ड्रंक लेडी विथ ऑडी..

त्या बाईला तिच्या किंवा तिच्या परीजनांनासुद्धा त्याच प्रमाणे उडवावं का?
या केस मधे पब्लिक मार कसा बसला नाही तिला याचे ही आश्चर्य आहेच.

शिक्षा तर मिळायलाच हवी, मिळेलच कि नाही ते सांगता येत नाही :रागः

<<<कुठे चालली आहे भातताची संस्कॄती बायापण पियक्कड!>>>

अहो असे एकदम सबंध भारतीय संस्कृतीवर घसरू नका. एक यडपट बाई म्हणजे सगळा समाज नव्हे.
आता हेच पहा ना, भारतीय संस्कृतीत स्त्रियांचा आदरच केला जातो म्हणूनच <<<या केस मधे पब्लिक मार कसा बसला नाही तिला>>> असा प्रश्नच अजून कुणाला पडला नव्हता.

त्यात आश्चर्य कसले, उच्च भारतीय संस्कृती आहे ती.

बन्डु, माझ्या अंदाजाप्रमाणे मुक्तमार्ग अधांतरी आहे. त्यामुळे जमिनीवरील लोकवस्तीशी संपर्क येत नाही. म्हणून मार पडला नसावा.
आ.न.,
-गा.पै.

या केस मधे पब्लिक मार कसा बसला नाही तिला याचे ही आश्चर्य आहेच.
>>
अहो अपघात रात्री दोन अडीच वाजता घडला . तेव्हा तिथं कोण कडमडायला जातंय मार द्यायला. पुन्हा आणखी लेडीज बाई ....

अ‍ॅडव्होकेट जाह्नवी गडकर अपघात प्रकरणात दोन मुद्दे आहेत.
मद्य पिऊन वाहन चालविणे.
मार्गिकेतून चूकीच्या दिशेने वाहन चालविणे.

पैकी मद्य पिऊन वाहन चालविणे हा मुद्दा जास्त महत्त्वाचा आहे कारण यापूर्वी सलमान खान, ऑलिस्टर परेरा, नुरिया हवेलीवाला या व अशा अनेक प्रकरणांत हा मुद्दा होता. त्यातही मद्य पिऊन वर जास्त जोर देत ऋन्मेऽऽष यांनी दारूबंदीचा मुद्दा मांडला व मी त्यास सहमती दर्शविली. त्यावर इतर काही मद्यसमर्थक सदस्यांनी मार्गिकेतून चूकीच्या दिशेने वाहन चालविण्याच्या मुद्यावर जोर दिला. त्यातही मी असे केले असल्याचा दाखला देत (माझ्याच लेखातले संदर्भ घेऊन) माझ्यावर वैयक्तिक हल्ला चढवित मला याप्रकरणी काहीही मत प्रदर्शित न करण्याचा नैतिक अधिकार नसल्याचा दावा केला. अशा सदस्यांच्या हल्ल्याला प्रत्युत्तर देण्यात बराच वेळ व ऊर्जा खर्च झाली. असो. तरीही त्यांना माझ्या त्या प्रसंगातील कृतीवर आक्षेप आहे की एकुणातच चूकीच्या दिशेने वाहन चालविण्याच्या प्रवृत्तीवर आक्षेप आहे? कारण माझ्या त्या प्रसंगातील कृतीचे मी स्पष्टीकरण दिले आहे

तरी त्यांना एकूणच या प्रवृत्तीवर धोरणात्मक आक्षेप असावा असे समजून वादविवाद बाजूला ठेवित पुन्हा असे मीच काय कुठल्याही वाहनचालकाने उलट दिशेने वाहन चालवू नये याकरिता एक सुलभ उपाय सुचवित आहे.

खाली डकविलेल्या रेखाचित्रानुसार महामार्गावर ठराविक अंतरावर नॉन रिटर्न जर्नी रॅम्प्स उभारावेत. म्हणजे रस्त्याच्या रुंदीइतकी रूंद, अर्धा ते पाऊण इंच जाडीची प्लेट साधारण दोन फुट अंतरापर्यंत ३० अंशाच्या कोनात उचलली जाईल अशा पद्धतीने जाड स्प्रिंग्सच्या साहाय्याने रस्त्यावर बसवावी. ज्या दिशेने वाहन प्रवास करणे अपेक्षित आहे त्या दिशेने ती खालून वर उचलली जाईल अशी तिची रचना असावी. साधारण १०० किग्रॅ वजन तिच्यावर पडले म्हणजे ती दाबली जाऊन रस्त्याच्या पातळीत सपाट होईल अशा स्प्रिंग्ज असाव्यात. म्हणजे सरळ दिशेने जाणारे वाहन त्यावर चढले की ती प्लेट दाबली जाऊन रस्त्याच्या पातळीत येईल व वाहन सहज पार होईल. याउलट विरुद्ध दिशेने जाणारे वाहन या प्लेटसमोर आले की स्प्रिंगमुळे फुटभर वर आलेली ही प्लेट अडथळा बनून या वाहनाला अटकाव करेल. वाहन विरुद्ध दिशेने प्रवासच करू न शकल्याने संभाव्य अपघात टळतील.

नॉन रिटर्न जर्नी रॅम्प्स >>> छान आयडीया आहे. वेगवान मार्गावर अवलंबवायला हरकत नाही. फक्त खर्च आपल्या गरीब(!) देशाला परवडायला हवा

आणि त्या नॉन रिटर्न जर्नी रॅम्प्स वर तुमच्यासारख्या नियम मोडून वाहन चालवर्‍याने गाडी घालून फसवली की मग पुन्हा ट्राफिक जॅम आणि सगळ्यांच्या वेळेचा खोळंबा नाही का.
तुम्ही नियम मोडणार आणि रॅम्पचा खर्च नियम पाळणार्‍या लोकांच्या डोक्यावर टाकणार, त्यापेक्षा तुमच्या सारख्यांवर कायमची वाहन जप्ती, डबल टॅक्स, लायसेंन्स रिवोकेशन अशी कारवाई का करू नये.

पैकी मद्य पिऊन वाहन चालविणे हा मुद्दा जास्त महत्त्वाचा आहे >> का? मद्य न पिता नियम मोडून चुकीच्या दिशेने गाडी चालवतांना मोठा अपघात होवून प्राणहानी होत नाही का?

धन्यवाद ऋन्मेऽऽष, पण मला नाही वाटत फारसा खर्च येईल. गतिरोवधक बसविण्याऐवजी जागोजागी हेच बसवावेत. अपघात टाळले गेल्याने कितीतरी खर्च वाचेलच.

वर कुणीतरी थर्ड पार्टी इन्श्युअरन्सचा मुद्दा टाकला आहे. त्याविषयी अधिक माहिती -

वाहनाच्या धडकेने कुणाचे नुकसान झाले तर त्याची भरपाई करणे हे वाहनमालकाचे (चालकाचे नव्हे) काम असते. त्या वाहन मालकाने स्वतःचे वाहन योग्य व्यक्तिच्या हाती सोपविले (व्हॅलिड लायसेन्स होल्डर) असेल आणि सदर वाहन चालक मद्यप्राशन करून वाहन चालवित नसेल तरच वाहनमालकाच्या वतीने ही नुकसान भरपाई थर्ड पार्टी इन्शुअरन्स अंतर्गत विमा कंपनी करते. या घटनेत वाहनचालकाने मद्यप्राशन केले असल्याने हा मुद्दा आपोआपच निकाली निघतो. वाहनमालकालाच आता स्वतःच्या खर्चाने अपघातग्रस्तांची नुकसान भरपाई करून द्यावी लागणार आहे.

त्या बाईला तिच्या किंवा तिच्या परीजनांनासुद्धा त्याच प्रमाणे उडवावं का?
या केस मधे पब्लिक मार कसा बसला नाही तिला याचे ही आश्चर्य आहेच.>>>माझ्या मनात पण हा विचार आलेला.

असे पण वाटले की ज्यांचे प्राण गेले त्यांनी भुतहोउन तिच्या नरडिचा घोट घ्यावा.

अहो अपघात रात्री दोन अडीच वाजता घडला . तेव्हा तिथं कोण कडमडायला जातंय मार द्यायला. पुन्हा आणखी लेडीज बाई ....>>>
लेडीज बाई म्हणुन दया नाही दाखवायला पाहिजे.

लेडिज बाई ,जेन्स्ट बाई असे प्रकार असतात का?????????

@ हुप्पाहुय्या,

माझ्या उलट दिशेने वाहन चालविण्याने अपघात घडला नव्हताच पण माझ्यासारख्या किंवा अगदी माझ्याकडूनही जर अपघात घडला तर काय दंड / शिक्षा करावी ह्याची कायद्यात आधीच तरतूद आहे.

तुम्ही सुचविलेले उपाय अपघात घडून गेल्यावर काय करायचे त्याबद्दल आहेत. त्याने झालेले नुकसान घडलेले नुकसान कसे भरून निघणार? मी सुचविलेल्या मुद्यात अपघात टाळण्याकडे भर आहे. त्यामुळे अपघात झालेच नाहीत तर खर्च वाचतोच.

याचीही नोंद घ्यावी की मी वाहन प्रासंगिक आगतिकतेमुळे अतिशय किरकोळ अंतराकरिताच उलट दिशेने काळजीपूर्वक चालविले होते. याउलट आपल्या गंतव्य स्थानी जाण्यास सोयीचे व्हावे व जास्तीचा फेरा पडू नये या करिता कित्येक वाहनचालक (विशेषत: रिक्षास्टँडवर जाणार्‍या रिक्षा) सर्रास व नियमितरुपाने विरुद्ध दिशेने जात असतात व हा त्यांचा "एरिया" असल्याने योग्य मार्गाने जाणार्‍या वाहनचालकांनाच उलट दमदाटी करित असतात याचा मी गेले वीस वर्षे निगडी, आकुर्डी, चिंचवड, पिंपरी या परिसरात अनुभव घेत आहे.

चेतन, उत्तम आयडिया आहे. तुम्ही याचा पाठपुरावा करा, पेटंट मिळते का बघा (जर अजून कुणी केले नसेल तर). मी चेष्टेने नाही, मनापासून सांगतो आहे

टण्या , काहीही हं.....

धन्यवाद टण्या.
खरं तर मला विरुद्ध मार्गिकेतून वाहन चालविल्याबद्दल दोष देणार्‍या सर्वांना माझे हेच सांगणे आहे की मी स्वतः विरुद्ध दिशेने वाहन चालवून दादागिरी करणार्‍या रिक्षाचालकांचा गेली दोन दशके त्रास भोगत आहे. माझ्या भावाला निगडी चौकात एका रिक्षावाल्याने अशा पद्धतीने रिक्षा चालवून धडक दिली तेव्हा पोलिसांत तक्रार केली असता चूकीच्या दिशेने मार्गिकेतून वाहन चालविणार्‍यांचा गुन्हा पोलिसच इतका मनावर घेत नाही असा अनुभव आहे.

मला पेटंट मिळाले नाही तरी चालेल पण हा उपाय सरकारने केला तर आनंदच होईल. तो सरकारपर्यंत पोचविण्याकरिता आवश्यक ते सर्व प्रयत्न मी करीन.

तसेच मी ज्या परिस्थितीत (म्हणजे हक्काची मार्गिका कित्येक तास वाहतूक खोळंब्यामुळे बंद असणे) विरुद्ध मार्गिका वापरली ती परिस्थितीही वाहनचालकांवर न यावी हे देखील महत्त्वाचे आहे. तासाला किमान १५ किमी तरी पुढे जाता यायला हवे इतपत सर्वच रस्ते मोकळे आणि खड्डेमुक्त असावेत. जर अर्धा / एक किमी कापायला तीन चार तास रांगेत उभे राहावे लागले तर तहान, भूक व इतर शारिरीक गरजांनी त्रस्त होऊन वाहनचालक नाईलाजाने विरुद्ध मार्गिका वापरणारच ही सामान्य बाबदेखील विचारात घ्यायला हवी.

चेतन सुभाष गुगळे,

तुम्ही म्हणता ती स्प्रिंगची कल्पना इथे इंग्लंडमध्ये काही ठिकाणी वापरली आहे : http://www.hazard.co.uk/one-way-traffic-flaps.html

त्यांची मासलेवाईक वेगमर्यादा ५ मैल (८ किमी) प्रतितास आहे. भारतात कितपत उपयोगी पडेल यावर अधिक संशोधन व्हायला हवं.

आ.न.,
-गा.पै.

ती spring वाली सोय इथे पाहिलीये पण अत्यंत गाडी हळु चालवताना योग्य आहे. जोरात एखादी गाडी आली व या स्प्रिंगला अडखळली तर ती वेगामुळे उलटीपालटी होऊन भयंकर अपघात होईल. आणि वर पुन्हा सरळ दिशेने येणार्‍या गाड्या पण अडखळतील व त्याही उलटल्या तर?

गुगळे, त्या परिस्थितीत सध्या जे होते आहे ते प्रत्यक्ष पाहिले नाही त्यामुळे तुम्ही विचारलेल्या प्रश्नाचे उत्तर माझ्याकडे नाही. पोलीस जाऊद्यात, कायदाही जाऊद्यात पण अपघाताची शक्यतेची जास्त भिती वाटते त्यामुळेच उलटे जाणे नको असे वाटते. ओव्हरटेक केलेलं पाहिले आहे पण ते केवळ काही सेकंद असते.
बाकी, ट्रॅफिकमधे ३-४ तास अडकायचे भरपुर अनुभव आहेत त्यामुळे त्या कारणासाठी उलट जाणे वैयक्तिक जमणार नाही.

या बाईंचे पुढे काय होते ते पाहुया. आग थोड्या दिवसांने थंड होईलच. अरेरे!!

http://www.ndtv.com/blog/she-drank-whiskey-for-fun-my-father-died-uk-bas...

टॅक्सी वाल्याच्या मुलीचे मनोगत!

दारू पिऊनही गाडी चालवणारे आपल्याबरोबर इतर अनेकांचे जीव धोक्यात घालतात आणी वर आम्ही पिऊनही व्यवस्थीत चालवतो अशी फुशारकी मारतात. त्या सार्‍यांना गावाबाहेर मोकळ्या मैदानात नेऊन सोडावे, प्या दारू, द्या धडका आणी मरा एकदाचे !

.

पुण्यातले प्रकरण असेच शांत होईल वाटतं

भारतात माणसाच्या जीवाला किंमत नाही

मुलाला वाचवणे मुद्दा: खरंतर आपण त्याच्या जागी असतो तर अश्या कल्पनाविलासात काहीच तथ्य नसतं. प्रत्येक माणूस, त्याच राहणीमान, upbringing आणि वैचारिक मानसिक तत्वे वेगळी असतात. सदर गुन्हेगाराच्या बापाला आपलं दिवटं अल्पवयीन असून दारू पितय याबद्दल पूर्ण कल्पना होती, किंबहुना त्याने अशी दारू पार्टी करावी इतपत सुविधा स्वतः बापानेच केली होती. बरं दारूची सोय लावली तर लावली, बिना नंबरप्लेट, एवढी वेगवान गाडी, चालवायला बापानेच गुन्हेगाराला सांगितलं होतं. स्थानिक आमदार या बिल्डरच्या दारातल्या कुत्र्यागत तिथं कायमस्वरूपी हजर होता, आपण काहीही करून ते पचवू शकतो इथपर्यंत आत्मविश्वास या पितापुत्राला होता. अशाप्रकारे गुन्हा घडतो तो एका क्षणात घडत नाही, त्याला अनेक गोष्टी जबाबदार असतात. तुम्ही असं काही करू शकाल?

साधना तुम्ही म्हणालात की त्याजागी आपलं मूल असतं तर वगैरे पण, "तू काहीही कर मी सावरून घेईन, तू अल्पवयीन असून दारू पी, मद्यधुंद होऊन भरधाव गाडी उडव, आपलं कोण काय वाकडं करू शकत नाही" हे तुम्ही तुमच्या मुलाला सांगू शकता का?

त्या मुलाला निबंध लिहायला लावायला हवा तो असा : कल्पना कर की तू मृत पावलेल्यांचा पालक आहेस

अशाप्रकारे गुन्हा घडतो तो एका क्षणात घडत नाही, त्याला अनेक गोष्टी जबाबदार असतात. .+१००
अपघात दुर्दैवाने कुणाकडूनही होऊ शकतो, वेळ काही सांगून येत नाही. पण बारावीतल्या मुलाने दारू पिऊन बेफाम वेगाने गाडी चालवणे हेच मुळात अक्षम्य आहे. जास्त चूक पालकांची आहे यात माझ्या मते.

साधना तुम्ही म्हणालात की त्याजागी आपलं मूल असतं तर वगैरे पण, "तू काहीही कर मी सावरून घेईन, तू अल्पवयीन असून दारू पी, मद्यधुंद होऊन भरधाव गाडी उडव, आपलं कोण काय वाकडं करू शकत नाही" हे तुम्ही तुमच्या मुलाला सांगू शकता का>>>>>

अर्थातच नाही.

जनता विसरून जाते किंवा आपल्या निवडून येण्यावर काही परिणाम होणार नाही म्हणून राजकारणी निवांत आहेत. पोलिसांना आपला कोणी काही वाकडे करू शकत नाही हा कॉन्फिडन्स आहे. राजकारणी आणि पोलीस भ्रष्ट असल्याने दोघांच्या हातात एकमेकांच्या नाड्या आहेत. जो पर्यंत नियम न पाळणारे सरकारी कर्मचारी किंवा राजकारणी हा जनतेसाठी महत्वाचा मुद्दा होत नाही तो पर्यंत सामान्य माणूस असाच मरत राहणार. होर्डिंग पडणार, आगी लागणार, पूल पडणार, रेल्वे घसरणार, कोणीतरी चिरडणार, मॅनहोल पडणार, रस्त्यातल्या खड्ड्यात गाड्या जाऊन मरणार.

आपण एकटे काय करणार किंवा लष्कराच्या भाकरी कोणी भाजायच्या असा विचार करत करत पूर्ण व्यवस्था फक्ड अप बियॉंड रिपेअर झालीये. देश सोडणे, सहन करणे किंवा उभे राहणे ३च पर्याय राहिलेत.

न्यायमूर्ति भादंंविशास्त्री यांनी या शिक्षा इथून प्रेरित होऊन सुनावल्या असाव्यात.

प्रस्तुत अग्रवाल बाळाच्या आजोबांनी म्हणे पूर्वी छोटा राजनला कुणाला तरी मारण्याची सुपारी दिली होती. जीवघेणा हल्ला झाला. केस अजून प्रलंबित आहे. आजोबांना एकदाही अटक झाली नाही या प्रकरणात.

निर्ढावलेलं आणि माजुरडं कुटुंब आहे हे एकंदरीत. कुणाला जुमानत नाहीत ह्याची पार्श्वभूमी आहे. कायदा आताही वाकल्यास नवल नाही.

अशा प्रकारे आपल्या प्रधानसेवकांना विश्वगुरु होण्याचा व संपूर्ण जगास ( हे असले) धडे शिकवण्याचा दुर्दम्य विश्वास आहे.

त्या मुलाला निबंध लिहायला लावायला हवा तो असा : कल्पना कर की तू मृत पावलेल्यांचा पालक आहेस>> यांना काहीच फरक पडणार नाही. लिहून दाखवतील.

अल्कोहोल चाचणी कशी करतात याबद्दलची माहिती डॉक्टर मीरा यांनी देऊन या केस मध्ये इतक्या लौकर कशी आली यावर आक्षेप घेतला आहे.

रोज किती जण अपघातात मृत्यूमुखी पडत असतील. या केस मधे कल्याणी नगर इथल्या प्रभावी नागरिकांनी विरोध सुरू केल्याने वाचा फुटली आहे.

पाच दिवस आधीच माहितीतल्या एमडी झालेल्या मुलाला उडवले. अल्पवयीन मुलाला लपवून दुसरा मुलगा उभा केला. आता या प्रकरणात जातीच्या संघटना उतरल्यावर वाचा फुटतेय.

ज्यांना आवाज नाही, संख्या बळ नाही, सत्तेत कुणी नाही, प्रशासनात कुणी नाही, मीडियात कुणी नाही, ज्यांना कल्याणी नगर ऐवजी मागास प्रांतात उडवले असेल.. अशा किती केसेस दडपल्या जात अशतील.

टेंपो वाल्याने उडवले, गावचा सरपंच ओळखीचा / भावकीतला असेल. तर आमदाराला निवडणुकीत मतं पाहिजेत म्हणून केस दाबली जाते.
टेंपो वाल्या विरूद्ध पोर्शे गाडी पाहून जितका क्षोभ उसळेल तितका उसळत नाही.