कैरी-आंब्याच्या गुजगोष्टी / आम्रचर्चा

सासव
https://www.maayboli.com/node/66112

उकडांबा रेसिपी आईला विचारून लिहिते, पण फोटो नसेल कारण बरेच वर्षांत तिने केला नाहिये. सध्या मोतिबिंदूचं ऑपरेशन झालंय तिचं, जरा तिला बरं वाटलं की लिहिते नक्की. मलाही ती डॉक्यूमेंटेड व्हायला हवी आहेच उकडगर्‍यांसारखी.

आता हे काय ते ही सांगा. >>> जरा जून (गरे बनलेल्या) पण कच्च्या फणसाची भाजी.

https://www.maayboli.com/node/54103 >> हे घ्या उकडगरे.. आंबा आला की फणस हवाच यायला.

अय्यो थँक्यू हेमाताई

https://www.loksatta.com/aurangabad/keshar-mango-production-india-51-per...

अनिंद्य मी किसान कनेक्ट वरून केसर आणि देवगड हापूस मागवले थोडे. दोन्ही चवीला खास नव्हते. मागच्या वर्षी हापूस छान मिळाला होता. पण यावर्षी सुरवातीला मागवले म्हणून असेल. आता रत्नागिरी हापूस मागवलाय.

>>>Boring, yet available when you want it = “टॉमी एटकिन्स”>>>>रोचक

आज उपवास म्हणून फराळाला काय करावे हा विचार करत असतानाच फ्रीजमध्ये कैरी दिसली आणि या धाग्यावरील लौंजी/ लुंजीचे लाळगाळू फोटो आठवले. मग काय जिर्याच्या फोडणीत गुळ आणि मिरची पावडर घालून उपवासाची लौंजी/ लुंजी बनवली.

पुणे जिल्हा, पुरंदर तालुका बांधावर क्वचित एखादं आंब्याचं झाड. गावात अशी १०-१२ झाडं. मग प्रत्येकाला रायवळही दुरापास्त. मी लहान असताना नातेवाईक ज्यांच्याकडे आंबे येत, ते आवर्जून इतर नातेवाईकांना आमरस जेवायला बोलवायचे. चपाती,आमरस,शेव‌ई असा साधा बेत असायचा.

चपाती,आमरस,शेव‌ई असा साधा बेत असायचा.>>> कुठल्याही आंब्याचा आमरस हा कायमच शाही असतो ❤

मस्त फोटो निल्सन.

चपाती,आमरस,शेव‌ई असा साधा बेत असायचा. >>> साधा नाही हो, राजेशाहीच बेत. आपल्याकडे आहे ते वाटून खायचं ही भावना आहे यात.

श्रीरामपुरला एका रस्त्यावर बांधावर लावलेली आंब्याची झाडं आहेत, आम्ही होतो तेव्हा आवर्जून मी त्या रस्त्यावरुन जायचे, छान वाटायचं.

तिथल्या लोकांना रत्नागिरी हापुस माहीती होता, देवगड हापुस नाही. मी द्यायचे आंबे, ते आवडायचे त्यांना. तेव्हा घरी काही बागा ठेवलेल्या, दोन पेट्या तरी यायच्या मग एक आम्हा तिघांना खूप व्हायची, एक वाटायचो आम्ही. मिस्टर बँकेत सर्वांना वाटायचे.

टोमी अ‍ॅटकिन्स ची गोष्ट मस्त आहे
आमरस शेवयांचा बेत हे ऐकले आहे पण खाल्ले नाही कधी . शेवया म्हणजे खीर करतात की कसं करतात?

मैत्रेयी, नाही.
शेवया नुसत्या उकडून चाळणीवर निथळायच्या.
मग नूडल्स सारख्या त्या ताटलीत घेऊन त्यावर रस ओतून खायचे.
( कधीकधी, पाहुणे असताना रसाच्या जेवणात पोळ्या कमी पडल्या तर , पटकन काढू का थोड्या शेवयाच आता, पोळ्या करण्यापेक्षा..? असे विचारतात)

ओह्ह... हे म्हणजे स्पगेटीवर मरिनारा ऐवजी आमरस!

ओह असं आहे होय. इन्टरेस्टिंग! प्रयोग करून बघायला हरकत नाही.

रस शेवया सारख अजुन एक सरगुन्डे पण बघितल.. रस-सरगुन्डे विदर्भात खातात.. कुठेतरी फेसबुक पोस्ट मधे बघितल..नुडल सारखच दिसल पण फारस अपिलिन्ग वाटल नाही, अ‍ॅक्वायर टेस्ट मुळे त्या भागातल्या लोकाना आवडत असणार..

हे म्हणजे कोकणात शिरवळ्या करतात तसं वाटतंय. तांदुळाच्या ऐवजी गव्हाच्या शेवया आणि नारळाच्या गोड रसाऐवजी आंब्याचा रस..

आमरस आणि गवसण्याही पॉप्युलर कॉम्बो आहे ना?
गवसणी म्हणजे तांदुळाच्या उकडीचं सारण असलेली कणकेची पोळी. (असं का ते मला विचारू नका, मला माहीत नाही. )

भारी धागा ! काल पासून वाचतो आहे.

मला आंब्याचा सर्वात आवडणारा प्रकार म्हणजे आमरस आणि पोळी / पुरी. हापूस आंब्याचा रस ओरपल्यावर जे समाधान मिळतं ते चिरून खाल्ल्यावर नाही मिळत.

तुम्ही कोणी पिठ पोळ्या करता का आमरसाबरोबर ? पुरणाऐवजी तांदुळाची उकड भरून केलेल्या पोळ्या. त्या इतक्या लुसलुशीत लागतात की बस! रसाबरोबर पिठपोळ्या खायच्या आणि मस्त कुलर/पंखा लाऊन तीन-चार तास ताणून द्यायची! हे झाल्याशिवाय उन्हाळा सार्थकी लागत नाही.

ही मागे लिहिलेली कैरी कांदा लोणच्याची रेसिपी : https://www.maayboli.com/node/6407

आंब्याचे सासव, कांदा कैरी दोन्ही आवडते. बाकी आंबा आवडतो पण ...... प्लीज मला मरु नका - आंब्यापेक्षा मला गपागप जाणारी केळीच जास्त आवडतात. हंबल व कम्फर्ट फुड
प्लीज मारु नका. आंबा तो आंबाच हे मी ही मान्य करते पण जस्ट माझा वैयक्तित पर्याय (चॉइस) सांगीतला.
--------------
आणि हो केळी वगैरे सर्वांपेक्षा कलिंगड जास्त आवडते. डॉक्टरांनी सांगीतले रोज एक फळ खा तर कलिंगड निवडावे

>>>>पुरणाऐवजी तांदुळाची उकड भरून केलेल्या पोळ्या. त्या इतक्या लुसलुशीत लागतात की बस!
ओहो!! मस्त असणार.

>>> पुरणाऐवजी तांदुळाची उकड भरून केलेल्या पोळ्या.
अरे मी त्याबद्दलच लिहिलं - मी गवसणी नाव ऐकलं आहे. (खाल्लेली नाही कधी.)

हो, आत्ता पाहिलं. आपल्या पोस्ट एकाच वेळेला आल्या.

मी गवसणी नाव नाही ऐकलेलं. पिठपोळ्या हा खानदेशी प्रकार म्हणून आमच्या घरी केला जातो.

गवसणीची कृती मायबोलीवर होती. इथे वाचूनच हा प्रकार कळला. करून पाहिलं होतं. पण जितका खटाटोप आहे, तितकी मजा खाताना आली नाही. आता मला जमल्या नाहीत (तेव्हा आई होती, त्यामुळे फायनल प्रॉडक्ट मध्ये फॉल्ट्स तरी नव्हते) की आयत्या मिळाल्या तरच छान लागतात ते सांगता येत नाही. शिवाय नोस्टाल्जियाचं आवरणही नाही . तिथेच पीठ पोळी हे नाव उकडीच्या पोळ्यांची कृतीही कळली.