तु

अर्थ अर्थ तुझा शोधतांना,
अर्थहीन मी होत जातो.

नव्या नव्या ह्या अपेक्षांच्या जगात,
हात तुझा मी शोधत असतो.

स्वप्न स्वप्न मी रंगवतांना,
अस्तित्वाची जाणीव विसरतो.
जन्म जन्म मी तुझ्याचसाठी,
अनंतापासुन भटकत असतो.
शब्द शब्दांत तुला मांडतांना,
शब्दही नकळत हरवुन जातात.

धुंद डोळ्यातल तुझ्या हा भाव
उलगडतो माझ्या स्वप्नांचा गाव

गावात या.. तु आणि मी
हातात तु घेता हात
विरघळतात सारे शब्दभाव....

अश्याच एका कातरवेळी
तुला बिलगावे अन हळुहळु भावना पाझरव्यात
माझ्या मुक शब्दांचा मांडावा
एक सैरभैर डाव.....

या गावच्या वेशीवर घर तुझे
अन माझे न अस्तित्व काही
निव्वळ त्या धुंद चंद्राच्या
साक्षीची ठेव.....

तु ..तुझ्या मनातुन अन मी माझ्या
त्याला साक्ष ठेवत आहे...
या स्वप्नांपलीकडेही
इतरही धागे जुळलेले आहेत...

कशी ठेऊ त्यांना मागे
कसे हे तोडु धागे,
येऊ या स्वप्नांच्या मागे?

पण लक्षात ठेव ... या सप्तरंगी धाग्यातला