तत्त्वज्ञान

उघड-उघड सत्य

सत्य माहिती असतानाही
खोटे-खोटे दावे असतात
पण त्यांचे हे साटे-लोटे
जनतेलाही नवे नसतात

कितीही थापा मारल्या तरी
सत्य झाकता झाकत नाहीत
एवढं उघड-उघड असुनही
फेकु काहीच शिकत नाहीत

विशाल मस्के
सौताडा, पाटोदा, बीड.
मो. ९७३०५७३७८३

स्रीया

महिलाही जाणू लागल्या
सामाजिक जबाबदार्‍या
चांगल्या समाज निर्मितीच्या
घेऊ लागल्या खबरदार्‍या

झपाट्याने होणार्‍या प्रगतीच्या
स्रीयाही कारण झाल्या आहेत
सत्कार्य करता-करता मात्र
कुकर्मातही पुढे आल्या आहेत

विशाल मस्के
सौताडा, पाटोदा, बीड.
मो. ९७३०५७३७८३

खंत

हातामध्ये पावर येताच
भले-भलेही फितुर झाले
मुलभुत हक्कही काढण्या
नको तितके चतुर झाले

कटू नीतीचा वापर करून
अधिकारही हिरावले गेलेत
त्यांच्या एका-एका कृत्याने
माणसं सुध्दा दुरावले गेलेत

विशाल मस्के
सौताडा, पाटोदा, बीड.
मो. ९७३०५७३७८३

आपल्या विचारांत

विचारांनी विचार जोडता
जणू वैचारिक उधाण होते
पण विचार कोणते जोडावे
यावर कुणी अजाण राहते

विवेकी विचारांची आपल्या
विचारांनाही संगत द्यावी
अन् अविवेकी काया ही
समाजातुन भंगत जावी

विशाल मस्के
सौताडा, पाटोदा, बीड.
मो. ९७३०५७३७८३

देखाव्यात

प्रत्येक गोष्ट वरचड हवी
ऐपत सुध्दा नसताना
आतुन पोकळ असुनही
फूगीर बनतात दिसताना

ज्या-त्या गोष्टी योग्य वेळी
योग्य ठिकाणी रोखाव्यात
इतिहास सुध्दा पहा जरासा
कित्तेक बुडाले देखाव्यात

विशाल मस्के
सौताडा, पाटोदा, बीड.
मो. ९७३०५७३७८३

लोकशाहीच्या सक्षमतेला

कीतीही मारू द्या थापा
कुणाकडेच स्वबळ नाही
लोक सहभागा शिवाय
लोकशाही प्रबळ नाही

लोकशाहीतील लोकांचं महत्व
लोकांना समजुन दिले पाहिजे
अन् लोकशाहीच्या सक्षमतेला
लोकांनी जागृत झाले पाहिजे

विशाल मस्के
सौताडा, पाटोदा, बीड.
मो. ९७३०५७३७८३

शाब्दिक वॉर

कधी आतल्या कडून तर
कधी मात्र बाहेरच्या कडून
कधी-कधी उघड-उघड
कधी मात्र शब्दांत दडून

शाली मधूनही जोडे देत
मनाचे सुरंग छेडले जातात
अन् टोलेजंग टोले देत
शाब्दिक वॉर लढले जातात

विशाल मस्के
सौताडा, पाटोदा, बीड.
मो. ९७३०५७३७८३

मागणीचे मुहूर्त

कधी कोणती मागणी करावी
कित्तेक मनात आखणी असते
योग्य मुहूर्त समोर दिसताच
लगेच मागणीची फेकणी असते

योग्य मुहूर्त भेटल्याने मग
संयमांना ना आळा असतो
अन् अटी-तटींच्या मुहूर्तांवर
सगळ्यांचाच डोळा असतो

विशाल मस्के
सौताडा, पाटोदा, बीड.
मो. ९७३०५७३७८३

माणसं

कधी कधी लोकांसाठी
इथे मरतात माणसं
तर कधी कुणासाठी
कुणा मारतात माणसं

माणसांच्याच कुकर्मात
सांगा का खपावे माणसं,.?
माणसांकडून माणसांसाठी
माणसांनीच जपावे माणसं

विशाल मस्के
सौताडा, पाटोदा, बीड.
मो. ९७३०५७३७८३

कुठे फिरून आले की लगेच त्या आठवणी लिहून काढायची सवय म्हणा, हौस म्हणा किंवा विरंगुळा म्हणा, आहे खरा! हे काम करायला मजा येते आणि नंतर त्या आठवणी कधीतरी वाचताना गंमत वाटते. पण सगळेच अनुभव व्यक्त करता येतातच असं नाही अन काही वेळा सांगावेसेही वाटत नाही तो आपला सुखद ठेवा असतो... आठवणींच्या गाभार्‍यात मखमली वेष्टणात गुंडाळून ठेवलेला. फक्त आणि फक्त आपणच त्याचे खजिनदार व राखणदार.