Story

“आई…, जेवण तयार झालं का?” पायातल्या चपला काढत दारातूनच मी आवाज दिला. “माझं ताट कर लवकर. उशीर झालायं, गाडी चुकेल.”
“आत तर ये आधी. का दारात उभा राहून जेवणार आहेस?” माझी आई बोलण्यात माघार घेणारी नव्हती.
मी गडबडीनं आत आलो, कपडे बदलले आणि हात धुवायला गेलो.
संध्याकाळचे सात वाजले होते. आठला शहराकडे जाणारी शेवटची गाडी होती. ती चुकवून चालणार नव्हतं. नाहीतर उद्या कामावर जायला उशीर झाला असता आणि मग बॉसची बोलणी खावी लागली असती.

कधी नव्हे तो सुट्टीचा योग जुळून आला होता, आज शनिवारी प्रजासत्ताक दिन होता. त्यामुळे शनिवार आणि रविवार असे मस्त दोन दिवस मिळणार होते सुट्टीचे. गोव्याला येऊन मला 4 वर्षे झाली आहेत गोव्याचा 50% भाग फिरून झालेला आहे. कॉलेज मध्ये शिकत असतानाच मी ठरवले होते की गोव्यालाच जॉब करायचा. आधीपासूनच मला निसर्गाची खूप ओढ होती. गोवा म्हणजे निसर्गाची देणगी लाभलेले ठिकाण. कधी वेळ मिळाला तर आम्ही रविवारी किंवा वीकेंडला फिरायला बाहेर पडायचो.