तत्त्वज्ञान

संघर्षात

हार-जीत चालायचीच
त्याने नसतं अडायचं
निराश होऊन नसतं
स्वप्नांकुरही खुडायचं

मोडले जरी स्वप्न
तरी नसतं हरायचं
नव्या उमेदीने पुन्हा
हिंमतीनंच लढायचं

विशाल मस्के
सौताडा,पाटोदा,बीड.
मो.९७३०५७३७८३

संघर्ष

माणसांमधल्या प्रश्नांना
पुढेही घ्यावे लागतात
हक्क मिळवण्यासाठी
लढेही द्यावे लागतात

इथले लढेच सांगतात की
कोण किती ऊथळ आहे
न्यायासाठी हक्कासाठी
संघर्ष मात्र अटळ आहे

विशाल मस्के
सौताडा,पाटोदा,बीड.
मो.९७३०५७३७८३

पैशांमुळे

पैशापुढे झूकतात लोक
पैशांमुळे ठकतात लोक
पैशांसाठी तर कधी कधी
माणसांनाही विकतात लोक

पैश्यांचा वापर करूनच
लोक नको तसे वागतात
मात्र पैशांविनाही कित्तेक
इथे मरण यातना भोगतात

विशाल मस्के
सौताडा,पाटोदा,बीड.
मो.९७३०५७३७८३

पुरावे

कधी पुराव्यां अभावी
सत्यही छळीले जातात
सत्य बाजु वाखाणण्या
पुरावेच पाहिले जातात

पुराव्यांच्या बाबतीत
सदैव असावे कार्यक्षम
जिकडे पुरावे भक्कम
तिकडे न्यायही सक्षम

विशाल मस्के
सौताडा,पाटोदा,बीड.
मो.९७३०५७३७८३

तू माझी माऊली .....

हे ज्ञानदेवा, हे ज्ञानराजा,

तुमचे -माझे नाते तरी काय आहे बरे नेमके ? का तुमच्या नावाने, आठवाने ह्रदयात कालवते, डोळ्यात आसवं दाटून येतात ? एक मराठी भाषिक म्हणून ? का तुमच्या ज्ञानदेवीने वेड लावलेला कोणी एक सामान्य रसिक म्हणून ? का तुमच्या तत्वज्ञानाची भूल पडलेला कोणी एक अभ्यासक म्हणून ? का अजून काही ??

तुम्ही खरे तर योगीयांचे योगी, ज्ञानीयांचे देव, प्रत्यक्ष श्रीविष्णूंचा अवतार...

वाटणी महाराष्ट्राची

आपले असुन परक्यावानी
आता आपलेच वागु लागले
स्वत:साठी वेगळी मागणी
जोर धरून मागू लागले

आपल्या हाताने विनाकारण
करू नये आपलीच छाटणी
ती विदर्भाची निर्मिती नव्हे
महाराष्ट्राची ठरेल वाटणी

विशाल मस्के
सौताडा,पाटोदा,बीड.
मो.९७३०५७३७८३

उमेदवारीचे सत्य

प्रत्येक प्रत्येक निवडणूक
हौसे-हौसेनं लढवावं वाटतं
पण "मन मे हा,मुह मे ना"
नाईलाजाने म्हणावं लागतं

मात्र उमेदवारी नाकारली तरी
खुश असल्याचं दाखवावं लागतं
अन् वाट्याला आलेलं दु:खही
हसतमुखाने पचवावं लागतं

विशाल मस्के
सौताडा,पाटोदा,बीड.
मो.९७३०५७३७८३

चहापान आणि विरोधी पक्ष

अधिवेशन म्हटलं की
चहापान ठरलेलं असतं
पण प्रत्येकच चहापान
बहिष्कारानं घेरलेलं असतं

चहापान आणि बहिष्काराचं
हे अतुट नातं स्पष्ट आहे
चहापानावरील बहिष्कारास
विरोधी पक्ष एकनिष्ठ आहे

विशाल मस्के
सौताडा,पाटोदा,बीड.
मो.९७३०५७३७८३

ज्ञानसुर्य

ठरला जगभरात श्रेष्ठ
विद्वत्तेच्या जोरावर
महामानव या देशाचा
भिमराव आंबेडकर

त्याच्या कार्याचा लेखा-जोखा
शब्दांमध्ये ना मावत आहे
मावळला ज्ञानसुर्य तरीही
प्रकाश त्याचा तेवत आहे

विशाल मस्के
सौताडा,पाटोदा,बीड.
मो.९७३०५७३७८३

बळीचा बकरा

वेळ प्रसंग पाहून-पाहून
मान-सन्मान दिला जातो
बळीचा बकरा समजुनही
कुणाचा वापर केला जातो

तिथे सारे सावरले जातात
जिथे जिथे खतरा असतो
मग तिथे तिथे मुद्दामहून
पुढे बळीचा बकरा असतो

विशाल मस्के
सौताडा,पाटोदा,बीड.
मो.९७३०५७३७८३