तत्त्वज्ञान

सुरक्षिततेसाठी

आपला आपला विचार घेऊन
एकेक आवाज उठु लागलाय
पाण्याचाच धोका आजकाल
माशालाही वाटू लागलाय,..?

पाण्यात संकट आले म्हणून
त्याने पाण्याबाहेर घसरू नये
पाण्याविना सुरक्षितता नाही
हे माशाने कदापी विसरू नये

विशाल मस्के
सौताडा,पाटोदा,बीड.
मो.९७३०५७३७८३

माणसांनो

मोडताहेत माणसांचे मणके
माणसांनीच माणसं मुरगाळले
मांगल्य,ममता,मित्रत्वासह
मोडलेत मांडव मर्माळले

माणसांनी "मी" मोडावं
माणूसकीशी मन मिळवावं
मग मिळेल मतितार्थ
माणसांत मायेनं मिरवावं

विशाल मस्के
सौताडा,पाटोदा,बीड.
मो.९७३०५७३७८३

धंदा काळ्या बिझनेसचा

कुणी अमाप श्रीमंत झाले
कमवा-कमवीच्या या रस्त्यात
त्यांचे इनकम वाढते भरमसाठ
पण बिझनेस मात्र गुलदस्त्यात

त्यांच्या पाप कमाईसाठीही
सामान्य जनतेचाच खांदा आहे
हा सरळ-सरळ न उलगडणारा
काळ्या बिझनेसचा धंदा आहे

विशाल मस्के
सौताडा,पाटोदा,बीड.
मो.९७३०५७३७८३

ताव-डे

सुरळीत चालल्या परिस्थितीत
विनाकारणच फावडे असतो
अयोग्य निर्णय घेण्यासाठी
अविचारी ताव-डे असतो

लोक किती जागे आहेत
याचा आढावा घेतला जातो
निर्णय अंगलट येऊ लागता
स्वार्थही बाजुला रेटला जातो

विशाल मस्के
सौताडा,पाटोदा,बीड.
मो.९७३०५७३७८३

भटके कुत्रे

भुंकत भुंकत फिरणारे
मोकाट भटके कुत्रे
ठरताहेत धोकादायक
माणसं झाले भित्रे

अक्कल गहाण ठेवतात
केकाटतातही बोलताना
स्व लायकी कळत नाही
त्या कुत्र्यांना भुंकताना

विशाल मस्के
सौताडा,पाटोदा,बीड.
मो.९७३०५७३७८३

मानवी विध्वंस

फटाके आणि दिवाळीचं
नातं फार जुनं आहे
फटाक्यांविना कित्तेकांचं
दिवाळी मन सुनं आहे

फटाकेमुक्त दिवाळीसह
ध्वनी मर्यादेचा भ्रंश आहे
घेतले कित्तेक पक्षांचे बळी
हा तर मानवी विध्वंस आहे

विशाल मस्के
सौताडा,पाटोदा,बीड.
मो.९७३०५७३७८३

रीत

नेतृत्वाची संधी देऊन
कधी सन्मान केला जातो
आदर आणि आपुलकीने
त्याला प्रणाम दिला जातो

जय जयकार करत कधी
डोक्यावरती घेतला जातो
त्याने कानात डोकावताच
पायतळाशी घातला जातो

विशाल मस्के
सौताडा,पाटोदा,बीड.
मो.९७३०५७३७८३

शाळा आठ तास

आता अभ्यासबाह्य शाळेचे
दोन तास वाढवले जातील
विविध उपक्रमात विद्यार्थी
शाळेतच घडवले जातील

शाळेचे पुर्ण आठ तास
गुरूजींना थांबवले जाईल
अभ्यासबाह्य दोन तास
विद्यार्थीही डांबवले जाईल

पण नाण्याला दोन बाजु आहेत
या गोष्टीही मानल्या जाव्या
अन् साधणार्‍या फायद्यांसह
कुचंबनाही जाणल्या जाव्या

विशाल मस्के
सौताडा,पाटोदा,बीड.
मो.९७३०५७३७८३

बाल दीन

बालपण सुंदर असुनही
तिथे वन्समोर मिळत नाही
बालपणातुन गेल्याविना
बालपणही कळत नाही

कितीही मोठे झाले तरी
बालपणात मनं झूलवतात
बालदिन साजरे करताना
बालदीन मनं हेलावतात

विशाल मस्के
सौताडा,पाटोदा,बीड.
मो.९७३०५७३७८३

मजा आयुष्याची

स्वच्छंदपणाने हूंदडताना
ना कसलीही चिंता आहे
ना निरागस त्या मनामध्ये
गडबडणारा गुंता आहे

ना कसलीही ओढ त्यास
पुढे येणार्‍या भविष्याची
बालपणातंच सामवली जणू
सारीच मजा आयुष्याची

विशाल मस्के
सौताडा,पाटोदा,बीड.
मो.९७३०५७३७८३