विधानसभेत भाजपा विरुद्ध शिवसेना झाल्यास कोण मारेल बाजी?

चला कल्याण ग्रामीणमध्ये मूळचे शिवसैनिक जे मागच्या वेळी उभे होते 'रमेश म्हात्रे', ह्यांना ह्यावेळी भाजपने तिकीट दिलं होतं पण त्यांनी शेवटच्या दिवशी उमेदवारी मागे घेतली त्यामुळे इथे तरी भाजप-शिवसेना ही मतविभागणी होणार नाही अर्थात इथे मागच्यावेळी मनसे निवडून आली होती पण आता बघूया.

शिवसेना, मनसे, कॉंग्रेस आणि राष्ट्रवादी असा सामना आहे आता.

कल्याण ग्रामीणमध्ये डोंबिवलीचा बराचसा भाग येतो.

भाजपाला स्पष्ट बहुमत मिळेल असा माझा विश्वास आहे. ज्या पध्दतीने श्री मोदी यांनी देशात विश्वासाची लाट आपल्या कामाद्वारे निर्माण केली आहे त्यावरुन महाराष्ट्राची जनता त्यांच्या पाठीशी उभी नक्कीच राहिल.
त्याच बरोबर स्वतंत्र विदर्भाला पाठिंबा असल्यामुळे भाजपाच्या विदर्भातुन ८०% जागा नक्कीच येतील.
>>>
अस्सं ! म्हणजे बहुमत घेऊन विधानसभेत घुसले की लगेच त्याच दिवसापासून स्वतंत्र विदर्भ करण्यासाठी महाराष्ट्र तोडायला सुरुवात करणार तर...

भाजपला मत म्हणजे महाराष्ट्राच्या विभाजनाला मत असे नाही काय?

मोदीसरकारच्या कामाचा उरक पाहता बहुमत मिळाल्यास करतीलही.
युपीएने आंध्रविभाजनाचा बराच घोळ घातला होता. आधीच्या एन्डीए सरकारने उत्तर प्रदेश, बिहार, मध्य प्रदेश यांचे विभाजन केले होते.

स्वतंत्र विदर्भाच्या मागणीला जाहीर पाठींबा असणं व निवडणूक प्रचारात तशा स्वतंत्र राज्य स्थापनेचं ठोस आश्वासन देणं, या भिन्न गोष्टी आहेत. मला नाही वाटत भाजप अशा आश्वासनावर प्रचारात भर देईल असं. विदर्भातील यशासाठी उर्वरित महाराष्ट्रात तो पक्ष स्वतःला कां अडचणीत आणेल ?

मला नाही वाटत भाजप अशा आश्वासनावर प्रचारात भर देईल असं >

आज टिव्हीवर दाखवत असलेल्या पोल वर स्वतंत्र विदर्भाच्या भुमिकेवरुन भाजपाला किती जागा मिळतील यावर चर्चा चालु होती किमान ५०% जागा तरी भाजपाला त्या मुद्द्यावरुन मिळत आहे त्यामुळे तो मुद्दा भाजप सोडतील असे वाटत नाही

मी टिव्हीवरचा तो पोल पाहिलेला नाही पण त्यात सुचवलेला निष्कर्ष पटत नाही. विदर्भात भाजपाचा जोर आहेच व या मुद्द्याचं आत्तां भांडवल करून कदाचित अधिक जागा त्याना तिथं मिळतीलही. पण उर्वरित महाराष्ट्रात नेमकं तेंच त्यांचं बरंच नुकसान करेल, यांत शंका नसावी.

उर्वरित महाराष्ट्र मिळायची शक्यता नसेल तर विदर्भ घेऊन गप्प बसायचं असेल.

तसंच कुठल्या प्रचारात काय बोलायचं याचं गणित त्यांच्याइतकं कोणाला जमणार?

हायपोथेटीकल विचार करता समजा विदर्भ हे वेगळे राज्य तयार झाले तर (राजकारणापलिकडे) ह्या विभाजनाचा महाराष्ट्रीय व वैदर्भीय जनतेला नेमका कसा फायदा किंवा तोटा होणार आहे?
हा फक्त भावनिक मुद्दा आहे की त्याला काही आर्थिक व प्रशासकीय धोरणेही आहेत?

महाराष्ट्राची बहुतांश वीज विदर्भातून येते ,विदर्भात रिसोर्सेस अभावी शेतकर्‍यांच्या आत्महत्त्या जास्त होतात, नक्षलवाद आहे काही भागात, चंद्रपूर, भंडारा वगैरे राज्यात भरपूर खाणी आहेत त्यामुळे चराऊ कुरण वाढवण्यासाठी राजकारण्यांची ही खेळी आहे अशी ढोबळ माहिती आहे, पण अजून काही माहिती मिळावी ह्यासाठी विचारतो आहे.

ऊत्तरांचल, झारखंड राज्ये वेगळी झाली त्याचे नेमके काय परिणाम झाले?

त्याचे नेमके परिणाम हे झाले, की मुख्यत्वे 'मागास' असलेल्या या भागातले नैसर्गिक स्त्रोत कसे ओरबाडले जात आहेत याची पर्वा करायची गरज उरलेल्या प्रगत भागातील लोकांना उरली नाही. प्रगतीच प्रगती होऊ लागली. शिबू सोरेनसारख्या लोकांना मुख्यमंत्रीपदही मिळाले. सर्वत्र आनंदी आनंद झाला.

तुकडे पडलेल्या राज्यात फक्त छत्तीसगड राज्यात प्रगती आहे. सुरुवातीला काँग्रेसचे अजित जोगी जे पूर्वी आय ए एस ऑफिसर होते ह्यांचे द्रष्टे नेत्रूत्व लाभले नंतर रमणसिंह सरकारने ती परम्परा पुढे चालवली त्यानीही चांगले प्रशासन दिले. त्यामुळे छतीसगड राज्य काही क्षेत्रात अग्रगण्य आहे . त्या प्रॅक्तीसेस इतर राज्ये अनुकरण करीत आहेत. इतर राज्ये मूर्ख नेतृत्वामुळे आणखी गाळात गेली आहेत कारण ती राज्ये कुणाला तरी खुर्च्या मिळाव्यात म्हणून निर्माण करण्यात आली आहेत. डॉ. जिचकारांनी स्वतः एक टिपण काढून स्वतंत्र विदर्भ एकॉनॉमिकली व्हायेबल होते नाही हे आकडे वारीसह दाखवून दिले आहे. त्यावर ते प. महराष्त्राचे एजन्ट असल्याचा आरोप करण्यात आला. माझ्या मते आम वैदर्भिय जनतेच्या भावना स्वतंत्र होण्याबाबत तीव्र नाहीत ( जसे तेलंगणात होते . लोक रस्त्यावरच आले होते) विदर्भातल्या काही पडेल पुढार्‍यांची आणि आता मुख्यमंत्रीपद ज्यांना डोळा मारते आहे असल्या लंपट पुढार्‍यांची दुकानदारी आहे.
वैयक्तिक माझ्या मते स्वतंत्र विदर्भ झाला पाहिजे . त्याचा तसाही उर्वरित महाराष्ट्राला काहीही फायदा नाही... कोळसा, खनिजे, या बाबी केंद्राच्या अख्त्यारीत येत असल्याने त्याच्या इक्विटेबल डिस्ट्रिब्युशन बाबत केंद्राचे नियम आहेत.

वैयक्तिक माझ्या मते स्वतंत्र विदर्भ झाला पाहिजे त्याचा तसाही उर्वरित महाराष्ट्राला काहीही फायदा नाही..>>>>>??????????

महाराष्ट्रातल्या प्रचारसभांत मोदीकाका सांगताहेत : महाराष्ट्राला गुजरातच्या पुढे घेऊन जाणार.

पुढे या शब्दाचा अर्थ बदलला की काय?

मना ... विदर्भाचा. ती लाएबिलिटीच आहे.

वेगळं होणं ही विदर्भाच्या नेत्यांची मागणी आहे कारण त्यांना मुख्यमंत्री वा इतर पदांची वेगळी कुरणं चरायला हवी आहेत. त्यातून महाराष्ट्रातल्या जनतेचा (विदर्भ व नॉन-विदर्भ) काही फायदा नाही.

विदर्भाचा विकास झाला नाही म्हणायचा तर तो मुंबई-पुणे इथे झालाय असंही म्हणायला जीभ रेटत नाही. शहरांचा विकास झाला पण त्याची फळं बाहेरुन आलेल्यांनाच मिळाली. मराठी लोक मुंबईत गिरगाव-दादरमधून पार टोकाच्या उपनगरांपर्यंत फरफटत गेले आणि पुण्यात जो काही वाहतूककोंडीपासून पाणीटंचाईपर्यंत गोंधळ उडालाय तो सर्वांना माहीतच आहे.

भाषावार प्रांतरचनेमुळे विदर्भ मध्य प्रदेशातून महाराष्ट्रात आला. प.महाराष्ट्राचं राजकीय वर्चस्व असलेल्या महाराष्ट्रात विदर्भाचे वसंतराव नाईक हे दीर्घ काळ एक सक्षम व निरंकुश सत्ता हातीं असलेले मुख्यमंत्री होते . नंतर कन्नमवारही मुख्यमंत्री होते. जर ते विदर्भाचा विकास मार्गीं लावूं शकले नाहीत तर केवळ वेगळ्या विदर्भाचा मुख्यमंत्री झाला कीं हें काम मार्गीं लागेल अशी अपेक्षा करणं फारसं तर्कशुद्ध वाटत नाही. पण त्याचबरोबर विदर्भाला नैसर्गिक संपत्तिचं वरदान आहे व त्याचा व्हावा तेवढा लाभ ['ओरबाडणं' नव्हे !] विदर्भासाठीं व महाराष्ट्रासाठीं करून घेतां आलेला नाही, हें ही सत्य आहे. 'वेगळा विदर्भ' ही मागणी याकडे लक्ष वेधण्यापुरतीच समर्थनीय असावी व ती बव्हंशी तशीच आहे, असं मला वाटतं. अजूनपर्यंत तरी आत्तांच्या प्रचारात भाजपने ' वेगळा विदर्भ' या मुद्द्यावर जोर दिलेला नाही, हेंही महत्वाचं.

भाऊ,
भाजपाचा प्रचार जाहीर बोलणे, अन कुजबुज अशा दोन पातळ्यांवर चालतो, हे तुम्हाला ठाऊक नाही असे समजून चालू का? अमुक मुद्द्यावर जोर दिला / दिला नाही, तरी तो त्यांच्या अजेंड्यावर आहे, हे कसे विसरता येईल?

<< अमुक मुद्द्यावर जोर दिला / दिला नाही, तरी तो त्यांच्या अजेंड्यावर आहे, हे कसे विसरता येईल? >> इब्लीसजी, वरतीं माझ्या २५ ऑगस्टच्या पोस्टमधे म्हटल्याप्रमाणे << वेगळा विदर्भ मागण्यामागे हेतू फक्त विकासाचाच होता कीं वेगळ्या विदर्भात सत्ता मिळण्याची दाट शक्यता हा होता, यावर गणिताचं उत्तर अवलंबून असावं. केंद्रात सत्ता आल्यामुळे कदाचित ही मागणी रेटण्याची गरज भाजपाला आत्तां भासणार नाही >>. त्यामुळें, मुद्दा 'वेगळ्या विदर्भाची मागणी' अजेंडावर असण्याचा नसून आत्तां त्याला अग्रक्रम देण्याचा आहे.

. विदर्भाचा. ती लाएबिलिटीच आहे.>>>> कशी काय?

शिवसेना पक्ष प्रमुख उद्वव ठाकरेंचा सध्या 'केजरिवाल' झालेला दिसतोय. निवडणुकी आधी काँग्रेस आणि राष्ट्रवादि कसे चोर, भ्रष्ट आणि राज्य चालवायला कसे नालायक आहेत हे ओरडुन सांगत होते. आता प्रचारात भाजपा व मोदि यांच्या वरच टिका करत आहे.

१]आतांपर्यंत तरी युति तुटण्याचा दोष भाजपाकडेच जातो असं लोकमत तयार करण्यात उद्धव ठाकरे यशस्वी झालेले दिसतात व २] अख्ख्या महाराष्ट्राला भावणारं स्थानिक नेतृत्वच भाजपाकडे नाही, हेंहीं मोदींवरच प्रचाराची धुरा सोपवल्याने लोकाना जाणवत व खुपत असावं. या दोन मुद्द्यांचा लाभ निवडणूकीत शिवसेनेला नक्कीच मिळेल असं वाटतंय.

भाऊसाहेब,

दै. सकाळ मध्ये लोकसभा निवडणुकीपासुन ४ वेळा ओपीनीयन पोल आले ज्यात उध्दव ठाकरे यांना मुख्यमंत्री म्हणुन सर्वात जास्त टक्केवारी होती.

या ओपीनियन पोल ची रिलायबलीटी काय होती हे एकट्या शरद पवार साहेबांना माहिती. त्यांनी उध्दव साहेबांना हे पटवुन देण्यात यश मिळवले की महाराष्ट्रात तुम्ही एकटेच मुख्यमंत्री व्हायला लायक आहात.

परिणामी भाजपच्या जागा कमी झाल्या पण शिवसेना १५१ वर जी अडली आणि युतीला हीच गोष्ट नडली.

शरद पवार साहेबांची ही निती भाजपवाल्यांना कळली असावी म्हणुन त्यांनी वाटाघाटी ताणल्या आणि पर्यायी प्लॅन तयार केला.

राष्ट्रवादी युती तुटायची वाट पहात होतीच.

शरद पवार साहेब ग्रेट आहेत. भाजप विरुध्द सर्व अशी योजना करुन ते शांत पणे आपल्या उमेदवारांचे प्रचार करण्यात गुंतले आहेत.

उद्धव ठाकरेंनी स्वतः निवडणूक लढवायला हवी होती. शिवसैनिकांना आणखी स्फुरण मिळाले असते.

<< .... परिणामी भाजपच्या जागा कमी झाल्या पण शिवसेना १५१ वर जी अडली आणि युतीला हीच गोष्ट नडली.>> नितीनचंद्रजी, प्रत्यक्ष युति कां व कुणामुळे तुटली, हा संशोधनाचाच विषय आहे. पण लोकमत तरी सध्यां याबाबतींत भाजपाला दोष देण्याकडे झुकलेलं दिसतं. निवडणूकीत यालाच महत्व आहे, एवढंच मला सुचवायचं होतं.

मला नाही वाटत शिवसेनेला प्रचंड यश मिळेल. भाजपलाच सर्वाधिक जागा मिळतील असे मला वाटत आहे.

विदुषका , सत्य बोल्लास.. जनतेने सेना भाजपावर आता झाडु फिरवावा

मला नाही वाटत शिवसेनेला प्रचंड यश मिळेल. भाजपलाच सर्वाधिक जागा मिळतील असे मला वाटत आहे.
<<
<<
अगदि,
सध्या हे उद्वव महाशय कोणत्या काळात वावरत आहेत तेच कळत नाही, निजामशहा, अदिलशहा काय तोडांला येईल ते बरळत सुटलेत. म्हणे दिल्लीवरुन अफजल खान महाराष्ट्र जिंकायला आलाय, आता हा अफजल खान दिल्लीवरुन कसा काय येऊ शकतो? त्यामानाने राज ठाकरे अगदि योग्यप्रकारे प्रचार करत आहेत.

विदुषका , सत्य बोल्लास.. जनतेने सेना भाजपावर आता झाडु फिरवावा.
<<
<<
ताईसाहेब तुडतुडकर, हे येणार्‍या १९ तारीखेला कळलेच, कुणी कुणावर झाडु फिरवला ते.

>>>निजामशहा, अदिलशहा काय तोडांला येईल ते बरळत सुटलेत. म्हणे दिल्लीवरुन अफजल खान महाराष्ट्र जिंकायला आलाय,<<< + १

>>>ताईसाहेब तुडतुडकर<<<

भाजपने एक फेकलेले मंत्रीपद केंद्रात सोडायची तयारी नाही, तिथे लाचारी आणि इथे फार मोठा स्वाभिमान दाखवतायत.