निसर्गाच्या गप्पा (भाग २२)

निसर्गाची कलाकुसर !

खरंच कलाकुसर. फ्लॉवर की ब्रोकोली?

ब्रोकोली.. चवीला पण छान आहे.

हि चिनी भाजी, पाक चोई.. मी विठाई मालिकेत लिहिले होते. मुंबईत एक दोन ठिकाणीच विकायला असलेली बघितली. म्हणजे भारतात सहज शेती होईल. भारतीयांत लोकप्रिय व्हायला हवी. चवीला साधारण मूळ्यासारखीच लागते. आणि या भाजीत काहीही टाकण्यासारखे नसते.

मुळा मला नै बै आवडत

दिनेशदा वर्खा बद्दल धन्यवाद.. उपयुक्त माहिती

हे घरटं कोणाच ते ओळखा...

निसर्गाची कलाकुसर>>>
कसल भारी दिसतय. मला ते समुद्रातलं काहितरी आहे अस वाटलं.

चांदीच्या वर्खाबाबत छान माहिती

कोरफडीचा पुर्ण फोटो ऍड केलाय.

मस्त आहे घरटं. कोणत्या पक्षाचं आहे?

शिंपी पक्ष्याचे घरटे का ?

इंद्रधनुष्य, शिंपी पक्षाचे घरटे आहे का?

ते समुद्र फुल कसले मस्त दिसतेय :). नक्की काय आहे ते दिनेशदा?

दा, मोनाली... अगदी बरोबर.

गणपतीच्या दिवसात एक जोडप आमच्या घरा समोरील त्या केवडा?च्या झाडा वर दिसलं.. म्हटंल वटवट्या असेल... नंतर सतत दोन तीन दिवस दिसत राहिलं.. मग लक्ष देऊन बघिलतल्या वर कळलं की हे शिंपीच जोडपं आहे आणि त्यांचा मनसुबाही लगेच ध्यानात आला... मी खुपच आनंदी झालो...

पण गणपती नंतर शेजारच्याने त्या झाडावर पाणी फवारणी सुरु केली आणि बिच्चारे ते अर्धवट बांधलेलं घरटं सोडून निघुन गेले...

कोरफडीचा मोहर, ब्रोकोली, शिपी पक्षाचे घरटे, सारेच काही छान...

मागे आमच्याकडे देखिल औदुंबराच्या झाडावर (कुंडीतल्याच) शिंपी पक्षांनी घरटे केले होत,,, काय मस्त दोन पान एक मेकांना टाचुन वगैरे...,आत कापुसाचा मऊ मऊ बिछाना देखिल असतो... कमाल आहे नाही?

दिनेशदा ब्रोकोली सॉलिड मस्त आहे, इथे मिळतच नाही ही भाजी, मॉलमध्ये असेल कदाचित पण बाजारात नाही दिसत. पाक चोई पण मस्त.

मोनाली, ती ब्रोकोली ( हिरवा फ्लॉवर म्हणतात आपल्याकडे ) आहे.

आमच्या घराजवळ एका देशी बदामाच्या पानात शिंपी पक्ष्याने घरटे केले होते. त्यांचे अंदाज कसे अचूक असतात बघा. त्या घरटातले पिल्लू बाहेर पडल्यानंतरच ते पान पिकले व गळून पडले.

या घरटातले पिल्लू बाहेर पडल्यानंतरच ते पान पिकले व गळून पडले.
>>

ब्रोकोलीच्या तुर्‍यात पण अनेक कळ्या असतात !

खरच काय अचुक अंदाज असतात नाही पक्षांचे... आणि दा तुमचे निरिक्षण देखिल...

ब्रोकोली वरुन एक आठवले, आमच्या बॉस चे ३ तारका होटेल पण आहे नागपुरात... तर रिसेप्शनीस्ट चा हेयर कट असाच होता, कुरळे केस आणि स्टेप बॉय कट, तर बॉस आले की तीला ब्रोकोली म्हणुन मोठ्याने हाक मारतात आणि ती
देखिल येस सर म्हणत आत जात... ( सोरी अवांतर)

फोटो अंतरजालाहुन....

हो दा ब्रोकोली माहिती आहे.
शिंपी पक्षांनी घरटे केले होत,,, काय मस्त दोन पान एक मेकांना टाचुन वगैरे...,आत कापुसाचा मऊ मऊ बिछाना देखिल असतो... कमाल आहे नाही?>> अगदी हेच वर्णन. आमच्या ऑफिसच्या बाजुच्या झाडावर केलेले घरटे. माळी काकांनी काढले (पक्षी गेल्यावर) तेव्हा दाखवलेले आम्हाला. अ प्र ति म कलाकुसर होती ती. (म्हणुन कळाले हो, नाहितर आम्हाला कुठली एवढी माहिती )

म्हणून तर त्याला शिंपी म्हणतात.. सूर्यपक्ष्याचेही असेच असते. पण तो पाने शिवत नाही. अधांतरी लटकत असते ते घरटे.

ब्रोकोली,पाक चोई, शिंपी पक्ष्याचे घरटे छान.

शिंपी पक्षाची शीळही काय सुरेल व नाजूक असते!

शिंपी पक्षी:

दिनेश, कसली आर्टिस्टिक आहे ब्रोकली... माय फेवरेट..........

पाक छॉय पण मला भारीच आवडते,,,,,,,,,, पण स्टर फ्राईड विथ चायनीज टिपिकल मसाला ओन्ली...

सरिवा.. कसला फोटो आहे??

शिंपी पक्षी शोध.शीर्षक दिले आहे.

हाहा.. दिसला दिसला!!!!!!!!!!!!!

आता पाऊस पडतोय काय मुंबईत ?

आता पाऊस पडतोय काय मुंबईत ?>>>>इथे ऐरोलीला तर अजुन पाऊस नाही सुरू झालाय पण विजा चमकत आहेत आणि ढगांचा गडगडाट सुरु झालाय. मघाशी चहा प्यायला खाली गेलो तेंव्हा जोरात वादळासारखा वारा सुटलेला, चक्रीवादळासारखी माती गोल गोल फिरत होती. चहा न पिताच वर आलो.

आत्ता नाहिये. मी घरी येताना जोराचा गोल गोल वारा सुटला होता. टेंभी नाक्यावरच्या जत्रेतली एक कमान वार्‍याच्या जोरामुळे थोडी कलली. खाली बसलेले फेरीवाले आपापलं सामान घेऊन दुकानांच्या आडोश्याला जात होते.

सरिवा काय मस्त टिपलायत शिंपी पक्षी!...

पारिजातकाच्या फुलांचा ती झाडावर असताना फोटो काढणे कठीण असते. कारण फुले फुलतात रात्री आणि उजाडताना ती झाडावरुन खाली पडलेली असतात. तसेच झाड मोठे असेल तर इतक्या वरचा फोटो रात्री नीट येत नाही. पण मागच्या आठवड्यात मी अष्टविनायक यात्रेला गेले होते. लेण्याद्री चढायला अगदी लवकर म्हणजे सकाळी सहाला सुरवात केली. वातावरण अप्रतिम होते. तिथे हे प्राजक्ताचे झाड होते. हवा थोडी थंड असल्यामुळे फुले अजुन झाडावरच होती. सुंदर दिसत होती सकाळच्या प्रकाशात. भुतलावरच्या चांदण्याच जणु. म्हणून फोटो काढला. तो हा फोटो तुमच्यासाठी

From mayboli

सप्तपर्णी फुलण्याचा सीझन सुरू झालाय का? रात्री ऑफिसहुन घरी जाताना हा ओळखीचा सुगंध दरवळतो. पवईला असताना रस्त्याच्या दुतर्फा सप्तपर्णी होती पण इथे ऐरोलीला दिसत नाही मात्र रात्री घरी जाताना सुगंध येतो.