ज्योतिबा,...
ज्योतिबा तुमच्या विचारांनी
आजही समाज घडतो आहे
तुमच्या ज्ञान ज्योतिचा प्रकाश
मना-मनात वाढतो आहे
आज पुरूषा बरोबर स्रीया
समानतेनं वागु लागल्यात
सामाजिक धूरा संभाळत
सन्मानानं जगू लागल्यात
तुमच्या विचारांचा व्यासंग
समाजाला जडू लागलाय
तुमच्या विचारांतला समाज
खर्या अर्थानं घडू लागलाय
आता समाजही जाणतोय
स्री अबला नाही सबला आहे
स्री शक्तीचा अनुभव सुध्दा
कित्तेकांनी भोगला आहे
समाजालाही कळू लागलंय
कि आपली कोणती हमी
आहे
प्रगत होणार्या या समाजाला
तुमच्या क्रांतीची पार्श्वभुमी
आहे
हे क्रांतीसुर्य महात्मा ज्योतिबा
हे तुमचेच वैचारिक स्पंदन
संयम,...
कसं वागावं,कसं बोलावं
याच्याही पध्दती असतात
कुणाच्या वागण्या-बोलण्यात
सर्रास गुण उध्दटी असतात
मात्र "अति तिथे माती" हा
सर्वमान्य नियम असतो
सहनशिलतेच्या परिसीमेतच
प्रत्येकाचा संयम असतो
विशाल मस्के
सौताडा, पाटोदा, बीड.
मो.९७३०५७३७८३
टोल बंद,...?
कुठे-कुठे आंदोलनं झाली
तर कुठे निदर्शनंही झाली
टोलच्या टोलवा-टोलवीत
वैचारिक घर्षनंही झाली
पण ना टोल हटला गेला
ना संघर्षही बारिक आहे
टोल बंदच्या धोरणासाठी
अजुन पूढची तारिख आहे
विशाल मस्के
सौताडा, पाटोदा, बीड.
मो.९७३०५७३७८३
शोभेचं बोलणं,...!
आपण काय बोलावं हे
आपल्यालाही कळलं पाहिजे
अन् शब्दांचं भान ठेऊनच
आपलं बोलणं बोललं पाहिजे
बोलुन गेलेल्या शब्दानं
कधी मनही फसु शकतं
अन् शोभेचं बोलणंही
अशोभनीय असु शकतं
विशाल मस्के
सौताडा, पाटोदा, बीड.
मो.९७३०५७३७८३
प्रचारतोफा,...!
प्रचार जरी संपला तरी
जोशामध्ये जोश असतो
विरोधातल्या विरोधकावर
मनी वाढता रोश असतो
विजयाच्या वाढत्या आशांचे
मना-मनात तोरण असतात
अन् थंडावलेल्या प्रचारतोफा
अंतर्गत मात्र गरम असतात
विशाल मस्के
सौताडा, पाटोदा, बीड.
मो.९७३०५७३७८३
राजकिय शत्रु,...!
प्रत्येक-प्रत्येक निवडणूकाचे
वेग-वेगळे स्वरूप असते
खरे मित्रत्व आणि शत्रुत्वही
इथे मात्र प्रसंगानुरूप असते
भुतकाळातले अंदाज कधी
वर्तमानात कतरू असतात
अन् खरे वाटणारे मित्र सुध्दा
कधी राजकारणात शत्रु असतात
विशाल मस्के
सौताडा, पाटोदा, बीड.
मो.९७३०५७३७८३
नियम,...
कुठे लादले जातात तर
कुठे लादून घेतले जातात
माणसांसाठीचे नियम कधी
माणसांकडूनही कातले जातात
कधी नियम वाढवले जातात
कधीे ते तुडवले जाऊ शकतात
तर कधी-कधी नियम सुध्दा
हवेत उडवले जाऊ शकतात
विशाल मस्के
सौताडा, पाटोदा, बीड.
मो.९७३०५७३७८३
कंत्राटी मनो-मिलन,..!
पाठिंब्यात मिळालेला आधार
कुणासाठी जणू मेवा असतो
तर कुणाला मिळालेला आधार
कुणा-कुणाला जणू हेवा असतो
मात्र आधार देण्या-घेण्यासाठी
खुले निवडणूकीचे दालन असतं
अन् विजयाच्या आशा बाळगुन
कुठे कंत्राटी मनोमिलन असतं
विशाल मस्के
सौताडा, पाटोदा, बीड.
मो.९७३०५७३७८३
थरथरणारे हात लिहिती,...
थरथरणारे हात लिहिती,उपेक्षितांचे दु:ख
ओले
गहिवरले का बिथरले,हे डबडबलेले डोळे,...||धृ||
माणसांच्या सुखालाही,माणसांचे कर्म
नडले
माणसांच्या जाती मध्ये,जाती आणि धर्म
वाढले
माणसाची जात मात्र,माणूसच विसरला आहे
माणसांचा शत्रु आज,माणूसच ठरला आहे
माणसांशी वागतानाही,जणू माणसं झालेत
खुळे
गहिवरले का बिथरले,हे डबडबलेले डोळे,...||१||
वेग-वेगळ्या जातीचा,वेग-वेगळा झेंडा आहे
वेग-वेगळ्या धर्माचा,वेग-वेगळा अजेंडा
आहे
प्रत्येक जाती-धर्मानं,आपला झेंडा ठरवलाय
मानवतेचा अजेंडा मात्र, माणसांतुनच
हरवलाय
नासमज म्हणण्या इतकेही,दिसत नाहित भोळे
बोध तंबाखु गुटख्यातला,...?
कुणी तंबाखु टिकवण्यासाठी
कुणी गुटखा हटवण्यासाठी
तर कुणी-कुणी बोलले म्हणे
चक्क जनता ठकवण्यासाठी
ज्यांनी समर्थन केले आहे
त्यांच्याकडूनही विरोध आहे
जिकडे स्वार्थ-तिकड कार्ट
यातुन जणू हाच बोध आहे,...
विशाल मस्के
सौताडा, पाटोदा, बीड.
मो.९७३०५७३७८३
