निसर्गाच्या गप्पा (भाग १७)

वा जागू ----- एकाच फ्रेममधे व्हाईट ब्रेस्टेड किंगफिशर आणि ड्रोंगो (कोतवाल) यांना छानच टिपलेस की ...

जागु ताई कोडे पण घालायला लागल्या का..... हा वरचा खंड्या आमच्याकडे येऊन की.... करत साद घालतोय हल्ली रोज.. कोणी नाही भेटले अजुन.

ही दयाळाची मादी आहे काय? आज सकाळी पांढरेशुभ्र पोटवाला दयाळ आणि ह्या बाईंचे कायतरी गुफ्तगु चाललेले

साधना, जागू काय मस्त मस्त पक्षी दिसतात ग तुम्हाला....सही.

ही दयाळाची मादी आहे काय? >>>> साधना - हा रेड व्हेंटेड बुलबुल आहे ......

ओक. लालबुड्या का?

शशांक जी, आधी त्याला बाहेर घालव! वाचुन हसुन हसुन पोट दुखतय...
अगदी जिवंत चित्र उभ राहात... मस्त लिहीलाय..
तुम्ही लोकांनी इथे खुप मज्जा केलेली दिसतेय... मी बरीच उशीरा आले इथे...
पण इथे येऊन मी जाम खुश आहे.....

जागु काय सुंदर सुंदर पक्षी येतात तुमच्यकडे... जणु काही पक्षांचे नंदनवच...

रेड व्हेन्तेड बुलबुल आमच्याकडे बऱ्यापैकी दिसतात. साळुंक्या नुसता कलकलाट करत असतात आणि नेहेमीचे कावळे,चिमण्या, कबुतरे भरपूर आहेत. कधीकधी पोपट आणि वेगवेगळे पक्षी दिसतात पण क्वचित.

दिनेशदा यांनी उल्लेख केलेले 'गोईण'-राणी बंग, हे पुस्तक खूप माहितीपुर्ण आहे, मी लायब्ररीतून आणून वाचले होते पण नवरा म्हणाला संग्रही ठेवण्यासारखे आहे म्हणून आता विकत घेणार आहे.

साळुंक्या नुसता कलकलाट करत असतात>>>>कदाचित म्हणुनच त्यांना "बोलघेवड्या" म्हणत असतील. लतादिदींच्या या गाण्याप्रमाणे

काही केल्या करमनां, कसा जीवच लागंना
बोलघेवडी साळुंकी, कसा शब्द ही बोलेना
असा रुतला पुढयांत भाव मुका जीवघेणा

आज उदास उदास दूर पांगल्या साउल्या
एकांताच्या पारावर हिरमुसल्या डहाळ्या

वा जिप्सी, हे आवडतं तुमचं, लगेच एक सुंदर कविता पेश करता.

त्यांना 'कर्कश्य मैना' पण म्हणतात, कुठेतरी वाचलंय.

मैना न साळूंकी वेगळी, शशांकचाच एक लेख आहे मैनेवर.

मैना न साळूंकी वेगळी, शशांकचाच एक लेख आहे मैनेवर.>>>>>मीही निगवर येण्यापूर्वी साळुंकी म्हणजे मैना आणि पीतमोहर म्हणजे सोनबहावा समजायचो.

थँक्स टु ऑल ऑफ यु आता बरीच झाडे, पक्षी ओळखता येऊ लागले आहेत.

निसर्गासारखा नाही रे सोयरा, गुरू, सखा, बंधू, मायबाप
त्याच्या कुशीमध्ये सारे व्यापताप, मिटती क्षणांत आपोआप
आणि
कुण्या देशीचे पाखरू माझ्या अंगणात आले
त्याचे पंख परदेसी परि ओळखीचे डोळे

गीतांचे गीतकार सुधीर मोघे यांचे दु:खद निधन (आत्ताच दुघ धाग्यावर वाचले). माझे अत्यंत आवडते गीतकार.

मैना आणि साळुंकी वेगळी आहे? अरेरे घोर अज्ञान माझे. कुठे आहे शशांकजीचा लेख, लिंक मिळेल का?

सुधीर मोघे, माझेपण आवडते गीतकार.

http://www.maayboli.com/node/23471 - हा माझा लेख - पण हा "ब्राह्मणी मैने"वरचा आहे.
या मैना प्रकारचे अनेक पक्षी आहेत - गुगलून पहाणे .....

ब्राह्मणी मैना

( http://upload.wikimedia.org/wikipedia/commons/c/c3/1172ww_brahminy-myna_... ) येथून हा फोटो साभार .....

http://www.mynahbird.org/ या साईटवर मैना प्रकारच्या पक्ष्यांची माहिती मिळेल.
बरेच वेळा वेगवेगळ्या प्रांतानुसार पक्ष्यांची नावे बदलतात - त्यामुळे गोंधळ वाढू शकतो आणि म्हणूनच बायनॉमिअल नॉमेनक्लेचर सिस्टिम अस्तित्वात आली.
Common Myna, Acridotheres tristis - म्हणजेच आपली साळुंकी.
विकिपीडियावर बाकीचे "मैना" प्रकार सापडतीलच..

Thanx शशांकजी, अगदी फोटोंचा खजिना मिळाला.

शशांक जी, ब्राह्मणी मैनेच्या पिल्ला वरचा लेख खुपच हृदयस्पर्शी आहे...
खुप खुप आवडला.. तसेच तुमच्या सारखेच तुमचे कुटूंब पण पक्षी प्रेमी आहे हे वाचुन
खरच खुप आनंद झाला.... आज तुमचे दोन लेख मिळालेत.. दिवस सार्थेकी गेला...

सर्गासारखा नाही रे सोयरा, गुरू, सखा, बंधू, मायबाप
त्याच्या कुशीमध्ये सारे व्यापताप, मिटती क्षणांत आपोआप
आणि
कुण्या देशीचे पाखरू माझ्या अंगणात आले
त्याचे पंख परदेसी परि ओळखीचे डोळे

.......जिप्सी खरच काय सुरेख ओळी आहेत..

गीतकार सुधीर मोघे यांच्या बद्द्ल वाचुन खुप वाईट वाटले...

देवकी, त्या तणाचा गोडवा खरच भाळण्यासारखा च आहे...

रंगपंचमीच्या सगळ्या नि.ग.करांना खुप खुप शुभेच्छा!!!!

फोटो मात्र अंतरांजलाहुन सभार........

जागू, मस्त फोटो

शशांक,
छान लेख.

शशांकजी,
बरेच दिवस झाले. मागे एकदा निग वरच तुम्ही बायनॉमिअल नॉमेनक्लेचर बद्दल जास्त माहिती देत होता.
तो विषय तसाच राहिला की तुम्ही वेगळा धागा काढून माहिती दिली ?

अजि मी ब्रम्ह पाहिले... माझ्या ऑफिसच्या पायरीजवळ एक तण वाढत होते.. आमच्याकडे पाऊस पडला कि लगेच असे तण उगवतात. पण आमच्याकडचा पाऊस बेभरवश्याचा. त्यामूळे सर्व तण अगदी दादागिरी करत जागा व्यापतात. काँक्रीटच्या रस्त्यावरच काय गंजलेल्या भंगारावर पण वाढतात.

पण माझ्या या लाडक्या तणाने मला अनोखी भेट दिली.. फोटो काढलाय. मग सविस्तर लिहितो.
तोपर्यंत होळीच्या शुभेच्छा !