व्यक्तिमत्व

फसले रे,...

कुणी सहजा-सहजी फसले
तर कुणी मुश्किलीनं फसले
कुणी टिचक्या मारून फसले
तर कुणी मिश्किलीनं फसले

मात्र या फसवा-फसवीत
कुणाच्या सतर्कतेचे गुण दिसले
अन् कुणीही न फसविल्याने
कुणी सतर्कता बाळगुन फसले

विशाल मस्के
सौताडा, पाटोदा, बीड.
मो.९७३०५७३७८३

फेकू दिनाचे आयडॉल,...!

फसवणारे फसवत गेले
फसणारेही फसत गेले
करकरीत सत्य सुध्दा
कुणाला फेकू भासत गेले

प्रत्येकाच्याच मना-मनात
फसवा-फसवीचे स्टॉल झाले
तर कुणी-कुणी फेकू दिनाचे
इथे चक्क आयडॉल झाले

विशाल मस्के
सौताडा, पाटोदा, बीड.
मो.९७३०५७३७८३

फसवा-फसवी दिन,...

आपण फसु नयेत म्हणून
कुणी तयारीत बसले जातात
हलगर्जीपणामुळे कधी
कुणी सहज फसले जातात

कुठे फसवल्याचा हर्ष तर
कुठे फसल्याचा शीन असतो
फसणार्‍या अन् फसवणारांचा
हा फसवा-फसवी दिन असतो

विशाल मस्के
सौताडा, पाटोदा, बीड.
मो.९७३०५७३७८३

अंधश्रध्देच्या हद्दी,...

समाजामध्ये वावरताना
चारित्र्यवान शक्कल पाहिजे
आपण काय बोलावे याचीही
प्रत्येकाला अक्कल पाहिजे

जरी विज्ञानवादी विचाराच्या इथे
कुणी संकल्पना मांडल्या आहेत
तरी अंधश्रध्दा पसरविण्याच्याही
कुणी हद्दीच ओलांडल्या आहेत

विशाल मस्के
सौताडा, पाटोदा, बीड.
मो.९७३०५७३७८३

कायद्याचा धाक,...

निवडणूका म्हटलं की
कुणाचा तोल जाऊ शकतो
कधी प्रचारातुन आचाराचा
संहिता भंगही होऊ शकतो

मात्र प्रसंगावधान बाळगत
वर्तनुकीत ना बाक पाहिजे
कायदा आणि सुव्यवस्थेसाठी
कायद्याचाही धाक पाहिजे

विशाल मस्के
सौताडा, पाटोदा, बीड.
मो.९७३०५७३७८३

पिस्तुल प्रकरण,...

त्यांची पिस्तुल पाहताच
यांनी वाभोळ्या काढल्या
खोटी पिस्तुल दाखवत
टिकेच्या गोळ्या झाडल्या

कुणाकडून म्हणे प्रताप होता
कुणाकडून बालिशपणा झाला
मात्र या पिस्तुल प्रकरणांचा
बोभाटाही ठण् ठणा झाला

विशाल मस्के
सौताडा, पाटोदा, बीड.
मो.९७३०५७३७८३

हाकालपट्टी,...

कुणा-कुणाकडून काही गोष्टी
स्वत:पासुनच भटकू शकतात
कुणा-कुणाच्या काही गोष्टी
कुणा-कुणाला खटकू शकतात

मात्र भटकणारे अाणि खटकणारे
कधी गट्टीत,कधी कट्टीत असतात
अन् आपले वाटणारेही वेळेप्रसंगी
कधी-कधी हाकालपट्टीत असतात

विशाल मस्के
सौताडा, पाटोदा, बीड.
मो.९७३०५७३७८३

स्वभावी बाणे,..

मवाळवादी बाणा कधी
जहालपणे वागुन बघतो
तर कधी जहालपणाही
मवाळतेला भोगुन बघतो

जहाल आणि मवालसुध्दा
एकमेकांत ओघळू शकतात
जशी वेळ येईल तस-तसे
स्वभावी बाणे बदलु शकतात

विशाल मस्के
सौताडा, पाटोदा, बीड.
मो.९७३०५७३७८३

पाठिंब्याच्या आशा,...

पाठिंबा देण्या-घेण्यासाठी
मना-मनामधुन गळ असतो
पाठिंब्यात मिळालेला आधार
जणू उम्मेदिचं बळ असतो

कधी इतिहासाच्या पाऊलखुणा
वर्तमानात पहूडलेल्या असतात
अन् पाठिंब्याच्या आशा मात्र
मना-मनात दडलेल्या असतात

विशाल मस्के
सौताडा, पाटोदा, बीड.
मो.९७३०५७३७८३

व्यक्तीची योग्यता,...

प्रत्येक-प्रत्येक व्यक्तीची
इथे योग्यता पाहिली जाते
योग्य व्यक्तींची अप्रत्यक्षही
कधी गाथा गायली जाते

विचार आणि कार्यावरून
व्यक्तीची योग्यता कळून जाते
अन् त्यांची यशस्वीता सुध्दा
जणू त्यांच्यासाठी चालुन येते

विशाल मस्के
सौताडा, पाटोदा, बीड.
मो.९७३०५७३७८३