निसर्गाच्या गप्पा (भाग ३४)

सुप्रभात.
शालीदा, एकूण एक फोटो सुंदर.
शंकासुराच्या फुलोरा खालून फुलतो आणि टोकाला कळ्या असतात. याला Peacock Flower असं म्हणतात कारण याचा फुलोरा मोराच्या पिसाऱ्यासारखा दिसतो. तुमच्या फोटोत तो शेंड्याकडे जरा वळल्याने त्याचा गुच्छा सारखा आकार झालाय.....मस्तच.
@ वर्षाताई , Red Pierrot मस्तच. ह्याच्या खालच्या पंखांची वरखाली होणारी हालचाल खूपच मस्त असते. पानफुटी असली कि हमखास दिसतच.
संजाब आणि रुळणारी शेंडी>>>>>> अगदी अगदी
साधनाताई, दुरंगी बाभूळ व पान किडा मस्तच.

शंकासुराला गोल तुरे येत राहतात आणि लांबून ते मोराच्या फुललेक्या पिसाऱ्याच्या टोकासारखे दिसतात.. मी सहसा याची पाच सहा फूट झुडपे पाहिलीत पण राणीबागेत चक्क 20-25 फुटी वृक्ष आहे.

माणसांप्रमाणे झाडांमध्येही विचित्र आकार अधून मधून येत राहतात. माझ्या इकडच्या एका बहाव्याचा एकच दोर चांगला एक दीड इंच जाड आलेला बघितला होता. बाकी आजूबाजूचे दोर बघा कसे सुतासारखे आहेत

बहर गेल्यावर त्याचे असे झाले. शेंग मात्र लागली नाही. त्या झाडावर वेगळे हे एकच झुंबर होते. पुढल्या वर्षी असे काही घडले नाही.

निसर्गात जे सुदृढ आहे, तेच पुढे जाते. हा नियम मानवाला लागू नाही. असे नुसते बोलले तरी लोक अंगावर तुटून पडतील. पण यामुळे जे प्रश्न निर्माण होतात त्यांना तोंड द्यायची क्षमता मानवात नाही.

निसर्गात जे सुदृढ आहे, तेच पुढे जाते. हा नियम मानवाला लागू नाही. असे नुसते बोलले तरी लोक अंगावर तुटून पडतील. पण यामुळे जे प्रश्न निर्माण होतात त्यांना तोंड द्यायची क्षमता मानवात नाही. >> वेल सेड साधना

खूप सुरेख फोटो

वेल सेड काय? साधनाताईची सगळीच वाक्ये वहीत उतरवून घेण्यासारखी असतात.
उदाहरणार्थ:
“पृथ्वीवरील जैवसाखळीतून व अन्नसाखळीतून मणूष्यप्राणी नाहीसा झाला तरी पृथ्वीला काहीही फरक पडणार नाही”
इती साधनाताई.

दुरंगी सुबाभूळ एकदम भारीच. मी अजुन पाहीली नाही. या फुलांचे व्यवस्थीत फोटो काढले तर खुप मस्त येतील. बहावापण मस्त. मला आवडतो बहावा.

वरचा फोटो काढताना हवेमुळे फुलपाखरू जरा हलले होते. हा दुसरा क्लिक.

मी कधी बदक झोपलेले पाहीले नव्हते. हे असे दोन तास तरी झोपलेले होते.

शालीजी, अशी अळ्यांचे, सुरवंटांचे फोटो पाहीले की अंगावर जो सरसरुन काटा येतो ना!
फोटो छान पण म्हणवत नाही...सुरवंट पाहीला तरी अंगाला खाज आल्यासारखे वाटते

ठिपक्यांची मनोली.

Submitted by शाली on 23 August, 2019 - 13:31>>ई

विनिता, देवकी बदलतो फोटो.

शालीदा, सगळेच फोटो झक्कास.
साधना ताई बहाव्याच्या हा दुर्मिळ अवतार मस्तच.
निसर्गात जे सुदृढ आहे, तेच पुढे जाते. हा नियम मानवाला लागू नाही. असे नुसते बोलले तरी लोक अंगावर तुटून पडतील. पण यामुळे जे प्रश्न निर्माण होतात त्यांना तोंड द्यायची क्षमता मानवात नाही.>>>>>>+१

शाली, फोटो का बदलता?मी प्रतिसाद काढून टाकते.
माशीचा फोटो झकास आहे.

सप्टेंबर ऑक्टोबर आला कि कास ला जायचे वेध लागतातच

आजच्या लोकप्रभात विनय जंगले यांचा कास वरील लेख
https://www.readwhere.com/read/2295894#dual/46/1

तसं नाही हो देवकी, प्रतिसाद राहूद्या. फोटो छान असला तरी पहाताना कसेतरी होते हे खरं आहे.

हा बिटल आहे. नाव माहित नाही.

ऋतूराज माझ्या हातात असते तर मी पाच सहा वर्षांसाठी कास पठारावर पर्यटकांना बंदी घातली असती.

हे टिटवीचे पिल्लू आहे. दोन आहेत फार चपळ आहेत. मला वाटले वेगळे पक्षी असावेत. शशांकदांकडून खात्रीशीर कळाले. त्यांनी टिटवीची अंडी शुट केली होती एकदा. वावे यांनीही पुष्टी दिली. हळू हळू पक्षी ओळख होते आहे.

ऋतूराज माझ्या हातात असते तर मी पाच सहा वर्षांसाठी कास पठारावर पर्यटकांना बंदी घातली असती.>>>> हो, मीही ह्या मताशी सहमत. निसर्गप्रेमी सोडून हुल्लडबाजी आणि सहलीला जाणाऱ्यां पर्यटकांचे प्रमाण अधिक.
म्हणूनच अश्या अनेक निसर्गसंपन्न जागा असतील तर त्याची वाच्यता सुद्धा कुठे करू नये.

गोकर्णाच्या फुलावर एक लेख आलाय लोकप्रभात.
https://www.readwhere.com/read/2295894#dual/34/2

पण लेखकाची गोकर्ण व शंखपुष्पी हे वेगळे नसून एकच आहेत अशी गफलत झाल्याचे दिसते.
गोकर्णाला शंखपुष्पी म्हणतात पण शंखपुष्पी नावाचे वेगळे झुडूप असते

सुपर्ब फोटो सर्वच.

गोकर्णाला शंखपुष्पी म्हणतात पण शंखपुष्पी नावाचे वेगळे झुडूप असते >>> हो ना, बरेच जण गोकर्णला शंखपुष्पी म्हणताना बघितलं आहे.

तो चिरक आहे. इंडीयन रॉबीन. खुप स्लिम पक्षी आहे पण खुपदा वाऱ्याकडे छाती करुन पिसे फुलवून बसतो. >>> अच्छा, हे नाव आहे का.

अच्छा इंडीयन रॉबीन का तो, गोंडस आहे एकदम.
हा Pied bushchat male
स्थळः कामशेत.
कामशेतला गेले होते तेव्हा खूप पक्षिवैविध्य दिसले . काय रमणीय आहे तो भाग.

>>पण लेखकाची गोकर्ण व शंखपुष्पी हे वेगळे नसून एकच आहेत अशी गफलत झाल्याचे दिसते.
गोकर्णाला शंखपुष्पी म्हणतात पण शंखपुष्पी नावाचे वेगळे झुडूप असते

अगदी अगदी.
खालील लिंकवरही असेच म्हटलंय.
https://www.ncbi.nlm.nih.gov/pmc/articles/PMC3868798/

मस्त आलाय बुशचाट.

मुनीया (इंडीयन सिल्व्हरबिल)

श्री व सौ
(यातले कोण श्रीयुत आहेत ते माहित नाही. )
ठिपक्यांची मनोली (Scaly-breasted munia or Spotted munia)

>>>>निरु, थालिया जेनिक्यूलटाचा पानांसकट लॉंग शॉट पण टाका ना, रोपट्याची ओळख होईल.<<<

@ साधना... ही Thalia Geniculata ची कर्दळी सारखी दिसणारी पाने.. बाजूला रामबाण कापूस....

सुप्रभात
ठिपक्यांची मनोली .....छान
Thalia आणि रामबाण मस्तच
निरुदा, फोटो आरण्याकातला का?

>>>>>निरुदा, फोटो आरण्याकातला का?<<<<<

हो...

थँक्स निरु, प्रथम दर्शनी मी थालियाच्या फुलांना बालसमची फुले समजले होते. फरक लक्षात आल्यावर शोधाशोध केली. थालियाची पानेही फोटोसोबत आली असती तर बालसमवर तिथेच काट मारली गेली असती. पूर्ण झाडाचा फोटो का पहावा हे या उदाहरणावरून लक्षात येते.

वेगवेगळ्या जातीच्या झाडांची फुले दिसायला सारखीच असू शकतात. म्हणून फक्त फुलांचा फोटो न देता झाडाच्या इतर अवयवांचाही फोटो दिला तर ओळख सोपी जाते, लक्षात राहते.

आपला हा बीबी फक्त फोटोंचा नाही तर निसर्गाच्या गप्पांचा आहे. फोटो तर हवेतच पण फोटोंसोबत फोटोतील निसर्ग व सजीवांची माहितीही आली तर धाग्याचे वेगळेपण राहील.

रच्याकने, थालिया ही परदेशी जात आहे, आशियात फारशी न आढळणारी. तरी तुम्हाला हे झुडूप नदीकिनारी सापडले. यावरून परदेशी वाणाचा प्रसार कसा होतो हे लक्षात येते. प्रत्येक परदेशी वाणाची टणटणी होत नाही हे खरे असले तरी टणटणी होण्याची शक्यता प्रत्येक परदेशी वाणात असू शकते हे लक्षात ठेवून आपण काळजी घ्यायला हवी. तुम्ही तुमच्या बाजूने याचा पुढे प्रसार होणे थांबवा ही विनंती. बाकी इतरत्र थालिया पसरली असेल त्यावर आपले नियंत्रण नाही.