बाल कविता

प्राण्यांचे संमेलन झाले ‘ नाच-धमाका ’ सुरू
लेझिम घेऊन वाघ म्हणाला , ' धमाल मस्ती करू ! '

स्वागत-गाणे म्हणतच केले ट्विस्ट अस्वलाने ,
भरतनाट्यम करीत कौतुक केले जिराफाने !

ता थै तक थै तालावरती झेब्रा नाचत सुटला -
गोरीला गरब्यात गुंगला तोल सावरी कुठला ?

रानगव्याचा डिस्को बघता , नागहि डोलत बसला -
रमला दांडीयात लांडगा , ससाहि ठुमकत हसला !

लबाड कोल्हा कथ्थक करुनी सावज शोधत होता -
हत्तीचा भयचकित भांगडा जंगल तुडवित होता !

फांदीवरती ब्रेक डान्सची धमाल मर्कटलीला ,

उंट जिराफ जिगरी दोस्त
फोटो काढू म्हणाले मस्त -
फोटो काढला हसरा छान
अडकून बसली मानेत मान !

कांगारू म्हणाले पिल्लाला
चल रे जाऊ फिरायला -
पिल्लू बसले ऐटीत
आईच्या पोटाच्या पिशवीत !

मोकळी हवा घेण्यासाठी
मासा पाण्याबाहेर आला -
बगळा स्वागत करण्यासाठी
एका पायावर तयार झाला !

ससोबा रॉकेटमध्ये बसून
पृथ्वीभवती गरगर फिरले -
ढगांचा गडगडाट ऐकून
चांदोबाच्या कुशीत शिरले !

महादेवाचा सोमवार
बेल वाहूया हिरवागार,

गणपतीचा मंगळवार
उंदीरमामाची शानच फार,

पांडुरंगाचा बुधवार
टाळ,चिपळ्या,बुक्का,हार,

दत्ताचा तो गुरूवार
आजोबांनी दिले पेढे चार,

जगदंबेचा शुक्रवार
आईला शालु हिरवागार ,

हनुमंताचा शनिवार
करा रामाचा जयजयकार,

खंडोबाचा रविवार

लाडू चिवडा करती लढाई
दोघेही मारती बढाई
`मी आवडता `-`आवडता मी `
चवीत सा-या मीच नामी !
तिखटाशिवाय फराळ कसला !
गोडाविण तो फराळ कसला ?
तिखट गोड ते भांडु लागले
मदतीसाठी ओरडू लागले-
शेव चकली दोघी धावल्या
जामुन बर्फी करंज्या आल्या
ताटामध्ये सुरू जाहली
तू-तू मी-मी गंमत झाली
बंडू जवळी आला दिसता
पदार्थांमधे वसे शांतता !
...चव नसते गोडा-तिखटाला
जेव्हा असतो बंडू भुकेला !!