कैरी-आंब्याच्या गुजगोष्टी / आम्रचर्चा

आहा मस्त धागा….. सुंदर ओळख लिहिलीय.

इथे छान छान पाकृ वाचायला मिळतील.

सीमा यांची मँगो कलाकंद ही एक आवडती पाकृ आहे.

आंबा आईस्क्रीम माबो रेसिपी आहे
मुग्धटली ह्यांनी लिहिलेली
ती वापरून छान आईस्क्रीम होते

मस्त धागा. खूप छान प्रस्तावना लिहिली आहे.

किती सुंदर उपोद्घात!
फोटो तर लाजवाब!
तुम्ही वाङ्मयातल्या आंब्याचे उल्लेख केलेत , त्यावरून गालिबचा हा किस्सा आठवला.

आहाहा कसले कातील फोटो आहेत.

आंब्याची डाळ (खरंतर कैरीची पण आम्ही आंब्याची म्हणतो) आणि पन्हं याशिवाय चैत्र महीना सुना सुना आहे. केलं नाहीये अजून.

वा !
मस्त धागा….. सुंदर ओळख

मला कधीपासून हापूस आंबा पोखरुन त्यातला गर काढून तो दुधात मिक्स करुन कुल्फी करायची आणि मग ती पोखरलेल्या आंब्यात भरुन सेट करायची इच्छा आहे. पण इथे हापूस आंबे फार सहजासहजी मिळत नाही. मिळाले तरी त्यात खराब आंबे वाया जातात ह्या सगळ्यामुळे आंबे असे वापरायला नको होतं.

हापूस आंबा अत्यंत आवडीचा.. इकडे आंबे महाग असल्याने हवे तेवढे खाता येत नाहीत पण गावी गेल्यावर पोटभर आंबे, आंबापोळी, रायवळ आंबे अशी मजा असते..

आंबापोळी

अरे वा ,आला धागा.
छान प्रस्तावना आणि अप्रतिम लाळगाळू फोटो आताच निवडक मध्ये टाकतेय कारण यावर असंख्य तोंपासू फोटोज येणार आहेत याची खात्री आहे.

मस्त धागा आणि फोटो.

खाऊगल्ली वर फोटो टाकला होता . आता वेगळा धागा निघालाच आहे तर .......
कैरीचा भात

आहाहा! फोटो पाहून खपलो.
आम्हाला ना गाव ना शेती त्यामुळे जे काही पाहिजे ते विकत घ्या आणि खा. मग त्यात अस्सल हापूस कोणता आणि केमिकलने पिकवलेला कोणता हे न बघता आंब्यांवर ताव मारायचो. लग्नाआधी तर एकच पेटी आणत असू कारण हापूसचा न परवडणारा भाव. मग मी आंबे कापायला बसायचे आणि बाट्याला जास्त गर राहिल या हिशेबाने फोडी करत असे. सगळ्यांना फोडी आणि बाटा मला. आणि जर भावाने बाटा मागितला तर तेव्हा मात्र बाट्याचा पांढरा कडक भाग दिसेल इतपत गर निघेल अशा फोडी करायचे. भावाची आणि माझी चिक्कार भांडण होत असे
काही वर्षांपासून मात्र नवर्याच्या एका मित्रामुळे जे देवगडला राहतात त्यांच्या वाडीतील अस्सल हापूस दरवर्षी न चुकता मनसोक्त खायला मिळतो. ते दोनते चार डझनच्या ४-५ पेटी तरी पाठवतात. यावर्षीची पहिली पेटी खाऊन झाली.
माझ्या ऑफिसला लागूनच २ आंब्यांची झाडे आहेत. एक छोटा चोखून खाऊ शकतो असा. त्याचे जवळजवळ ५०० आंबे काढले असतील यावेळेस. आमचे वर्कर रोज काढून मला आणून देतात. अतिशय गोड फळ आहे. आणि जो दुसरा आहे तो लोण्च्याचा आंबा असतो तसा आहे. एक फळ अर्धा किलोचे तरी असेल. ते बाजूच्या फॅक्टरीवाल्यांनी आधीच काढून घेतले. मला ३ कैरी मिळाल्या. एकाचे पन्हे केले. अर्धा तिखट मिठ लावून खाल्ला. अर्ध्याचा साखर, तिखट घालून फोडणीचा आंबा बनवला. एक आहे त्याचं काय करु विचार करतेय.

मस्त धागा.
हे आंबेपुराण आठवलं.

साहित्यातले उल्लेख हे आठवले:
ती आम्रवृक्षवत्सलता रे, नवकुसुमयुता त्या सुलता रे, तो बालगुलाबहि आता रे, फुलबाग मला आज पारखा झाला... सागरा प्राण तळमळला (सावरकर)
दाट आमराईत विसावा वितरितसे सावली, मोट उपसते विशुद्ध जीवनगंगा विहिरीतली... अससि कुठे तू (कुसुमाग्रज)
जीएंची 'कैरी' कथा - आणि त्यावर निघालेली ही फिल्म
पाडाला पिकलाय आंबा
वळणावर अंब्याचे झाड एक वाकडे.. माझिया प्रियेचे झोपडे (माडगूळकर)
पुलंच्या 'माझे खाद्यजीवन'मध्ये आंब्यांबद्दल चर्चा आहे. मी माणकुराद, इड्शाद वगैरे नावं त्यात प्रथम वाचली होती.

आणखी आठवेल तसं लिहीन.

फोटो तोंपासू आले आहेत.

माझा रेको:
मायबोलीवर अंजली यांनी दिलेली मँगो साल्सा .

वरच्या रेसिपीत कॉर्नऐवजी हिकामा घाला, उपलब्ध असल्यास.

मस्त धागा आहे! हल्ली इकडे हापूस मिळायला लागलाय पण सहजा सहजी आणि खात्रीशीर नाहीच. तरी पण आंब्याच्या सीझन मधे आमरस पोळी, मँगो साल्सा, त्या आधी कैरीचा भात, मेथांबा हे तर हमखास होतंच. आता इथे वाचून अजून आणले जाणार!
स्वाती - हे एक नेहमीचे गाणे / बडबडगीत -
आंबा पिकतो, रस गळतो
कोकण चा राजा बाई झिम्मा खेळतो

आपलं एक सांस्कृतिक प्रतीक असल्यासारखी कोय / कोयरी ही आंब्याचीच ना?

मस्त धागा... माझ्या तर id मध्येच मोहोर आहे, आंब्याशी जन्मभराची नाळ जोडली गेली आहे. आंबा हे माझ्या साठी फक्त आवडत फळ नसून त्यापेक्षा आणखी खूप काही आहे.

जर भावाने बाटा मागितला तर तेव्हा मात्र बाट्याचा पांढरा कडक भाग दिसेल इतपत गर निघेल अशा फोडी करायचे. भावाची आणि माझी चिक्कार भांडण होत असे Lol >>>> निल्सन सेम ,आंब्यावर भांडणं आमच्याकडे अजूनही होतात .कोय कोण खाणार यावर कापणारा जवळून की पातळ फोडी होणार हे ठरते ,मोस्टली मीच कापते (त्याला कापायचा कंटाळा)त्यामुळे मीच पार्षलिटी करते असं भावाचं मत, पण कापणाराला थोडं मेहनतीचं बेनिफिट मिळायलाच हवं ,असं वडील म्हणतात ,त्यावर परत भांडण, तुमी तिचीच बाजू घेता म्हणून . मी पार्षलिटी करत नाही खरच पण मी घरात समान वाटण्या करण्याला प्रसिद्ध आहे त्यामुळे अश्या गोड जबाबदाऱ्या माझ्यावरच सोपवल्या जातात.

आंब्याची कढी

भावाची आणि माझी चिक्कार भांडण होत असे Lol>>>
निल्सन आमच्याकडे पण अशी भांडणं व्हायची आंबे आणि भाजलेल्या काजूंवरून..
गावी स्वतःची थोडी हापूस आंब्यांची झाडं आहेत त्यामुळे थोडेफार आंबे मिळतात खायला.. गेल्या एक दोन वर्षात मात्र हापूस चा मोहोर कमी झालाय कधीही येणाऱ्या पावसामुळे.. रायवळ आंबा मात्र खूप मिळतो.. कितीही खा कोणी काही विचारत नाही..

ही वाचा आंब्याची रसाळ गोष्ट

अनिंद्य, तुमची आई फार हुशार होती. .!

This principle is applicable everywhere, in fact!

आणि आंबेहळद आणि आंबेमोहोर तांदूळ आणि अंबुवा की डालीपे युगानुयुगं गाणारी कोयलिया.

यावर्षीची पहिली पेटी खाऊन झाली.
>>>>>
जाळा निल्सन जाळा....

सध्या आमच्या घरी हाच विषय आहे की मुलांना गेले काही दिवस गर्मीचा खूप त्रास होत आहे तर आंबे आणायचे कधी आणि किती?
आंब्याने होणारी गर्मी कशी कंट्रोलमध्ये ठेवायची याचेही जाणकार सल्ले येऊ द्या धाग्यावर

बाई दवे, बाट्याला/कोईला आंबा कमी लागलेला असो किंवा जास्त... ती चुसून खायची मजा वेगळीच