निसर्गाच्या गप्पा (भाग १६)

दोन दिवस उपाशी ठेवलं तर बरोबर पकडतील.
माझ्या लेकिची मांजर अश्याच चिमण्या मारून खाते आणि कलेवरं मांडून ठेवते. ( ती आणि मी बाहेर गेलो होतो आणि तिचे कॅटफूड शेजारच्या लबाड कोंबड्याने खाल्ले. मग या सोनू-द-सेकंड बाईने असा पराक्रम केला होता.
सोनू-द-सेकंड हे खास लेकिने ठेवलेले नाव. कारण पहिली सोनू कुणाचा तरी हात धरून ( इति. लेक ) पळून गेली. )

कलेवरं मांडून ठेवते. << असेच एकदा मांजरीने चिमणि पकडून आणली आणि पिल्लांना खेळवण्यासाठी त्यांच्या पुढ्यात टाकली, पिल्लु काय आणले हे पहाण्यासाठी जवळ जाता क्षणीच चिमणि भुर्र्र्र्र्र्र्र्र्र्र उडाली त्या नंतर मांजरीने काढलेला गळा आजुनही डोळ्यासमोर येतो

स_सा, पाळीव प्राण्यांचे एक असते. ते शिकार आपल्या मालकापुढे आणून टाकतात. परतफेडीची त्यांची पद्धत आहे ती !

००

हे पोस्ट मी ऑफिसमधून लिहिणे हा विरोधाभास आहे पण यू ट्यूबवर मेक मी अ जर्मन, नावाची फिल्म आहे. अवश्य बघा. शिस्त काय असते, सामाजिक जाणीवा कशा असतात, कमी वेळ काम करूनही जास्त उत्पादन कसे करता येते.. हे तर शिकता येतेच . ( तिथे ड्यूटीवर असताना पर्सनल फोन वापरायचा नाही असा संकेत आहे, फेसबुक वगैरे दूरच )

इथे लिहितोय ते त्यांच्या शाळेच्या पद्धतीसाठी. शाळा म्हणजे पाठांतर / घोकंपट्टी याला फाटा देऊन चक्क जंगलात मुलांना घेऊन जायचे आणि त्यांना हवे ते करु द्यायचे. तो भाग बघाच.

जागु ताई, कसली गोड आहे ग शेवंती.अबोली रंग वाटतोय!

जागू, एवढ्यातच शेवंती फुलायला लागली ? हि शेवंती आमच्याकडे जानेवारीत फुलत असे.

०००

मुंबईत बरीच वर्षे राहिलेले लोक सांगू शकतील. मुंबईत पुर्वी मुक्त पोपट दिसायचेच नाहीत. सध्या तर आमच्या
कॉलनीतही प्रचंड कलकलाट चाललेला असतो. ( डॉ सलीम अली, पोपटानाही पेस्ट मानत असत. )
पण आपल्याकडे साधारण पुर्ण हिरवे आणि लाल डोक्याचेच जास्त दिसतात. मी सिंगापूरच्या झू मधे तब्बल
११० प्रकारचे पोपट बघितले होते. आपल्याकडे क्वचित लव्हबर्ड्स पण मुक्त उडताना दिसतात. घरात पाळले
तर त्यांचाही प्रचंड कलकलाट असतो.

यू ट्यूबवर ऑस्ट्रेलियातील पोपटांबद्दल एक मस्त क्लीप बघितली. त्यापैकी एक तर तब्बल ९० वर्षे जगतो.
अर्थातच तो फारच डोकेबाज आहे. पण इतर अनेक प्रकारचे पोपट तिथे आहेत.

कधी काळी ऑस्ट्रेलियात रेन फॉरेस्ट होते ( सध्या बहुतांशी वाळवंट आहे ) पण त्या काळात विकसित
झालेले पोपट, या बदललेल्या परीस्थितीशी त्यांनी जुळवून तर घेतले आहेच पण ते आक्रमकही झाले आहेत.
विजेच्या ताराच नव्हे तर रस्त्यावरच्या डांबरातली खडी पण ते उचकटून ठेवतात.

शेतकर्‍यांचे तर ते एक नंबरचे शत्रु झालेले आहेत. शेतातील कणसे तर खातातच पण ताडपत्रीने झाललेले धान्यही ताडपत्री फाडून खातात.

जमल्यास बघा नाहीतर माझ्याकडून कॉपी घ्या.

आता त्याची आवृत्तीच निघत नसणार.
मी साधनाला दिल्या या फिल्म्स तर तिच्याकडून तुझ्यापर्यंत येतीलच.

खरंच, सध्या इकडे कोणी फिरकतंच नाहीये !!! काय झालंय सार्‍यांना ???????????????>>>>>>>>>.माझा संगणक आजारी असल्यामुळे मी १५ दिवस इथे येऊ शकले नाही.
आजच बरा झालाय. आता आधी सगळे वाचते. मग लिहीते.

आमच्याकडे कोकीळ जागे झालेत. सध्या एखादी अर्धवट लकेर घेऊन गळा अजुन फुटला का नाही त्याची चाचपणी चाललीय...<<<<<<<<<<< +१

पक्षी नाही फसणार असा. घरट्याबाहेरच्या अंड्याकडे नाही बघणार तो. पण अंडे खाणारा एखादा प्राणी असेल तर कदाचित वास घेऊन खात्री करून बघेल.

तरीच शोभा..

तसा अनिलही येत नाही इथे आता !

गंम्मतच !

जागू,
तुला सरसोंका साग करायचा होता ना. चमचाभर मोहोरी अंगणाच्या कडेला फेक. सहज उगवते ती.
महिनाभरात भाजी तयार होईल.

फुलांचा तुरा फुटायला लागला कि काढायची. एखादे जोमदार रोप तसेच ठेव. एक दोन फोडणीएवढ्या मोहर्‍या मिळतील. या पालेभाजीत इतर पालेभाजीची भर घालावी लागतेच. त्यामूळे कुठल्याही पालेभाजीत हि पाने घालू शकतेस.

जागू, दोन्ही शेवंती मस्तच.

या पालेभाजीत इतर पालेभाजीची भर घालावी लागतेच.<< अरे हे माहितीच नव्हते आता मी पण लावतो घरी या रविवारी

हुश्श!!!!!!!!!!!! आत्ता वाचल्या सर्व मिसलेल्या पोस्टी..........

मन बाग - बाग हो गया!!!!!!!!!!!!

मामी बाल्कनीतला परिवार इतका मोठ्ठा झालाय??? वॉव...

नुसती केली तर जरा उग्र चवीची होते ती.
आपण आणलेल्या पालेभाज्या मूळासकट असल्या तर त्यातले जोमदार देठ पेरायचे. त्याला फुटवे फुटतात.
मी भायखळ्याहून लाल माठाच्या बिया आणल्या होत्या, त्याची छान वाढ झाली इथे.
आपल्या घरातला राजगिरा पण पेरला तर सहज उगवतो. त्याच्या पानाची पण भाजी छान होते.
समजा एका वेळच्या भाजीएवढी पाने नाही जमली तर कुठल्याही कडधान्याच्या भाजीत मिसळायची. चव छान येते.

हुश्श! झाल सगळं वाचून पाहून. मस्त माहिती, फ़ोटो,क्लिप.धन्यवाद!

मी निसर्गाच्या गप्पा अगदी पहिल्या भागापासून वाचते आहे, खूप आवडतं नवनविन गोष्टी पाहायला. आज पहिल्यांदाच प्रतिसाद देते आहे. मी हल्लीच यू ट्यूबवर "Amazing Plants" ही फिल्म पाहिली. खूप आवडली. लिन्क देतेय - तुम्हा सर्वांना पण तेवढीच आवडेल असे वाटते. http://www.youtube.com/watch?v=vNWByUk22sI

अमी

लग्न झाल्यावर लोकं इतकी बदलतात? की फोन पण उचलत नाहीत.

दिनेश दा, राजगीरा कसा लावायचा, बि मिळत का?

आपण जो राजगिरा खातो तेच बी असतं. सहज उगवते. भाल्यासारखी मोठी, जाड देठाची पाने येतात.
आपल्याकडे कमी दिसते पण हि भाजी पूर्व आफ्रिकेत भरपूर खातात. स्वाहिली भाषेत न्येरेरे असे नाव आहे. ते नुसतीच उकडून /, मीठ घालून खातात. तशीही चवदार लागते.

अरे व्वा, लावुन बघायला लागेल राजगीरा.

पुण्यात एकमेव असलेला 'वाळुंज' (Salix tetrasperma) सध्या फुलला आहे. कर्वे रोड वरून पूना हॉस्पिटलकडे येताना पूल जिथे सुरू होतो तिथेच उजव्या हाताला झाडांची बरीच दाटी आहे. त्या दाटीतच हा 'एक अकेला' उभा आहे आणि सध्या फुलावर आहे. याचा बहर जेमतेम ४-५ दिवस टिकणारा! आणि माझं भाग्य असं की या वेळी हा फुललेला मला बघता आला. मागे नि ग च्याच एका भागात याचे काही फोटो मी टाकले होते. आता त्याच्या फुलोर्‍याचे फोटो देतेय.....