निसर्गाच्या गप्पा (भाग २२)

घरा समोरच्या झाडीत एक रानटी वेल झाडावर पसरत असा आकार तयार झालाय.

दिनेश दा, अप्रतिम. असा हिरवा समुद्र पाहिला नाहीये अजूनपर्यंत.

जागू, काय मस्त दिसतोय मेथीचा वाफा!

जागू, समुद्रमेथी ना ही ? मुंबईच्या बाहेर नाही माहीत फारशी कुणाला !

मनीमोहोर.. स्वच्छ प्रकाश आणि स्वच्छ पाणी असेल तरच असे रंग दिसतात.

दिनेश दा छान. झाडाच्या समस्येवर घरगुती सेंद्रिय खत ,खरच खुप उपयोगी माहिती...

बरेच दिवसापासुन एक प्रश्न विचारायचा होता... माझ्या एका जास्वंदाच्या कुंडीत खुप गांडुळ झाले आहेत, तसे झाडं म्हटल की हे सगळ आलच म्हणा.. पण हा प्रकार काही तरी वेगळा असावा असे वाटते, त्या झाडाला पाणी घातले की ते कुंडीतच राहात, डबकं साचाव तस, निथळत नाही... आणि दुसर अस की पहाटे जेव्हा मी झाडांना पाणी घालायला जाते तेव्हा त्या कुंडीतली माती वर आली असते, छोटया छोटया गुठळ्यांच्या स्वरुपात...आता असं अजुन एकाडीत व्हायला लागल आहे... काय असेल हा प्रकार? माती बदलायला हवी का?

दिनेश दा समुद्र खुपच मोहक.... जागु मेथीचा वाफा मस्तच..:) तुझ्याकडचे मेथीचे फोटो पण टाक..

जो, त्या रानटी वेलाची काय मस्त चांदणी तयार झाली आहे..:)

जागू मेथी मस्तच
फोटो पण भारी आलेत, मागे निसर्ग मस्तच

जो , वेलाला चांदणीचा आकार आलाय. छान दिसतोय.
जागू, मेथीच्या वाफ्यावर झावळी सावली हवी म्हणून घातलीय ग ?

जो, त्या रानटी वेलाची काय मस्त चांदणी तयार झाली आहे..>>>>
हो मला वाटत त्या वेलालाही दिवाळीची चाहूल लागल्ये

हो मला वाटत त्या वेलालाही दिवाळीची चाहूल लागल्ये+++ अगदी अगदी.
अरे हो मगाशी लिहायच राहुन गेलं, अवनी कीती छान मनातल, मनापासुन लिहिलयस!

जागु, ब्रम्हकमळासाठी सगळ्या नर्सर्‍या पालथ्या घातल्या ग, कुठेच मिळत नाही... शेवटी माझ्या गुरुघरी एका जणाने
भेट म्हणुन ब्रम्हकमळाचेच झाड दिले आहे :), त्या काकु म्हणाल्या, घेऊन जा यातलच थोडं.... मागे तु लिहिल होतस याची पानं पण लागतात म्हणुन , कशी लावायची, कीती प्रमाणात तोडुन लावायची, जरा डीटेल्स दे ना प्लीज...

दिवाळीतली खास हवा पडायला लागली पहाटे ......>>>> अगदी
छान लिहिलय

सायली, गांडूळे फक्त मृत सेंद्रीय भागच खाऊन त्याचे विघटन करतात. जिवंत झाडाला त्याचा काही अपाय नाही.
त्यांना खाद्य म्हणून घरातील भाजीपाल्याचा टाकाऊ भाग टाकत चला. ती वर आलेली माती खरे तर फार सकस असते. ती बाकीच्या झाडांभोवती टाकत चला.

पाणी न निथळण्यावर मात्र उपाय करायला हवा. सगळी माती झाडासकट बाहेर काढून कुंडीत खाली खापराचे तूकडे, ( म्हणजे छिद्रे बुजणार नाहीत ) टाकून त्यावर पालापाचोळा टाकून मग झाड लावा. माती अधून मधून थोडी उकरत रहा म्हणजे हवा खेळती राहते मातीत.

समुद्र सुंदर. सर्वांचेच फोटो मस्त. जो_एस रानटी वेल, आणि जागू मेथी क्युट.

दिनेशदा छान माहिती शेअर केलीत.

धन्यवाद दा,... कळतच नव्हत काय कराव ते....

जो_एस, मस्त फोटो

जो, कमालीचा टिपलायत!, हायला, मला कधीच पक्षांचे फोटो काढता येत नाही, पक्षी दिसला की, फोन चार्जिंगला असतो, तो आणे स्तोवर, तो उडुन जातो, नाही तर फोटो हालतो तरी...

सॉलिड फोटो, जो_एस.

मस्त पोझ दिलीय !

आज इथे एवढी शांतता का? शोधावा लागला हा धागा आज.

सायली, ब्रम्हकमळाचे पान मातीत खुपसून ठेव. मागे मी असेच एक छोटेसे पान लवले होते. आता छान फुटलेय ते.

माझ्या नववीच्या मराठीच्या पाठ्यपुस्तकावर या फुलांचा फोटो होता.. तेव्हापासूनच याची माहिती आणि प्रसारही सुरु झाला... हि १९७५ सालची गोष्ट बरं

आज इथे एवढी शांतता का? शोधावा लागला हा धागा आज.++१
आदिती धन्यवाद,,,,
दिनेश दा काय स्मरणशक्ती आहे तुमची!

जरा दुर्लक्ष झाले की बागेतली झाडे माजतात.समुद्र छान. इथे शंका निरसन आपण करतो परंतू नंतर से सर्व एका ठिकाणी अकारविल्हे नवीन साठवले तर शोधायला सोपे जाईल अशी युक्ति आहे का?

Srd , शोध खिडकी चा वापर करुन मदत होईल....

ओमान, यु.ए.ई. , सौदी यांच्या मधला जो भाग आहे तो अगदी वैराण असे वाळवंट आहे. ओमानमधे आणि त्याला लागून असलेल्या यु.ए.ई च्या भागात सगळीकडे असे वैराण खडकाळ भाग आहेत.

पण त्या परीसरातही मानवी वस्ती शक्य झाली कारण हाच निसर्ग या भागात असे नितळ पाण्याचे प्रवाह देतो.
हेच फलाज. हे शतकानुशतके वाहते आहेत. आता त्यांना असे बांधून काढलेले आहे. पण हे पाणी अगदी ओंजळीने प्यावे इतके छान असते. चवीला तर असतेच असते पण थंडगारही असते.

आणि कधी कधी तर असा जलाशयही असतो. हा आहे अल ऐन भागातला. हेच पाणी बाटलीत मिनरल वॉटर म्हणून भरतात.. हा निळा रंगही नैसर्गिकच..

( हे सर्व फोटो मोबाईल कॅमेराने काढले आहेत म्हणून त्या मालिकेत दिले नव्हते. )

मस्त फोटो आणि माहिती

मागे शशांकने सुचविल्याप्रमाणे "चोहोळा" आणि "मुरूडशेंग" यांची नावे त्या त्या फोटोसोबत अपडेट केली आहे.

छान माहिती, प्र.ची दा...