अमरप्रेमी

"आरू! तुझे काम थांबव आता आणि चल, नाहीतर आपल्याला वेळेत पोहचता येणार नाही." संयुक्ता आरवची बालमैत्रिण आणि पत्नी आधिकार वाणीने आरावला म्हणाली.

"हो, अगं एवढे संपले की निघू आपण. थांब जरा!" आरव आगतिकिने संयुक्ताला म्हणाला.

"ठीक आहे! तू कर तुझे काम; मी निघते." संयुक्ता थोड्या लटक्या रागाने उत्तरली.

"बरं! चल निघू आपण!" आरव खुर्चीतून उठून आपले जॅकेट, लॅपटॉप सोबत घेत नाराजीच्या सुरात म्हणाला.

आरव आणि संयुक्ता दोघे ऑफिसच्या बाहेर उभ्या असलेल्या काळया मर्सिडिज गाडीमध्ये बसले आणि संयुक्ताने ड्रायवरला गाडी मंत्रा रिसॉर्टकडे घेण्यासाठी सांगितले.

सरिता

खळखळ सुंदर वाहे निरंतर
सरिता जोडी डोंगर-सागर
पर्वतराजी रमणीय मनोहर
थोर कुलीन लाभे माहेर

ओघळरुपी उगमात जन्मली
आोहोळ निर्झर म्हणुन वाढली
प्रवाह अनेक विलीन करुनी
कौमार्याची सीमा गाठली

कडे कपारी पठार दरी
तरु वल्लरी हिचे सहचरी
अवखळ अल्लड हिचे तरुणपण
ओढ अंतरी शांत अथांगपण

गिरीराज सचिंत कन्या उपवर
कोण मिळावा अथांगसा वर
गगनाविण ना त्याला ठावा
दुसरा कोणी अनुरुप रावा

निसर्ग नदीचा मैतर खास
ठाऊक त्या सरीतेची आस
ऊतरली डोंगर ओढ अनावर
भरला मनी अथांग रत्नाकर