निसर्गाच्या गप्पा (भाग २२)

जिप्सी, माझ्या आठवणीप्रमाणे तू टोपली कारवीचा फोटो अजून टाकलेला नाहीस. ही पण अशीच ७ वर्षांनीच का ४ वर्षांनी फुलते. अंबोलीला बरीच आहेत. फुले नसताना हे झुडूप उपड्या टोपलीसारखे दिसते. मग त्यातून तुरे येतात आणि त्यावर निळी फुले येतात.

वरच्या फोटोतली कारवी, फुले येऊन गेल्यानंतर मरते. मग तिच्या काठ्या गरीबांच्या झोपडीचा आधार ठरतात. त्या काढायच्याच असतात. मग त्यातून नवी कारवी उगवते.

आमचाच उद्योग. यावर्षी झेंडू लावला नव्हता त्यामुळे तोरणासाठी फुले आणावी लागली. मे महिन्यातल्या आंब्याच्या कोयीने पाने दिली आणि भाताच्या लोंब्या ज्याकाही चिमण्या मुनिआंनी ठेवल्या त्यातली एक लावून तोरण झाले.

जिप्सी कारवी सुंदर. मला माहिती नव्हतं की सात वर्षांनी फुलते. जिप्सी तुम्ही भाताच्या लोंब्याबद्दल सुंदर सांगितले, आता लगेच दरवाज्याचे तोरण काढून बांधते ग्रीलला चिमण्यांसाठी. Thanx.

दिनेशदा ब्रोकोली मस्त.

हो दिनेशदा, टोपली कारवीच्या फुलाचा फोटो (बहुतेक) नाही आहे माझ्याकडे.
जो.एस. करांद्याची फुले मस्तच.
मे महिन्यातल्या आंब्याच्या कोयीने पाने दिली आणि भाताच्या लोंब्या ज्याकाही चिमण्या मुनिआंनी ठेवल्या त्यातली एक लावून तोरण झाले.>>>>>मस्तच Srd

धन्यवाद अन्जू

मे महिन्यातल्या आंब्याच्या कोयीने पाने दिली आणि भाताच्या लोंब्या ज्याकाही चिमण्या मुनिआंनी ठेवल्या त्यातली एक लावून तोरण झाले. >> छानच वाटलं. तोरण सगळ घरचं!!

जिपसी, तोरण चिमण्यांना घालण्याची आयडिया बेस्ट . कारवी ही सुंदर दिसतेय.

दिनेश दा फोटो मस्त आलाय ब्रोकोलीचा.

उत्तराखंड मध्ये मात्र सप्तपर्णी अशी दिसते >>>>> ते हे झाड आहे जिप्सीभौ - Indian or Himalayan Horse Chestnut - Aesculus indica>>>>धन्यवाद शशांक. बोटॅनिकल नाव सांगितल्याबद्दल.

हायला, फोटो कसला म्हणून विचारायला हवे होते मी

मी मोरिशियसहून, हॉग प्लम चे लोणचे आणले होते. काल बाटली उघडली. चव अप्रतिम. ओळखीची चव वाटत होती म्हणून गूगल केले तर ते आपले आंबाडे निघाले.

इथे फोटो पहा.

https://www.google.com/search?q=hog+plum&biw=1920&bih=979&tbm=isch&tbo=u...

आपल्याकडे मी नेहमी हिरवेच बघितले आहेत. फोटोत रंगीत पण दिसताहेत.

याच्या पानांच्या गुच्छाला सात पानं असतात. === जिप्सी, हेच म्हणायचे होते मला.
माझ्याकडेही होते कारवीचे सुंदर फोटो.

शनिवारी, मावळात "तेलबैला" ट्रेक करून आलो. तिथे हि फुले दिसली. दिसायला साधारण सोनटक्क्यासारखीचे, पण सोनटक्का नाही. सकाळी ११ च्या दरम्यान आम्ही तिथे होतो पण एकही फुल ताजेतवाने दिसले नाही, बहुतेक हि फुले संध्याकाळी/रात्री फुलत असणार. रस्त्याच्या कडेने फुलली होती.

निगवरील जाणकारांनी (मिळेल त्या उपकरणांनी) प्रकाश टाकावा.

मराठी नावः चोहोळा
बोटॅनिकल नावः Kaempferia scaposa
हि फुले:

हि पाने आणि झाडः

कासच्या(२००९ दसरा) टोपली कारवीचे फोटो (प्रिँटस)आहेत. आता त्याचा फोटो एवढा चांगला नाही येणार बहुतेक.

माझा फुलपाखरांचा {चित्रकला} अॅल्बमइथे मायबोलीवरच आहे.

यंदा सप्टेंबरच्या मध्यावर कासला गेलो होतो. सर्वत्र टोपली कारवीच होती. न फुललेली. कास ५० %सुद्धा फुलांनी भरलेले नव्हते. गुलाबी/जांभळा तेरडाच काय तो प्रामुख्याने होता. बाकी सोनकी वगैरे तुरळकतुरळक होते. आता वनखात्याने ट्रेल्स केले आहेत पण सगळेजण पिक्निकला आल्यासारखे बागडत होते. लहान मुले इतस्ततः धावत होती. यंदा पाऊस उशीरा पडला त्यामुळे आणि गेल्या वर्षी विक्रमी संख्येतल्या 'निसर्गप्रेमीं'नी झुडुपे तुडवल्यामुळे बी पडले नाही त्यामुळे झाडे उगवली आणि फुलली नाहीत असे वनखात्यातले कर्मचारी सांगत होते.
वाईट वाटले.

मस्त गप्पा, माहिती, प्र.ची

कारवी खुपच गोड आहे आणि तीच्या शंखाकृती कळ्या तर त्याहुन गोड!

जिप्सी तुम्ही टाकलेली फुलांची प्र.ची. सोनटक्या कुळातलीच असावीत, कारण त्याची पाने साधारण सोनटक्या सारखीच दिसतायत, बाकी जाणकार खुलासा करतीलच...

माझ्याकडे पांढरा सोनटक्का आहे, मी फुलांच्या प्रतिक्षेत आहे... साधारणं सप्टेंबर ते डीसेंबर हाच बहरण्याचा
सिझन असतो ना! कोणी सांगेल का? अजुन कीती वाट बघावी लागेल?

साधना कुठे आहे? बरेच दिवसात फिरकली नाही इकडे...

हिरा छान अनुभव!

१)कोनफळ आणि तोंडल्याचे वेल

२)आजचा सूर्योदय आणि कोनफळीच्या वेलाचे तोरण

३)कोनफळीच्या वेलाच्या पानांच्या देठाजवळ आलेली छोटीशी गाठ

१)फिशटैंकमध्ये लावलेल्या झाडाला आलेली फुले

२)आंब्याचे रोपटे +भात +मुनिआ. फोटो दोन फुटांवरून काढला आहे.

एस आर डी छान फोटो....

Srd.. जसा येईल तसा. मला बघायचा आहे टोपली कारवीच्या फुलांचा फोटो. फिशटँक मधली फुले गोडच. विषवल्ली ( नावाचीच ) वेल असते तिला अशी फुले झुपक्याने येतात.

हीरा.. गेली बरीच वर्षे कासची गर्दी वाढतेय. तिथल्या काही जाती तर इतरत्र कुठे दिसत नाहीत. काही भाग फिरण्यासाठी बंद केले पाहिजेत.

सायली, मुंबईत सोनटक्का पावसाळ्यात फुलतो. नंतर दिवाळीपर्यंत तुरळक फुलत राहतो.

जिप्स्या, फ्लॉवर्स ऑफ सह्याद्री बघावे लागेल. ३ भाग आहेत त्याचे.

Srd मस्तच!!!

SRD, जिप्सी मस्त फोटो

जिप्सी, तुम्ही पाठवलेले फोटो Kaempferia scaposa या आल्याच्या कुळातल्या वनस्पतीचे आहेत.
मराठी नाव चोहोळा.
flowers of india ची लिन्कः

http://www.flowersofindia.net/catalog/slides/Scaped%20Ginger.html

मी याचे नाव efloraofindia वरून शोधले. ती लिंकही देते. त्यातला फोटो लोणावळ्याच्याच परिसरातला आहे आणि तुम्ही पाठवलेल्या फोटोशी मिळताजुळता अहे:

https://groups.google.com/forum/?fromgroups#!searchin/indiantreepix/Kaem...$20scaposa/indiantreepix/1EgQ8F2loJQ/nuVXU4nFD0IJ

-अश्विनी

युरेका युरेका त्या फुलांचे नाव सापडले

मराठी नावः चोहोळा
बोटॅनिकल नावः Kaempferia scaposa

दिनेश वाळके यांनी काढलेले फोटो पहा:
http://flickriver.com/photos/dinesh_valke/tags/chohola/

नाव शोधताना दिनेशदांनी फ्लॉवर्स ऑफ सह्याद्रीची आठवण करून दिल्यावर मी "फ्लॉवर्स ऑफ इंडिया" या साईटवर गेलो आणि या फुलाची फॅमिली शोधली. साधारण सोनटक्क्यासारख्या दिसणार्‍या या फुलांची फॅमिली "Zingiberaceae" (Ginger) असल्याने "sahyadri flowers Zingiberacea" हे शोधुन पाहिले असता या फुलाचे नाव सापडले.

जिप्स्या तुला फ्लॉवर्स ऑफ सह्याद्रीची पुस्तके मिळाली का?>>>>>नाही जागू, मी अजुन शोधलंच नाही आहे.

अश्विनी, सेम पिंच खुप खुप धन्यवाद.
माझ्याकडुन ४ मिनिटांचा उशीर झाला प्रतिसाद देण्यात.

अश्विनी, तो दुसर्‍या लिंकवरचा फोटोही तोच आहे. लोणावळ्यापासुन, अ‍ॅम्बी व्हॅलीच्या पुढे सालतर खिंडीतुन एक रस्ता भांबर्डेला जातो. त्याच रस्त्यावर दुतर्फा हि फुले दिसली. मात्र पूर्ण फुललेलं फुल (ताजे फुल) दिसले नाही. पण आता फोटोत त्याच्या तलम रेशमी पाकळ्या पाहिल्यावर मात्र कळतंय कि हि फुले उन्हाचा मारा जास्त सहन करू शकत नसतील (असं मला वाटतंय

Srd खूपच छान आहे तुमची बाग. एकदा बघायला हवी.

धन्यवाद दा! अरे व्वा चोहोळा नाव पण मस्त आहे नाही!

या पुस्तकांसाठी थेट डॉ इंगळहाळीकरांना इमेल करता येईल. पुण्यालाच असतात ते.

रंग रंगुल्या सान सानुल्या गवतफुला रे गवतफुला
असा कसा रे मला लागला सांग तुझा रे तुझा लळा
(शब्दः इंदिरा संत)

१.

२.

३.

४.

५.

६.

वा जिप्सी तुम्ही कवितेबरोबर फोटो पेश करताना ती एक मेजवानीच असते. क्या बात है.

ती तीन नंबरची गुलाबी फुले आहेत त्याच्या माळा असतात नवरात्रात आमच्याकडे देवीला.