निसर्गाच्या गप्पा (भाग - १२)

दिनेशदा, मस्त चित्र !
सामी, माझी एक मैत्रिण डिसेंबर मधे अंदमान ला जाऊन आली. तिनेही असंच सगळं सांगितले. खरंच किती ग्रेट आहे ना !

खरंच किती ग्रेट आहे ना !>> खरच ग्रेट. मला पण जाऊन तिला भेटावेस वाटतय.

खरंच किती ग्रेट आहे ना !>>>>>>>>>>>>>अनुमोदन! जाऊन बघायला पाहिजे.

मस्त आहे चित्र दा

फारच सुंदर चित्र काढलंय दा तुम्ही!! अजून अशी खूप चित्रं बघायला आवडतील.

सामी, मस्त आहे हं लेख! खूप आवडला. त्या पर्यटकांसारखा माझाही लेख वाचताना आ वासला होता!

दिनेशदांकडून स्फूर्ती घेऊन काही बाही काढायचा प्रयत्न करतोय - हे बॉलपेनने ५-७ मिनिटात गम्मत म्हणून काढले आहे - चिमणराव आहे हे सांगावं लागतंय यातच सगळं आलं

गोरखचिंचेखालचा बाजार
<<

दिनेशदा,
मांडवगडाजवळ ही झाडं आहेत. हिरवे लांबुळके केसाळ (मखमली फील असलेले) फळ. त्यात पांढरी आंबट भुकटी सारखा गर. काळ्या बिया. तीच गोरखचिंच का? त्याला ते लोक 'इमली'च म्हणत होते.

अरे वा! शशांक चिमणोबा छानच!
माझ्या लिंबाच्या रोपाला अचानक कोवळी पालवी फुटायला लागलीये. ज्याची संपूर्ण पानगळ झाली होती.
याच रोपाला एक कोष लटकलेला होता. हा फुलपाखराचा असावा का?

परवा बागेतून कढिलिंबाचे डहाळे आणले तर त्यावरून हे महाशयही माझ्या ओट्यावर आले. भलतेच अ‍ॅग्रेसिव्ह होते. पुढच्या हातानी मला मारण्याची अ‍ॅक्शन करत होते. सर म्हणतात ना.....एकत नाही का? मार देऊ?
तश्शी अ‍ॅक्शन हे करत होते. मी व्हिडिओ घेतलाय त्यांचा. आधी तू नळीवर टाकीन मग बघते इथे टाकायला जमतं का ते!

हेच ते महाशय.....

हेच ते महाशय..... >>>>> हा प्रेईंग मँटिस - प्रार्थना कीटक - भलताच अ‍ॅग्रेसिव्ह असतो - जन्मजात शिकारी असल्यामुळेच ......
तुझ्याकडील फोटोतला पिल्लू दिसतोय - पूर्ण वाढ झालेला पाहिलास तर ????.... जनरली सर्व मंडळी पळच काढतात याला बघून ..

http://www.maayboli.com/node/24610 या माझ्या एका लेखात या प्रेईंग मँटिसचे साद्यंत वर्णन आहे...

चिमणोबा, कोश आणि प्रार्थना कीटक मस्तच

प्रार्थना कीटक >>> मस्तच टिपलाय.

शशांकजी, चिमणराव मस्त!
मानुषी, <<<<सर म्हणतात ना.....एकत नाही का? मार देऊ? तश्शी अ‍ॅक्शन हे करत होते.>>>:फिदी:

शशांकजी, छान आलाय चिमणा. (सांगितलं नसत तरी आम्ही ओळखला असता.)
सर म्हणतात ना.....एकत नाही का? मार देऊ? तश्शी अ‍ॅक्शन हे करत होते.>>>:हाहा:

मानुषी हे कोष फुलपाखराचे आहेत. माझ्या घरी पण आहेत सध्या दोन झाडावर्..लिंबाला कोवळी पालवी यावी आणि ह्यानी फस्त करावी...:-) अस गेले दोन वर्ष चालु आहे...

चिमणा ओळखला बरे.
मानुषी, तो प्रार्थना किटक मस्त मिळालाय फोटायला

शशांक ,चिमणा ओळखायला येतोय.. गुबगुबीत दितोय चांगला!!
मानुषी..प्रेइंग मँटिस मस्त आलाय फोटो.. शशांक म्हणाला तसं, पिल्लू दिस्तंय..
फुलपाखराचा कोष ही मस्तंच..

प्रार्थना कीटकाचा फोटो मस्तच आहे.

सकाळी ऑफिस ला निघताना मनिमाऊ मस्त गेट मध्ये बसून उन खात होती. फोटो काढायला थांबले तरी जागची हलली नाही. फोटो मोबाईल ने काढ्ला आहे.

नविन चित्र आणि फोटो मस्त आहेत.

पामच्या झाडाचे अपडेट्स.
बराच विचार करुन झाडाला ह्युमिडीटी मिळत नाही असे मला वाटले. मग तेव्हापासुन एक स्प्रे बॉटल आणुन त्यातुन दिवसातुन दोन तीन वेळा पाण्याच्या स्प्रे करतेय. आधीच सुकलेली पाने गेलीच. पण न सुकलेली अजुन तरी टवटवित राहिलीत. नर्सरीमधे खुप झाडे आजुबाजुला असल्याने आणि सतत पाण्याने आंघोळ होत असल्याने त्यांना चालत होते पण घरी आल्यावर ह्युमिडीटी कमी वाटायला लागली बहुधा. आता हे एक स्प्रे करायचे नवे काम वाढले मात्र.

नमस्कार
गेल्या आठवड्यात नांदूर-मध्यमेश्वर पक्षी अभयारण्यात फेरफटका मारला. त्याची झलक.

व्वा! आशुतोष, मस्त फ़ोटो.

हो इब्लिस, तेच गोरखचिंच. आपल्याकडे अभावानेच दिसते. पण "कल्पवृक्षाचा" दर्जा द्यावा असे हे झाड आहे.

शशांक, चिमणराव छानच. तूम्ही डाव्या हाताने काढलय का ? ( मी काढलं असतं तर चोच विरुद्ध दिशेला असती.)

हो मानुषी, आमच्याकडे तो फारच मोठा असतो आणि पांढराही असतो. ( यालाच आपल्याकडे खंडोबाचा घोडा पण म्हणतात ना ? ) कोष फुलपाखराचाच आहे पण त्यातले पाखरू मेले आहे. पाखराची पुर्ण वाढ होऊन ते बाहेर पडले कि कोष वरुन झडपेसारखा उघडलेला दिसतो.

सामी / आशुतोष, मस्तच आहेत फोटो.

सावली, बहुतेक पाम हे समुद्रकिनार्‍यावरचेच त्यामूळे दमट हवामान लागणारच पण मी राहुरीला पण चांगली
वाढलेली नारळाची झाडे बघितली आहेत. ( नगर जिल्ह्यात )

आशुतोष, छान फ़ोटो.

शशांक मस्त चित्र
मानुषी, सामी, अशुतोष मस्त फोटो आहेत .

हा एक पक्षी दिसला नुकताच

सामी , आशु. , जो_एस मस्त आहेत फोटो.. वेगळेच दिसताहेत पक्षी..

त्यातले पाखरू मेले आहे

वाटलच होतमला..माझ्या झाडावर पण दोन आहेत असे

आशुतोष - तू जे पक्ष्यांचे फोटो काढले आहेस ते सर्व अप्रतिम......
नावे बहुधा अशी आहेत
१] लार्क
२] गरुड - त्यातील नेमकी प्रजाती कळत नाहीये
३] ?
४] खाटिक / श्राईक
५] ग्रे हेरॉन
६] ग्रे वॅगटेल

जो_एस ने जो फोटो टाकलाय तो वेडा राघू / बी ईटर (हा फोटोही सुरेखच)

मला इंदूर विमानळावर एक छान पुस्तक मिळाले होते ( आता इथे नाही ) त्यात तिथल्या एका तलावाचे संरक्षण
कसे केले आणि मग तिथे पक्ष्यांची ये-जा कशी वाढली याचे छान वर्णन होते. त्या पुस्तकात सर्व पक्ष्यांचे फोटो,
त्यांचे वर्णन, सवयी, खाद्य, गाण्यातले शब्द, स्थलांतरीत असेल तर मूळ स्थान, अशी माहिती आहे.

अशा ठिकाणी जाताना असे पुस्तक जवळ असले तर किती छान. शिवाय या पुस्तकाची किंमत २५० रुपयेच होती.
एवढे फोटो असलेल्या मराठी पुस्तकांच्या किमती मात्र अव्वाच्या सव्वा असतात.

मानुषी,आशु,सामी, जो_एस सुंदर प्रचि.

हा मॉथ ( मोठा पतंग)