्सवच चालू आहे ,पिकलेले आंबे अजून यायचेत . तुमच्याकडे लवकर सुरू झाला आंबा महोत्सव.खरंतर आंबे आल्याशिवाय धाग्यावर यायचं नाही ठरवलं होतं .
आमच्याकडे "पाडव्याला पाड आखीतीला ग्वाड" अशी परंपरा आहे. हल्ली एव्हडी पाळत नाहीत त्यामुळे त्या आधीही देवाला दाखवून खाल्ले जातात .पण पहिला आमरस मात्र अक्षय तृतीयेलाच केला जातो . पितरांना नैवेद्य दाखवायला.उगाच आमरस न दिल्याने पितरं अजून नाराज व्ह्यायला नकोत . एक दोन दिवसात येतील हापूस . आईस्कीम ,मिल्कशेक, शिरा वगैरे मनसोक्त आंबे खाऊन झाल्यावर करायचे उद्योग आहेत . त्यामुळे फोटो नंतर.

मनसोक्त आंबे खाऊन झाल्यावर करायचे उद्योग आहेत.....+१.
पण आमच्याकडे आंबे अशासाठी उरतच नाहीत. बाट्याचा रस काढून फ्रिजरमध्ये साठवला जातो आणि मग मात्र दीपांजलीच्या कृतीने शिरा केला जातो.आंब्याचे आइस्क्रीम , मिल्कशेक आणि श्रीखंड हे 3 पदार्थ मला आवडत नसल्याने बनवत नाही.

आंब्याच्या रसाचा गोळा जो फ्रिझ करता येतो त्याचं काय काय करता येईल? माझ्याकडे भारतातून आला आहे.

आम्रखंड, खीर , शिरा, नारळाच्या वड्या, आंबा आइस्क्रीम ह्यात दुधात नीट मिक्स करून घालता येतो. गुठळ्या राहता कामा नयेत. नुसता ही छान लागतो.
जास्त उत्साह असेल तर रसाच्या पोळ्या करता येतील.

ओके. थॅन्क्स ममो. काय करायचं ते बघते. एकावेळी संपणार नाहीच.

अग वर्ष दोन वर्ष फ्रीज मध्ये आरामात टिकतो. संपवण्याची घाई नको करू. वापरायच्या आधी फ्रीजमधून थोडा वेळ आधी बाहेर काढून ठेव म्हणजे गुळासारखा मऊ होतो आणि वापरणं सोपं होतं.
दुधात घालण्या ऐवजी हवा असेल तेवढा रस आणि साखर मिक्सर मधून फिरवायची म्हणजे अगदी एकसंध होतो.

शाळा सुरू होईपर्यंत सगळ्यांची वजनं वाढायची, सगळे पिवळसर दिसायला लागायचे >>>
आमच्या घरी- नात्यात भयंकर ग्राफिक बोलायचे >>>> आख्खी पोस्ट धमाल आहे ग्राफिक धमक्या वाचून टोटल फुटलो.

अनिंद्य - मोस्टली ममोंनीच दिलेली माहिती आहे. मी एक दोन वेळा रत्नागिरीत ऐकलेल्या गोष्टी इथे टाकल्या इतकेच

उन्हाळ्यात केलेले नवीन लोणचे फार मस्त लागते.

आम्रचर्चा सिरीज मधली नवीन रेसिपी.... सिर्फ फोटो ही काफी है

सायो तो आटवलेल्या आंब्याचा रस असाच येता जाताही खाते मी. बाकी हेमाताईंनी लिहिलंच आहे.

अश्विनी कसला सुरेख फोटो, कातिल कलर.

आज मी ही स्वामी पुण्यतिथी म्हणून चितळे आंबावडी (बर्फी) घालून प्रसादाचा शिरा केलेला आणि नैवेद्य दाखवलेला.

ममो, अनिंद्य- हो नक्की. आंबा कुल्फीचं आलं माझ्या डोक्यातही.

क्राइम मास्टर गोगा सारख " हात को आया मुह न लगा" अस झालय या धाग्यावर...फोटोतुन प्लेटा पळवायची सोय हवी होती.

सिर्फ फोटो ही काफी है+100000 वा ! कसला तोपासू फोटो आहे .अप्रतिम दिसतोय आंब्याचा शिरा .

, अप्रतिम दिसतोय आंब्याचा शिरा.
हे घरी केलेलं आम्रखंड ... प्रत्येक वेळी घरी करणं शक्य नसतं सोय म्हणून रेडीमेड आणलं जातच पण विकतच आणि घरच चवीत खूप फरक पडतो.

छान दिसतंय.

धन्यवाद अंजू, अनिंद्य ..
हल्ली चारोळ्या कोणी फार वापरत नाही बदाम आणि पिस्ते जास्त वापरले जातात. पण घरी केलेल्या श्रीखंड बासुंदी मध्ये चारोळ्या मस्ट आहेत आमच्याकडे . जरा पोळपाटावर खरंगटून घातल्या की छान दिसतात.
इथे अवांतर आहे पण तरी विषय निघालाय म्हणून लिहून ठेवते, कोकणात चारोळ्याना चारणं किंवा चाऱ्या म्हणतात आणि तो एक रानमेवा आहे. सड्यावर बांधाकडेला मध्यम उंचीची ही झाडं असतात, मार्च महिन्यात ह्यांना बोरासारखी पण त्याहून आकाराने जरा लहान अशी फळं लागतात. पिकलेली फळं रंगाने काळी असली चवीला गोड लागतात. फळातील बी मध्ये जो गर असतो तीच चारोळी. हातोड्याने फोडून त्या छोट्याशा बी मधील चारोळी अखंड मिळवणे खूप वेळ मोडणारं आहे , चारोळ्या मग म्हणून ही असतील मार्केट मध्ये कदाचित..

तो आंब्याचा शिरा ❣️
आम्रखंड ❣️