निसर्गाच्या गप्पा (भाग-७)

उजू, राणीच्या बागेत गेलात तर रुद्राक्षाचे झाड शोधून त्याला फुले आलीत का ते बघा आणि रक्तचंदनाचे पण झाड बघा.
तिथे झाडावर पाट्या नाहीत, पण सगळ्या अनोळखी झाडांची नोंद करुन ठेवा. माहिती मग शोधू.

अगं आता आमच्याकडे (म्हणजे ऑफिसमधे) स्टॅच्युटरी ऑडिट सुरु झालंय. शिवाय सेंट्रल ऑडिट चालूच आहे. त्यामुळे प्रत्येक रविवारी मी ऑफीसला जातीये. आणि असं अजून एक महिना करावं लागणार आहे. आज खूप दिवसांनी गुड फ्रायडेची सुट्टी मिळून मी घरी आहे. त्यामुळे राणीची बाग बघणं हे बहुधा पुढच्या वर्षीच! किंवा दिवाळी नंतर! (मुंबैतल्या पावसाची.......)

शांकली,
व्हेरिगेटेड अ‍ॅडेनियम....> हा तर भुईचाफाना?

हा भुईचाफा नाही, हे अ‍ॅडेनियमच आहे. व्हेरिगेटेड म्हणजे एका रंगाच्या दोन छटा असलेले.:स्मित:

७ व्या भागाबद्द्ल सगळ्यांचे खुप खुप अभिनंदन ..:)
२ दिवसांत १५० च्या वर पोस्ट गेल्या पण... सगळ्यांनी खुप खुप मस्त मस्त फोटो
टाकले आहेत...
खरचं हा धागा म्हणजे अनेक नवनवीन माहीतींचा , फोटोंचा खजिनाच आहे... जागुला
ह्याबद्द्ल किती धन्यवाद दिले पाहिजेत असे वाटते.. निसर्गाची नवी नवी रुपे बघायला मिळतातं..

मग भुईचाफा असेल तर टाक.

वर मी अननसाचे झाड पाहिले. ईंडोनेशिया मधे बांडुंग नावाचे एक फार मोठे शहर आहे. तिथे 'हनी पाईनॅपल' मिळते. कारण हे अननस कापले की त्यातून मधमाशा बाहेर पडतात. ही अननसे विकण्याची तर्‍हापण मला फार आवडली. अननसाचे घडच्या घड टांगून ठेवलेले असतात. हे बघा प्रचि:

ही गुलाबी फुले की पाने कळत नाही:

हा सिंगापुरातील अशोक. आत्ता मस्त फुलला आहे.

बी, अननस उलटा टांगला कि देठाकडचा गोडवा शेंड्याकडे जातो, नाहीतर देठ गोड आणि शेंडा
आंबट लागतो.
ती गुलाबी पानेच वाटताहेत.

बी, माझ्याकडे भुईचाफा नाहीये. पण जमेल तेव्हा नक्की फोटो देईन.
सगळे फोटो छान. ते गुलाबी फूल पेट्रीया सारखं वाटतंय पण दिनेशदा नक्की सांगू शकतील. सीता अशोकाचा सध्या सगळीकडेच फुलण्याचा हंगाम दिसतोय.

Kaempferia rotunda भुई चाफा, भूमी चम्पा (आंतरजालावरुन -गुगलकृपेकरुन)

छान आहे भुईचाफा. धन्स.

सीता अशोकाचा सध्या सगळीकडेच फुलण्याचा हंगाम दिसतोय.>>>>शांकली हा मी गोव्यात काढलेला फोटो.

शशांकजी धन्यवाद. खूप वर्षानी हा पाहिला.

दिनेशदांचा सगळ्या झाडांचा हिशोब म्हणजे कोणतं झाड नक्की कुठे, कुठल्या झाडानंतर त्याचा नं आहे हे अगदी तोंडपाठ आहे
अगदी !
एखादा त्याच भागात राहणारा अस्सल निसर्गप्रेमी मुंबईकर देखील तिथली बागांची माहिती अडखळत सांगेल किंवा कित्येकांना तर काहीच माहीती नसेल पण तुम्ही मात्र अगदी परफेक्ट सेव केल आहे.

वा भुईचाफा..

वेरिगेटेड हा शब्द प्रामुख्याने पानांसाठी वापरलेल मी ऐकलाय. पानांमध्ये हिरव्यात पांढरा किंवा क्रिम कलर असतो ती वेरीगेटेड वरायटी असे शिकवलेले. पण फुलंच्या बाबतीत मात्र कधी ऐकल नाही.

राणीबाग सकाळी ९ ला उघडते. तेव्हा तिथे गेटवर जमुया. माझा नंबर आहे तुझ्यकडे उजु. मला फोन कर... मलाह दुपारी मामाकडे जायचेय त्यामुळॅ लवकर कलटी मारावी लगणार. (माझा कीबोर्ड मेल वाटते

भूईचाफा दुर्मिळ झालाय आता. गोव्यात काही जणांच्या परसात बघितला होता.
वर्षातून एकदाच फुलतो तो.

राणीबाग गटग वृतांत येऊ दे ! त्यावरच मी समाधान मानू शकेन. !!

राणीच्या बागेत जाणार आहात तर 'हिरवाई'मधे डॉ.डहाणूकरांनी वर्णन केलेला पचीरा पण बघून या नं.. आणि जिप्सीकडे फोटोची मागणी.... याची पानं सावरीसारखी असतात आणि रबरी पोताची असतात असं म्हटलंय या पुस्तकात. आणि सोललेल्या मोठ्या केळ्यासारखं,भरगच्च लाल पुंकेसर असलेलं मोठ्ठं फूल असतं असंही वर्णन केलंय.

आणि दिनेशदांनी वर सांगितलंय त्या स्टॉकिंग्ज ट्री (पायमोज्याच्या झाडाजवळच)जवळच, बेरीया कॉर्डिफोलीया आहे.. शंभर पावलांवर! खूप उंचच उंच आणि भिरभिर्‍यासारखी दिसणारी रक्तचंदनी रंगाची झुबक्याने येणारे फुलं! (हे वर्णन आणि पत्ताही हिरवाई मधलाच!) हाही बघून आणि फोटो काढून या नं... प्लीज.

कुणाकडे सोनटक्का आणि अबोली यांचे फोटो आहेत का? मला त्यांची आठवण येतेय्....सोनटक्क्याचा वास नाहीतर निदान फोटू....

हो दिनेशदा शोधू आम्ही रुद्राक्षाचे आणि रक्तचंदनाचे झाड. माझ्याकडे आजीनी दिलेली रक्तचंदनाची बाहूली आहे अजून हि, ती मी कधिच उगाळत नाही. जपून ठेवली आहे आजीची आठवण म्हणून.
शांकली, वोक्के वोक्के. नेक्स्ट टाईम.
साधनातै,प्लीज$$$$$$$$$ अ‍ॅडेनियमच्या बीया असतील तर माझ्यासाठी आण.मी फोन करेलच ऊद्या.
बी ,शोभा१२३, छान फोटो.भुईचाफा पण मस्तच.

कुणाकडे सोनटक्का आणि अबोली यांचे फोटो आहेत का? मला त्यांची आठवण येतेय्....>>>वेका, हि अबोली

हा आजचा पोर्णिमेचा चंद्र माझ्या गॅलरीतून दिसणारा.

स्टॉकिंग ट्री मी बघितलेय. अजून असावे तिथे. पण त्याचा नेटवर पण फोटो दिसत नाही.
अगदी पायमोजेच लटकताहेत असे वाटते.

जिप्सी अबोली मस्तच.
माझ्या बिल्डींगमध्ये एका काकूंकडे जांभळी अबोली आहे.

जांभळी अबोली आहे.>>>ओह्ह जांभळी अबोली!!!! मी पिवळी पाहिलीयं पण जांभळी नाही.

उजू, नक्की अबोलीच आहे का? कारण कोरंटी ही जांभळी असते. दुरुन तीही अबोली वाटू शकते. फोटो काढून इथे आम्हाला पण दाखव मग.

कारण कोरंटी ही जांभळी असते. दुरुन तीही अबोली वाटू शकते>>>हो आणि दशमुळीसुद्धा अबोलीसारखीच दिसते.

मराठी लोकाना देवगड, रत्नागिरी हापूसचा अभिमान वाटणे सहाजिकच आहे. त्या
चवीचा आंबा जगात कुठेच मिळत नाही (मी ऑस्ट्रेलिया, मलेशिया, पाकिस्तान, ओमान, नायजेरिया, केनया, दक्षिण आफ्रिका या देशातले आंबे चाखलेले आहेत.)
पण तसा आंबा भारतभर होतो. ते तसे चवदारही असतात अपवाद फक्त ईशान्य भारत.

त्या राज्यांत मात्र आंबे होत नाहीत. म्हणजे आंब्यांची झाडे आहेत, त्यांना मोहोर येतो,
आंबेही लागतात. पण पिकायला लागले कि सगळेच्या सगळे सडून जातात.

अविनाश बिनीवाले यांनी एक मजेदार लोककथा सांगितली आहे.
परशुराम एकदा मिझोरामला गेला (कोकण सोडून तिथे कसा गेला असेल ? ) तिथे
त्याला भूक लागली. एका शेतकर्‍याचा अंगणात आंब्याचा ढीग होता. परशुरामाने
त्यातले काही आंबे मागितले. शेतकरी म्हणाला, सगळे सडले आहेत. परशुराम म्हणाला, तथास्तु. तेव्हापासून तिथले सर्वच आंबे सडून जातात.

त्या राज्यांत इतर सर्व पिके त्यात चहा, बांबू, भात, मश्रुम, अननस, फणस होत असली तरी आंबा मात्र नाही. याबाबतीत शास्त्रीय कारण काहि असेल का ? किंवा एखादा रोग किंवा किडीचा प्रादुर्भाव असेल. पण त्याबाबत काही माहिती नाही.